Biblia Todo Logo
Bib sou entènèt

- Piblisite -




Heeburu 11:9 - Anutuna Ufa

9 Abarahaamafa miqooqari aanaamuruara foora Anutufa qima afeekaikammaqoo maqa maaqanaki oonu marinau, Anutunasaa irirana rusiranannai kai miqinau. Narí maaqa uqanna ooqai maruna maaqa uqannaki marinau. Mi maqa maaqana minnisee fuka maqasaa narí faqa Yakooboona faqa Isakeena faqa uqiqaana maaqaki kai marusa mariqau. Aandau apatannai auqira uqiqaana maqaki mariqau. Miqanda faqa Anutuna qima afeekaikirana maree marusa mariqau. Miqanda faqa Anutuna qima afeekaikira ufa irisee mariqau.

Gade chapit la Kopi




Heeburu 11:9
22 Referans Kwoze  

Suqa amiseenoo Abarammafa findifinoo aaqana maqa maaqai ooru finau. Beeteera maqusa fannoo suani keeqoo qaannai marufanoo suani oosana qaannai Ai maqusa marufanoo qambaanai narí uiqaana maqa usakanau. Usakaseenoo miqoo Karaambaiqa aadau tatufira ooni qainda faqa auquseenoo Anutuna aaramaseenoo innaaru qimarinau.


Abarammafa minara iriseenoo narí uiqaana maaqa rapeemma mareenoo Heebaroona maqa maaqaki Mamareena saqariuqa atukaki ooqureenoo miqoo Karaambaiqa tatufira qainda ooninnai auquseenoo tatufirana suqa aminau.


Inaaqianna kambiqee mariasaki Anutuna qima afeekaikira marirana anoona mareefandinausa sia qini Anutusara qeeqa qima afeekaikiranara minnisee maqi qiaqeera misa qiniara kuqaa uqannee qimasee qiaqeera kooroomasee sia kai fifau qimafeekaikinau, narí auqu faqa ramaseenoo qimafeekaikinau.


Misa namaseeqa Abaraqaammana maaqi qimasee iraqau. Ani anaaqa Saraqa nammarifa yai fee marinoo fee qufanoo mifa qinau. Maa uiqaana maqaki maridanoo fee qinau.


Mifa miqooqari quqasee fifiiufanoo Beeteera maqusa amummaqa fimarinau. Mifa ooqai narí Beeteera maqusa faqa Ai maqusa faqa qambaana uiqaana maqa usakaqooqoo ooqu ranau.


Yakooboofa narí akoofa Isakeefa unnai finau, Mamareena maqusaki Qeebooroona maqusa aaqa Abaraqaammafa faqa Isakeefa faqa mariuqoo finau.


Anutufa Abaraqaammana amiqi amiqimma amaqoondee inoo ani faqa amiqi amiqimma aisainana anee aneenna marianna maqa maaqana Anutufa Abaraqaamana amiqoonakinaa qumiasana maraa.


Miqanda innooqafufaqa Eesaufa uaqarana akoofasa maridanoo sia ooqu marufa kaqi niranara aidimarufa marinau. Miqi marufanoo Yakooboofa sia miqi marinau. Fifirafa maridanoo maqusasaa marufa marinau.


Qinee moo maqannaasa inni qambaana ani maridaqa. Amanee qini maqa moo qimifaqa feefauru nimiseeqa qeeqa qinaaqa minaki akundaanauree.


Abaraqaammafa iriseenoo uiqaa maaqaki sandeenoo oonureenoo Saraqa nammarina qimaminau. Anee kai kaqi parauaqa amiqirana moodaa beeka marasee feemu suqa.


Anee asaqiraa faira foora maa maqanasaa mariannana qinee ani faqa ani asaifaqausa faqa nimianaura. Nimiananoo aiqama Kannaana maqa maaqa fannoo ani asaifaqausaindi kamminoo naaru naaru marinaqa qinee misa Anutusa marianaura.


Eesaufa faqa Yakooboofa faqa maru maqafa sia amana misa dadaaqiaqaa qufaqa Eesaufa quqasee moosaa finau. Misa kaaqa moomoo aandau ainaina marufaqa minara sia amana moodaanaki mariqau.


Qinee 130 aukuana kai maa maqanasaa maridaqa. Sia kisaaqasaa fau qinee moomoo ummaara paquriqa. Qini qikeeku qikaaku kisaaqasaa uqanna mariqau. Misa aukuana fannoo qini aukuana fiaaqaranoo maridanoo.


Ooqai Yaaweena aiku asauku Isaraee maqannaasa oodaa maridaqa Kannaa maqa maaqaki anaamuruara foora misa qambaana mariqau.


Mi kamuqoo Abaraqaammafa kisaaqasaa Firistia maqa maaqakina marinau.


Yakooboofa aaqanasaa narí uiqaana maqa usakaseenoo marufanoo Rabannafa narí ainaina faqa oonu reenoo mifa faqa narí uiqaana maqa Kiriata amuaqu namusaa usakanau.


Swiv nou:

Piblisite


Piblisite