Heeburu 12:21 - Anutuna Ufa

²¹ Mooseefa faqa Sinai aaqanasaa kambiqoo ainainna qafamasoofanoo kaaqa aaquqoofanoo aindiri aindirufanoo qinau. Qinee faqa qafaunanoo kaaqa daaquqeenoo daindiri reenoo.

Heeburu 12:21 Referans Kwoze

Rafudoo Akarafa 19:16

Qaara afuru faisoofanoo qaaramookufanoo kananaana aaqanasaa ukeena firaana fuaqarana namu faqa qamatooki kira oonnamu namu faqa aakuasaa innaarunai namu faqa ufaqa faiqí anaasee uiqaana maqaki mariusa aiqama naindiri roofaqa rufiaqau.

Rafudoo Akarafa 19:19

Ukeena feendundaanai qimarinau. Miqi qimarufanoo Mooseefa Yaaweena qimamufanoo Yaaweefa kafaa innaarunai darara qiranakiqari narí qimaminau.

Uqafiqoo Ufafa 1:17

Qinee mina qafamasee kaaqa rufiasee mina aramandunnai maqasaa aqufiqa kuqiara foora iqa mariafananoo narí asauku uqannai qinisaa munduseenoo qimaqiminoo qinau. Oo maa fasiqa sia rufiaa. Qinee indaaruqaasa faqa inaaqianaasa faqa maridaqa.

Idi Ufa 119:120

Qinee aniara rufiaidaqa. Qinee ani andeeqasee rainannimaqaranara irunanoo rufiarafa qini qumbiqa qimaqaidanoo.

Heeburu 10:27

Miqinna fasiqafa naaru kambiqaaninna ufa iriranara rufiasee afeesianno. Mikari mi fasiqafa ufa qirana iriseenoo firaa idaqeemari idanaki qamataikaannoo. Miqimasee Anutuna ufara sia fee qimariasa aiqamausa minaki aupureefaranoo.