Heeburu 12:23 - Anutuna Ufa

²³ Innee Anutuna ooqa faiqi innaarunai bukaki akara rirausa kai kaaqa firaaqoo suqimarianaki asasimarianaki ani mariafanoo. Innee Anutufiqoo ari mariafanoo. Mifa aiqamausa ufa irisee andeeqannisee marifa maridanoo. Andeeqara fasiqa kuqufusa innaarunai ooruree anoonaikamambiqa innee misa nimana namufaqa andeeqaranaki asasiranaki ani mariafanoo.

Heeburu 12:23 Referans Kwoze

Yameesa 1:18

Anutufa narí iriranannai kai narí anoona ufannai kai maasa narí fukasaa aanaaqi aanaaqikiranaki quqaqiseenoo maasa narí ufini aandau aiqama ainaina uriqararausai kamafi mariaqeera auquqisanau.

Heeburu 11:40

Anutufa maasara moo firaa irirana iridanoo. Indaaruqaasa maasa qifeesammidaqa. Sia misa náriara anoonaikifaranoo. Misa faqa maasa faqa moodaa kari innaarunai mareefandia maqi qidanoo.

Ruka 10:20

Doo miqinoo marifaqa maa anoona ainaina qimannimidaqa, faafasaaqa inni ufa irisee eedoo qimarianara sia minara asasiaqa maa ainainnara asasiaqa, inni nuqu innaaruna ququsaki mari papiqanaki akararinoo maridanoo, minara kai asasiaqa.

Uqafiqoo Ufafa 14:4

Mi fasiqausa sia anaasee qummuari marusa amiqira maanaaqara foora andeeqarausa kai maridaqa. Misa sipsipa aanaaqi kuquna Yisuna faqa aiqamai fimarusa misa maqasaa fasiqa nandafiana neera fooridaqa misa Anutunaindi faqa Yisunaindi faqa maridaqa miqidaqa.

Rafudoo Akarafa 4:22

Anee maaqi qimaseenana Faraoona qimamia. Yaaweefa maaqi qidanoo. Isaraee maqannaasa qini ooqa faiqiara foora maridammiaafoo qia.

Oosana 18:25

Sia amana andeeqarausa faqa mandaikirausa faqa moodaanaki narinnaranoo. Mifa sia andeeqanoo maridanoo. Andeeqarausa faqa aaqee mariasa faqa sia amana moodaa oosana kai niminnaranoo. Aiqama maa maqanasaa mariasa siaasa marianafa andeeqara oosana kai maraa.

Uqafiqoo Ufafa 20:15

Aiqamausa asumu maraaninausa papiqaki nuqu marisa misa kaqi marifaranoo mi papiqanaki nuqu sia marinausa misa aiqama mareeqee kaqi kasi marufanoo ida farumaki aiqama aqinau.

Idi Ufa 94:2

Oo Yaawee, maasa maa maqa maaqanasaaqaraasa ufa rainee marianafa, anee findi fua. Doo findi finana nári noori uqeeree mariasa miqi mariana akiiqara nimia.

Heeburu 9:27

Aiqamausa moodaa kari kuquannana amana kai Yisufa moodaa kari kuqinau, aiqamausa moodaa kari kai kuqufiqa miqooqari Anutuna faqa ufa qiranaki fifaranoo.

Idi Ufa 96:13

Yaaweefa maqasaaqaraasa rakisi nimaqarara anireenoo andeeqaranannai faqa amana amana kai ira oosanannai faqa rakisi nimaqaannoo.

Uqafiqoo Ufafa 13:8

Aiqama maa maqa maaqana afaaqasasa mariasa mi kaasau aandaunara Anutufara foora innaaru qimasee amooqifaranoo. Misa nári nuqu kaqi marifandinausa Yisuna bukaki akara rimariasa misa kai sia amooqifaranoo. Ooqai maa maqa maaqana sia maruqoo Anutuna sipsipa aanaaqi kuquna bukaki nuqu marisa kai sia kaasau aandau amooqifaranoo.

1 Peetooroo 2:23

Misa aqurara ufa amufanoo sia mifa quandafi mina akiaqara nári niminau. Misa aupurarana mina apatasaa quqoofanoo sia mifa misa aanoo ufa niminau kaqi narí irirana Anutunasaa andeeqara ufa nimimarunasaa narí irirana quqasee kuqinau.

Heeburu 11:4

Kainafa Anutuna tatufirana suqa amiraree qimaseenoo ureeqarana suqa aminau. Abeerafa Anutunasaa irirana rusi marunanoo narí afasaana Kainana tatufirana uraaqaranau. Abeerafa Anutuna saqariki marunara Anutufa Abeeranara andeeqara fasiqafee qimaseenoo mifa amu ainainara asasinau. Abeerafa ooqai kuqinoo maridanoo mina ufa fannoo kaqi maasa qimaqimidanoo. Innee faqa miqikai mandee Anutuna saqarikiaqa. Miqi qidanoo Abeerafa naamua qidanoo.

1 Timooti 3:5

Mi fasiqafa narí faiqí anaasee sia amiqimasee rakisinoo naqimaseenoo fee Yisuna ufara suqimaria maqanaki keeqee mariasasaa rakisiannoo fee.

Firipi 4:3

Oo qini Firipi maqannaa qifaaqasaa qiqoondi moodaanaki qini qifaaqasaa ainaini marianafa ani faqa qimamidaqa anee mi anaaseeqanda andeeqasaifaqa moodaanaki mariaqeera. Miqanda ooqai Yisuna fasaasa ufa maqusa maqusa nidaqa qini dadaaqidaqa qimannimi maruqanda maridaqarammia anee miqanda andeeqannisaa. Miqanda faqa Kareemeendana faqa aiqamausa qini faqa moodaanaki ainainimariasa faqa misauqa aiqamausa nuqu Anutuna naaru mariranaki fimariana bukaki misauqa nuqu maridanoo.

Eefeesusa 1:22

Anutufa aiqama ainaina mareeqeenoo asauku mundirana aramandunnai quqaseenoo mina mareeqeenoo Yisuna ufara suqimariasa nikiaqasaa quqasaifanoo aiqama ainaina uriqarara karaambaiqa maridanoo.

Yoohanee 5:27

Mifa Anutufa narí amaakuara faiqí nimaaku fee qimasee faiqí anaasee mandainaina andeeqannisarana narí amaaku qinisaa quqaqaisa maridaqa.

Idi Ufa 98:9

Yaaweefa maa maqa maaqanaki mariasa ufa andeeqa nimaqarara quminara asasamma amaqaaqa. Narí andeeqaranannai faqa amana amana kai andeeqaranannai faqa maqasaa qaraasa andeeqannisaannoo.

Kooroosee 1:24

Qinee Yisuna aufakiana qimannimunnanara minara qinee Roomma maqannaa rumbaranaki maridaqa, innisaara faqa rumbaqa maridaqa. Qinee sia minara doori runidaqa, doori quqasee asasida maridaqa. Yisufa narí aiku oosana mariasara aunirira saqarisaa aupurarana maranau. Mina aupuraranaki qinee faqa keeqeeqa ookaamambiqa rumbaqa maridaqa aupuraidaqa Yisunaindi fee qimasee kaqi asasidaqa.

Kooroosee 1:12

Anutufa narí areenara maqusaki innaarunai narí nimianinna ainaina afeedimarina quqaseenoo innee ooru marasee miqoo mariaqeera inni mandainaina doo afaqaseenoo innee minara faqa iriseeqa innaarunai nikoonara asasammasee dufi dufi qimamaqaaqa.

2 Koorinti 5:8

Paasoosirafa maasaki qumbiqanoo maridanoo maa uiqaana maqafa maasa qifaaqa minnisee karaambaiqa faqa narí maaqara faqa minni f irinara faqa minara kai iridaqa ridaqa.

1 Koorinti 15:54

Ufaasu maqasaaqaraa nipata faqaasa kuqifandinausa naaru marira nifaaqa sia kuqimaria nifaaqana afisumareeqa doo miqoo ooqeenaasa akara anoona kambiqaannoo. Misa maaqi qiqau. Anutufa doo kuqirana aiqama nambiqama taikaseenoo mina uraaqaranoo maridanoo. Kuqirana rafaaqafirafa doo taikeenoo. Kafaa moo akarakinaa ufa minara maaqi qidanoo.

1 Koorinti 13:12

(Pauroofa maru aukuanna manda tanuka kai marinau. Mi manda tanukana kikiqusidanoo maa ufana qinau.) Maasa tanukaki qeeqa doori qafaidaqa sia amiqimmandee qeeqa qimana qafaidaqa. Maasa maqee qafee marunafa miqirana ati kai qafaidaqa, Yisufa quminna aukuana maasa mina faqa narí oori narí oori andeeqasee qafaanaura. Maqee marunna irirafa ati kai maridanoo, Yisufa quminna aukuana maasa irirafa anoona mariannoo. Miqoo maasa irirafa Anutufa maasara amiqimasee irindee kai inoo anoona irirafa maasaki faqa mariannoo.

Idi Ufa 111:1

Yaaweena amooqiaqa. Qinee qeeqa qimuqusannai mina faiqí anaasee suqiranaki Yaaweenara dufi dufi qianaura.

Idi Ufa 89:27

Qinee mi fasiqana Dafidina utaaqama saananoo qini ooqa faiqiara foora mariannoo. Aiqama maa maqa maaqanakinaa karaambaiqauqa uriqarara karaambaiqa mariannoo.

Idi Ufa 89:7

Innaarunai suqiranaki mariasa aniara firaaqoo rufiaidaqa. Mina fiqu fiqumma mariasa firaaqoo minara naaquqaifaqa rufiaidaqa.

Idi Ufa 69:28

Oo Yaawee ani naaru marira papiqaki misa nuqu marina rukaa. Aaqee mariasa nuqu sia andeeqee mariasa nuqu namu faqa moodaanaki akara rua.

Rafudoo Akarafa 13:2

Innee aiqama akoonaiqi ooqa faiqiuqa qini kai qimia. Aiqama Isaraee maqannaa ooqa faiqiuqa faqa aiqama aandau ooqasaa maqarana akoonauqa faqa qinindi marinara qini qimiaqa.

Rafudoo Akarafa 32:32

Amanee misa aaqarana akiiqara minninnisaa. Sia minninniseenana qini duqu ani faiqí anaasee faqa ani bukaki akararinoo marina kai rukaa.

1 Koorinti 15:49

Maqee maasa maqannai auqira fasiqa afaaqa afisiqa moodaa karammiqa maridaqa kasooqaqee maasa miqikai masee innaarunaindaraa fasiqa afaaqa afisusee miqi kai iqa moodaa karakaimmianaura.

Heeburu 2:12

Yisufa minara maaqi qimaqoofa akaraki maridanoo. Oo Anutu aniara qeeqa qikaqaafasaa qimannimianaura. Qinee faiqí suquseeqa misa nifusaa ani amooqianaura.

Uqafiqoo Ufafa 6:9

Misa fufanoo sipsipa aanaaqi mi papiqanasaa rumbarana moo sanda idukinau. Idukusoofaqa qinee miqoo aandau tatufimaru qaindana marufaqa qafaqiafana. Mi qaindana ameemaanai kuqirausa nimana moomoo marufaqa qafaqiafana. Sia fifau kuqirausa mariqau. Maqasaa maridaqa Anutuna ufa andeeqasee faiqí anaasee qimannimunara mina akiaqara narusoosa kuqiqa mariqau. Misa oosana Anutuna ufamau kai fimarunara minara narusoofanoo Anutufa misa nimana mareeqeenoo innaaruna qainda ameemaanai quqanau.

Uqafiqoo Ufafa 6:11

Miqi qimasoofaqa innaarunai marusa eekara qamunna marasee aiqama nimisee qimannimiqau. Innee maana afisusee kafaa miqoo kaqikaaqoo idooaaqa. Inni nikaqaafasaa maqasaaqaraasa inni naanna reeqa Anutuna ufasaara kuqifanoo Anutufa mikari inni ufa faqa misa ufa faqa iriannoo.