Heeburu 12:14 - Anutuna Ufa

¹⁴ Innee aiqamausa mariasa namufaqa amiqimmandee asooaranaki marirana amaniaqa. Inni mariranakina amiqirafa andeeqarafa kai mariaqa. Sia miqiqa karaambaiqa sia qafeefaranoo.

Heeburu 12:14 Referans Kwoze

2 Koorinti 7:1

Oo qini qiqoondiuqa, mi qimafeekaikira ufausa tamummaqarausannai qimaqo̱o ufausa maasara qinau. Minara irisee innisaimbaqa oosana oosana qikairi qifaaqasaaqaraanee daunuraindaraanee aiqama findaukamaqusee Anutunara rufiaida daaquqee marinaqa andeeqasee anukaranaki mariaqa.

1 Teesaroonika 4:7

Anutufa sia maasara narí ummuari narí ummuariranaki mariaqeera maasa daarama narí ququsaki quqeenoofau. Maasa kaaqa andeeqaranaki mariaqeera maasa daarama quqanau.

Roomma 12:18

Anee aiqama fasiqa anaasee faqa asooaranaki kai mariaqa, misa sia amanaikifana aneennakai kafaa kafaa amanida qafaa.

Roomma 14:19

Maasa minara irisee Yisuna aiku asaukuki nidaqa maasaki asooarana faqa narí afeekaiki narí afeekaikiqa Anutuna ufamau fuaqee qimasee mi mau fuaqa.

Aaquqira Ufa 16:7

Ani marirafa nirafa andeeqanoo marinanoo Yaaweefa minara asasinoo ani namuqaa aqoondi kamma amaqaannoo.

1 Teesaroonika 3:13

Miqifanoo Anutufa inni nimuqusa mapukusee afeekaikamma nimiannoo. Innisaimbaqa karaambaiqa Yisufa narí aiku asauku faqa kafaa qumureenoo inni mareeqeenoo andeeqarausa naaquqarausaikama nisainaqa maasa qikoona Anutuna afusaa kikiqifaranoo.

Roomma 6:22

Doo maqee innee mandainainakiqari idukiqa mariafanoo Anutuna rumbaranaki keeqafi mariafanoo. Doo innee miqiunara inni marirafa aiqama doo minaindi kakai mafi mariinaqa taikara aukuana innaarunai marirana inni nimiannoo.

Idi Ufa 34:14

Manda oosana ameesuqusee amiqira oosana maraa. Aneenna aiqama amuqusannoo asooaranara randasee faiqí anaasee faqa moodaanaki maria.

3 Yoohanee 1:11

Oo Kaiusa qini qifaaqasaa qiqoondi, anee manda ainaina qafamasee sia mina ammeemmeeria amiqira oosana qafamaseenana mina ammeemmeerina mina aanna rainanoo amana mariannoo. Andeeqara oosana maree mariasa misa Anutunaindi maridaqa. Mandainaina maree mariasa misa sia Anutunara irimariasa maridaqa.

Eefeesusa 5:5

Innee maa moodaa ainainnara kai amiqimmandee iriaqa, faiqí anaasee narí ummuari narí ummuari mariasa faqa ikairi faqaasa faqa kaaqa ainainara rimariasa faqa miqaa qiqanuasauqa, asauku mundirana ququsaki faqa Anutuna ququsaki faqa sia uqanna kaqikaaqoo mareefaranoo. Kaaqa ainainara rimaria oosanafa mifa moo unna anutunara innaaru qimaria fara foora mina ufa iri maria fara foora maridanoo.

Heeburu 12:10

Maa maqanasaaqaraa qikausa nári iriranannai maasa andeeqa qimaqaidaqa aikannai qumaree daridaqa. Anutufa maasa andeeqara oosana maraaqeera oosana oosana ummaarannai maasa dariara foora idanoo. Mifa narí andeeqarana naida qimiraree qidanoo maasa daridanoo.

1 Timooti 6:11

Oo Timooti anee Anutuna ufa irimarianafa mariananoo, anee munnimma ainainara randee maria iriranamau fimariasara faqa mi manda ainainausara faqa eerairiaqa. Innee nimudaanai qimasee andeeqaranara faqa Anutufara foora irirana faqa Yisunasaa mundirana faqa faiqí aanaaseera nimuqusirana faqa kisaaqasaa Anutuna aanara afeekaikirana faqa faiqí anaasee ireeda reendeenamandee kai qimannimirana faqa mi ainainausara nimudaanai qimasee maraaqa.

Aaquqira Ufa 15:1

Reedeenira ufa aminanoo aanooqirafa taikaani. Raiqara ufa fannoo aanooqirana uqeeree marifa maridanoo.

1 Peetooroo 3:13

Qinee Peetooroosa kaifaa qimannimidaqa. Anee amiqira mariranara minara rumammaree marainanoo ya fasiqa fee manda marirana ani amiannoo fee sia ani amiannoo.

Mareekoo 9:50

Ooruku amiqira ainaina maridanoo mina adiafaa irafa taikafinanoo naqimmasee adiafaairana maraannoo fee sia amanaikiannoo. Innee inneeqa naunduraki narinni narinni ooruku faqaasara foora maridaqa narinni narinni asooaranaki mariaqa.

Idi Ufa 120:6

Qinee asooaranara fidiaqaa imariasaki kisaaqasaa uqanna mariaafanausa maridaqa.

2 Peetooroo 3:11

Miqinoo aiqama ainaina idaqama taikaaninnanara irisee innee minara nana oosana faqaasa marifaree fee qidee. Inneeqa rufiaseeqa mariranara naaquqara andeeqara marirana maridaqa Anutuna ufamau fidaqa faiqí anaaseeki andeeqasee mariaqa.

1 Koorinti 1:10

Qini qikaqaafasaa Koorinti maqannaa mariasa, maasa karaambaiqa asauku mundirafa Yisufa inni qimannimira saika qimunara irisee inni reendeenamandee kai qimannimidaqa, inneeqa sia raina rainida furufariaqee qimasee moodaa ufa qimasee moodaanaki mariaqa kuqaa uqanna moodaanaki mariasa maridaqa moodaa irirana faqa moodaannai firana faqa mariaqa.

Aaquqira Ufa 17:14

Tinoo rira oosana fannoo aandaani tatiara foora idanoo. Tinoo rirafa kambiqainana kai kaqi rafaaqafu sainanoo sia kambiqaani.

2 Timooti 2:22

Nimuqusa anukarausa maqee maqee karaambaiqa aaraidaqa dadaaqiannee qidaqa anee misa faqa misa naanna raidana kumaaraa mandainainara nidiranara eerairiaqa andeeqaranara afeekaikamasee afaqaaqa, Yisunasaa irirana rusirana faqa faiqí aanaaseera nimuqusirana faqa naunduraki asooarana faqa afeekaikamasee afaqaaqa.

1 Teesaroonika 5:15

Innee maa ainainnara faqa rakisiaqa, moo fannoo ani mandaikammamaqainana akiaqara sia narí mandaikammamaqaa sia mi oosanafa mariani. Innee aiqama kari narinni narinni amiqira oosana kai narí ami narí amiaqa sia inneeqaki kai miqiaqa. Innee aiqama maqannaasaki maridaqa miqimannimaqaaqa. Inneeqa irirana nimana mi amiqira oosannasaa kai quqaaqa.

Idi Ufa 133:1

Anutuna faiqí anaasee moodaanaki marida narí amiqi narí amiqirafa kaaqa amiqirafa maridanoo.

Idi Ufa 94:15

Mikari ufa andeeqa nimaqee mariasa kaifaa andeeqa nimaqeefaranoo. Aiqama andeeqara marirana faqaasa misa mi andeeqa nimaqara ufana qafamasee amiqirafee qimasee pooduqeefaranoo.

Idi Ufa 38:20

Qini amiqira oosana akiiqara mandaikammaqimaqee mariasa misa qinee andeeqaramau fimarunaqa misa qini namuqaakamma qimaqaidaqa.

Oosana 32:30

Mi fasiqafa fifufanoo Yakooboofa qinau. Qinee Anutuna oori qafamaseeqa sia kuqiqa kaqi maridee qimaseenoo miqoo auqureenoo Peenieera fee qinau.

2 Peetooroo 3:18

Maasa Karaambaiqa maasa asumu maree marifa asauku mundirafa Yisufa mina amiqira marirana irirana minaki kai fidaqa maqee maqee innooqaaqa. Maqee faqa naaru naaru faqa mina amooqira ufa mariani. Kuqaa.

Firipi 3:12

Yisuna aupurarana faqa kuqu aidafirana faqa qeeqa qifaaqasaa maree marunnana qinee sia minannai amanaikiqa sia minannai kaaqa andeeqaidaqa. Qinee maqee maqee andeeqarana marararee qimasee sandaidara maqi qiara maqi idaqa. Asauku mundirafa Yisufa qiniara andeeqarafa marianifee qimaseenoo qini qumareeqeenoo naríndi kammaqaifaqa maridaqa.

2 Koorinti 6:17

Minara karaambaiqa maaqi qimasee qimannimidanoo. Mandoosana maree mariasa faqa moodaa maqusaki maridaqa misa mandoosanara eerairiaqa. Innee mandainaina maree mariasa mandoosanara rufiasee sia mina umaraaqa. Innee miqidaqa anukaranaki marifaqa qinee aiqama ainaina uriqarara karaambaiqa fannoo inniara qinindi fee qinaqa innee qini faiqinamu qini qiraamummaaka marifaranoo.

1 Koorinti 13:12

(Pauroofa maru aukuanna manda tanuka kai marinau. Mi manda tanukana kikiqusidanoo maa ufana qinau.) Maasa tanukaki qeeqa doori qafaidaqa sia amiqimmandee qeeqa qimana qafaidaqa. Maasa maqee qafee marunafa miqirana ati kai qafaidaqa, Yisufa quminna aukuana maasa mina faqa narí oori narí oori andeeqasee qafaanaura. Maqee marunna irirafa ati kai maridanoo, Yisufa quminna aukuana maasa irirafa anoona mariannoo. Miqoo maasa irirafa Anutufa maasara amiqimasee irindee kai inoo anoona irirafa maasaki faqa mariannoo.

Karatia 3:21

Maasa minara iridaqa Mooseena sandufa fannoo Anutuna ufara qima afeekaikirufa Abarahaamana amunafa rafaaqafidanoo fee qianauree. Sia amana rafaaqa fuannoo. Mooseena sandufa oosana maaqimminoo maridanoo. Faiqí anaasee Mooseena sandufamau fidaqa mina akiaqara sia amana naaru marirana mareefara. Miqira sandufa Anutufa sia niminau. Niminaqau mi sandufana mareefau innaarunai fini.

Heeburu 9:28

Yisufa mi mau kai finoo moomoosa numoo maraqunnisaanifeera narí afaaqa tatufirafara foora moodaannai Anutuna aru aminau. Mifa kafaa koorooiannoo. Sia kafaa numoo undarau qumuannoofau. Narí afeesara mariasara qumuree mareeqee asumu mariranaki quqannisarara qumuannoo.