Heeburu 11:7 - Anutuna Ufa

⁷ Anutufa kasooqaqee kambiqaaninna ainainara Nooafa sia qafee marunara aaquqimasoofanoo Nooafa narí irirana Anutunasaa rusimarunara irisee eedoo qimaseenoo firaa sipa auquseenoo narí faqa narí aiku asauku faqa minakimma asumu marinau. Auquseenoo Nooafa minannai aiqamausa maa maqanasaaqaraasa aiqama niqiseenoo rafaaqafunnimaqanau. Noofa Anutuna mandaaqaranannai kai Anutufunnaindaraa andeeqarana maraseenoo asumu marinau.

Heeburu 11:7 Referans Kwoze

Oosana 6:13

Miqiqa marufanoo Anutufa Nooana qimaminoo qinau. Faiqí narari nararirafa qumbiqanoo marinara qinee aiqama fasiqa anaasee naru taikaanauree qidaqa.

1 Peetooroo 3:20

Ooqai Nooafa sipa firaana auqidanoo nammari anianinnanara faiqí anaasee minara faqa qimannimimarufaqa siammirimariqau. Anutufa faiqí anaasee Nooana ufa iriseeqa mandoosana minniseeqa sipaki keeqaaqeera nifeesusia doo kooqi ititaseenoo nammarinnai narinau. Nammari narusa nimana marunaki asauku mundirafa kuqiranakiqari findifinoo ooquree qimanniminau. Naru nammarifa dinni qisauku taikasee dinni ani qaaramoo marasee oodaa fasiqa anaasee asumu mara akoonnai quqanau.

Roomma 4:13

Anutufa maa maqa maaqanara Abarahaamafa narí aiku asauku saimbaqa maqa maaqa fee qinoo qimafeekaikinau. Sia Abarahaamafa Anutuna sandufamau andeeqasee finoofau mina akiaqara maqa maaqara qima afeekaikirana marano̱ofauinau. Mifa Anutufa ufasaa narí irirana rusisoonara minara kai Anutufa mina mareeqeenoo narí afusaa andeeqaranaki quqaseenoo maqara qimafeekaikinau.

Ruka 17:26

Qinee faiqí nimaaku qumuanna faasaanafa Nooana aukuanara fooqaafa mariannoo.

Karatia 5:5

Maasa sia miqidaqa sia sandufasaa ookaaidaqa, maasa irirafa Anutunasaa kai mundiqa maridaqa mifa narí kai maasa mareeqeenoo narí innaaruna amanaikiranaki quqaqiseenoo fee qimasee irirana minasaa kai rusisee maridaqa. Inniqasaimbaqa Yisuna saqariki marunanoo Anutuna maraquna fannoo minasaaqari maasa dadaaqifaqa maasa Anutuna innaarunai keeqaannanara asasamandee afeesidaqa.

Heeburu 5:7

Yisufa maa maqanasaa Keetaseemanee saqamaki maridanoo aunirira saqarisaa kuquaninnanara Anutunara innaaru qidanoo qaoo qimirinau. Innaaru qidanoo firaaqoo faaqa rumaseenoo ikiraqaseenoo kuquaninnanara qaoo qimirinoo innaaru qinau. Anutufa mina reendeenirana qafamaseenoo mina aundura Anutufinnai ubeekaranara iriseenoo mina innaaruqirana iriseenoo dadaaqinau.

Roomma 3:22

Faiqí anaasee narí Anutuna asauku mundirana saqarikiranannai Anutufa mareeqee narí afusaa andeeqaranaki quqaidanoo. Aiqamausa asauku mundirana Yisuna ufa irisee minasaa rusimariasa miqi qimariasa aiqama maqannaasa Anutufa mareeqee narí afusaa andeeqaranaki quqaidanoo sia raina rainiannoo.

Roomma 1:17

Anutufa faiqí anaasee aaqeemariasa narí namuqaaki mariasa sia naruseenoo mareeqeenoo narí aqoondikidanoo narí amiqira fasaasa ufa minara kooroo idanoo. Maasa Yisuna saqarikirana mifa kai Anutunara aqoondikirana nimidanoo. Ooqeenaa tamummaqara fasiqauqa akara minara maaqi qinoo maridanoo. Faiqí anaasee Anutuna saqarikiranannai mina aqoondikinausa misa kai naaru naaru marirana mareefaranoo.

Mataioo 3:7

Farisai amaana ufa qimariasa faqa Sadikai amaana ufa qimariasa misa faqa nammari mararara aniroofanoo Yoohaneefa niqidanoo qimanniminau. Innee sakani faiqi ukadiqa faiqi namuara foora nári nariranara rufiamaree sandee mariafanoo. Yafee innee qumee aaquqima nimaqaifaqee innee Anutuna aranaqaranara rufiamareeqa unna qimasee nammari rumannimaqaannanara qinisaa mandaaqeefaree.

Aaquqira Ufa 27:12

Irirana faqaafa mandainaina anifanoo iriseenoo amaaraidanoo. Irirana siaifa kaqi oonurama minaki aqufinoo ummaara maraidanoo.

Oosana 7:23

Karaambaiqa aiqama ainaina maqasaaqaraa ainaina taika uqanna sanau. Faiqí anaasee faqa aandau faqa ufini faqa taikannisanau. Nooafa kai narí aiku asauku faqa narí sipakinaa ainainauqa faqa misa kai asumu mariqau.

2 Peetooroo 2:5

Ooqai indaaru maru fasiqausa mandoosana marasoofanoo Anutufa sia nifauanau nammari aufiranannai naruseenoo Nooana andeeqara oosana qimannimi maruna faqa narí faiqi namu dinni qisauku taikasee dinni ani qaaraqanda maraseenoo misa namufaqa asumu akoonnai quqanau.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

Heeburu 11:1

Anutunasaa irirana rusimarinausa misa innaarunai kambiqaaninna ainainara asasamandee afeesidaqa. Misa minara kuqaa anoona maridanoo innaarunai maraanauree qida afeesida maridaqa. Misa sia qafeemari ainainnara anoonee qidaqa nifaaqa quqasee afeesidaqa.

Roomma 10:6

Kafaa mina dinni asauku mundirana saqarikiranannai asumu marirafa maaqimminoo maridanoo. Mooseefa kafaa minara maaqi qidanoo. Innee Mooseena sandufamau fimariasa fifau firaaqoo munari minari mariasa innaarunai asumu mariranaki firaree qimariasa. Innee innaarunai ooruree asauku mundiranara randasee paqurimasee afiqee qumu dadaaqianifee qimariana fifau sia amanaikimari ainainara fifau kadaapirumasee maree mariafanoo. Asauku mundirafa doo qumu marinoo. Innee fifau maqa ameemaanai ooqu keeqafi asauku mundiranara paqurimandee afiqee murusaifanoo mifa dadaaqianifee qimariafanoo fifau sia amanaikimari ainainara fifau kadaapiri mariafanoo. Asauku mundirafa doo kuqiranakiqari findifinoo maridanoo.

Mataioo 24:38

Nammari samu naruna ataufakai mina maariqoo faiqí anaasee qoomaqandauru uqi mariqau. Miqida faiqí anaasee naramundee naramundee ida mariqau. Misa miqimmamaree fubaqa Nooana firaa sipaki keeqeemaru faasaana misa miqikaimmimariqau.

Mataioo 24:25

Yisufa mi aukuannara mi unna fasiqausara maaqi qimasee narí faiqi namu qimanniminau. Innee mi aukuannara oonumafi iriaqa, eerairiaqa rufiaaqa. Doo maqee kamu doo kooroomma nimaqaunnana iriaqa.

Oosana 19:14

Rootafa iriseenoo narí araamuna qara nifaaqi qarara qutaaqamaqoo fasiqa qanda faqa qimanniminau. Doo anifaqa innisaimbaqa mootinai fuaqa. Anutufa maa maqusana damunirara qinoo. Miqi qufaqa mina airaamaku qara sia iriqau. Quteeti qidanoo mifoo qimasee kaqi mariqau.

Oosana 7:5

Nooafa aiqama ainaina Anutufa qimamundee kaimminau.

Oosana 6:9

Nooana oosana maaqimminoo marinau. Nooafa kai sia aaqarana marufa marinau, narí faqa marusakiqari naríaraa kai andeeqarafa marinau. Mifa kai Anutuna aqoondikiranaki marinau. Mina amaaku qaarammoo namu mariqau. Misa nuqu Seemmafa faqa Qammafa faqa Yafeetafa faqa mariqau.

Roomma 9:30

Doo minara maasa naqi fee qianauree. Maana kai qianaura. Anaamuru mariasa sia Anutuna afusaa andeeqaranaki keeqararee qidaqa sia amani mariasa doo misa narí irirana Yisunasaa rusisee minannai mina andeeqaranaki keeqafi maridaqa.

Aaquqira Ufa 22:3

Irirana faqaafa moo ummaara anifanoo qafeenoo amaanaidanoo. Irirana siaifa kaqi minaki fidanoo mi ummaarana maraidanoo.

Mataioo 24:15

Misa kaaqa fidiaqaa imaria manda ainaina qumareeqeeqa Yeerusaree naaquqara amaana maqakina quqasaifaqa Anutuna tamummaqara fasiqa auqu Danieerafa mifa minara akara rinau. Innee mina asaana rumasee amiqimmasee iriaqa. Misa mi mandainainna quqasaifaqa innee Yuda maqa maaqaki mariasa quqasee sandamaqaraasamasee aaqana aaqana daraaniaqa.

Oosana 8:16

Doo sipakiqari anee faqa aneenna anaaqa faqa aneenna faiqi namu faqa misa ninaaqmaaka faqa raudaaqa.

Oosana 6:22

Nooafa Anutuna ufa iriseenoo mifa qundee kai inau.

Mataioo 2:12

Miqimmasee marufanoo qaina nifu naroofaqa Eeroodeefa marinnai sia kafaa anirandee fuaqa. Anutufa miqi qufaqa misa moo aatata qumee nimaaqa fiqau.

Heeburu 8:5

Mi aanaiqisa ainainirafa sia anoona maridaqa fifau amananda kai maridanoo. Innaarunai mari ainaina fifau amananda kai maridanoo. Mooseefa Sinai maqa maaqaki uqiqaana maaqa usakararee qufanoo Anutufa maaqi qimasee qimaminoo qinau. Qinee aaqanasaa uqafiqaunna maqana amana kai andeeqasee usakaa.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.