Heeburu 12:18 - Anutuna Ufa

¹⁸ Maqee aukuana innee sia Isaraee maqannaasa naanna raidaqa. Maa maqanasaa Sinai aaqana ameemaanai Anutuna ufa iriqau. Innee innaarunai mari Sinai aaqanara foora maridaqa Anutuna afusaa kikiqiqa mariafanoo. Ooqai Isaraee maqannaasa Sinai aaqana ameemaanai anireeqa sia ufa kai nifu qafoona mi aaqannasaa ida firaafa qoofaqa qafoona oonamu namufaqa aakuasaa namufaqa asukuna namufaqa rafaaqafufaqa aiqamausa qafamaseeqa rufiaqau.

Heeburu 12:18 Referans Kwoze

Rafudoo Akarafa 24:17

Faiqí anaasee afaasasaa marusa aaqana qafeeqa naaquqara kudifaannammiifoo qiqau. Anutuna kaaqa qarafa aaqana saa firaaqoo idauruara foora imarinau.

Rafudoo Akarafa 20:18

Faiqí anaasee aiqama innaarunai qirana faqa aakuasaa faqa ukeena firaana faqa aaqanasaa idamuna namu faqa qafoofanoo naindiri reenoo naaquqoofaqa nianasaa marida qafee mariqau.

2 Timooti 1:7

Anutuna maraquna maasa qimufa sia maparaairana rufiarana qimidanoo, mina maraquna fannoo afeekaikirana faqa faiqí aanaaseera amuqusirana faqa qeeqa daundurai qimanasaa andeeqasee rakisirana faqa maasa qimidanoo.

2 Koorinti 3:9

Narira ufa ameemaanai quqeemariafa firaa kaaqa areenaranaki ani ufa marinanoo Anutuna andeeqaranaki quqee marifa mina kaaqa areenarana amana kai fee mariannoo fee sia amana kai firaaqoo uriqaranoo maridanoo.

Roomma 6:14

Maqee innee sia Mooseena sandufa nimaarusira ufa ameemaanai mariafanoo innee Anutuna afaarirana ameemaanai mariafanoo minara mandainaina fannoo sia inni rafaaqa fuannoo.

Roomma 8:15

Anutufa narí nimimari maraqunafa sia inni manda rumbaranaki quqaseenoo rufiarana nimiannoo, mifa sia miqidanoo maaqimmiannoo inni mareeqeenoo inni Anutuna faiqi namu kammasainaqa mina afeekannai kai qifaaqa quqasee maasa Anutunara maasa qikoonee qidaqa.

2 Koorinti 3:7

Ooqai Anutufa Sinai aaqanasaa narí sandufa Mooseena qimamidanoo qaara ooni marasee minasaa akara rumaminau. Akara rumamidanoo narí Anutuna kaaqa areenarana kooroomambufanoo Mooseena oori afiri faqa kaaqa qamafufaqa Isaraee maqannaasa mina oori qafoofanoo nifu daroo daraa ufaqa rufiaqau. Marinoo Mooseena ooriki kaaqa qarafa kasooqaqee taikamaree muqufi taikanau. Ooqai Mooseena sandufa faiqí kuqirana nimimarifa kaaqa areenaranakina ani ufa marufanoo maqee kamu Anutuna naaquqara andeeqara maraquna fannoo kaqi marirana nimimarifa mina kaaqa areenarafa firaaqoo uriqararafa maridanoo.