Heeburu 12:29 - Anutuna Ufa

²⁹ Maasa Anutufa sia fifau ainaina maridanoo. Ida qamataikannimaqee marifa maridanoo, minara aaqara oosanara rufiaaqa, ani faqa ida qamataikaandoora.

Heeburu 12:29 Referans Kwoze

Heeburu 10:27

Miqinna fasiqafa naaru kambiqaaninna ufa iriranara rufiasee afeesianno. Mikari mi fasiqafa ufa qirana iriseenoo firaa idaqeemari idanaki qamataikaannoo. Miqimasee Anutuna ufara sia fee qimariasa aiqamausa minaki aupureefaranoo.

2 Teesaroonika 1:8

Miqimmandee kooroomafinoo Yisufa Anutunara sia irimariasa faqa maasa karaambaiqa Yisuna amiqira fasaasa ufara nikoo nikaa imariasa narirana nimiannoo.

Rafudoo Akarafa 24:17

Faiqí anaasee afaasasaa marusa aaqana qafeeqa naaquqara kudifaannammiifoo qiqau. Anutuna kaaqa qarafa aaqana saa firaaqoo idauruara foora imarinau.

Idi Ufa 97:3

Ida fannoo mina oorinni fidanoo mina namuqaa mina fiqu fiqu imariasa qamataika nimaqaidanoo.

Idi Ufa 50:3

Maasa Anutufa anireenoo sia ufa siaina marifa maridanoo. Ida fannoo mina afunni fidanoo fasafasimarifanoo fidanoo. Misaqa mina fiqu fiqu inoo mari ainainausa ufai aakuasaa innaarunai qirafa mifauqa kai firaaqoo ufa qidanoo.

Rafudoo Akarafa 15:7

Aneenna firaa uriqararanannai aneenna namuqaa rafusu aquananoo. Ani aanoo qirafa ida dudaaqasaaqari qeera foora mannimaqaananoo.

2 Koorinti 5:11

Maasa karaambaiqara rufiaranara iridaqa faiqí anaasee aaquqimannimaqaidaqa. Anutufa maasa anoona mariranara akooqoo iridanoo innee Koorinti maqannaasa maasa anoona marirana faqa amiqimasee abee iridee sia fee iridee.

2 Teesaroonika 1:7

Karaambaiqa Yisufa innaarunaindari narí afeekafaqaa qangiroo namufaqa ida aurunamu faqa koorooira faasaana asooarana maasa nimiseenoo aupurarana misa nimiannoo.

Heeburu 10:31

Mifa miqi qidanoo qinee minara maaqi qidaqa, kaqi marira Anutuna asaukuki aqufinafa firaa narirafa kaaqa naaquqee marifa maridanoo.

2 Peetooroo 3:7

Maa maria maqa maaqana faqa innaaruna faqa Anutufa narí ufannai afeedidanoo idannai qamataikaanifeera afeedidanoo. Innaaruna faqa maqa faqa manda oosana maree mariasa faqa Anutufa afeeda maqaifaqa marida moodaa kari idaqama taikaannoo fee qidanoo. Minauqara faqa misa qikooqaifaqee qimasee unnaqidaqa sia iridaqee qidaqa.