Heeburu 11:6 - Anutuna Ufa

⁶ Sia faiqí moo fannoo dapi marirana niranannai Anutuna asasirana maraannoo, minara narí Anutunasaa irirana rusiranannai kai mina asasirana maraannoo. Faiqí anaasee moo fannoo faasa Anutunara kuqaa maridanoommifoo qimarinafa, Anutufa narí andeeqara oosanara randeemarisa amiqira ainaina innaarunai nimiannoommifoo qimarinafa mi ufaqanda qimaria fasiqa aanaaseesa kai Anutufinnai fifaranoo.

Heeburu 11:6 Referans Kwoze

Aaquqira Ufa 8:17

Qiniara rimariasara qinee faqa misara ridaqa. Nimudaanai qimasee qiniara randee mariasa misa qini paqurifaranoo.

Mataioo 6:33

Innee Anutuna ququsara faqa inni andeeqarafa Anutuna andeeqara fara foora marinaqa mi irirafa kai marinanoo niqinaaqa mara quqaseeqa fifanoo maasa narana aina faqa qamunna ainaina faqa Anutufa qimiannoo.

Ruka 12:31

Innee Anutuna ququsakinaa marirana irirana niqiniandamasee mi mau firanara naaree irifanoo Anutufa inni marira ainaina nimiannoo.

Idi Ufa 119:10

Qinee qeeqa qimuqusannai ani ufa qaindusiraree qidaqa amanidaqa. Ani sanda ufa rukiaranasaa anee qini ititaqisaa.

Heeburu 7:25

Doo minara maqee faqa naaru faqa minannai Anutufa mariqoo fimarinausa Yisufa amana mareeqee narí akoona aaqa quqaannoo. Mifa naaru naaru marinara mifa narí akoona aaqa quqaseenoo naaru naaru misara narí akoona faqa ufa qinoo dadaaqiannoo.

Roomma 10:14

Naqimasee faiqí anaasee karaambaiqara sia irirana minasaa rusimarinausa aareefaree sia amana aareefaranoo. Sia karaambaiqara irimariasa naqimandee fee irirana minasaa rusifaree. Moo fannoo oonu qimanniminaqa irifaranoo sia oonuree qimannimifaqa sia irifaranoo.

Heeburu 3:12

Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.

Idi Ufa 73:28

Qinee sia miqidaqa, Anutuna aaqa mariranara qinee kaaqa amiqira fee qidaqa. Qinee uriqarara Yaaweena mara qeeqa afeeka kukeeqara maqusaikammiqa. Anee auqoonna ainainara aiqama kooroommasee qimannimianura.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

2 Peetooroo 1:5

Innee innaarunaidaraa andeeqara marirana maraidaqa minara kai innee inneeqa Yisuna mandaaqaranasaa minasaa afeekaikamasee inneeqa andeeqara marirana minasaa ootupaaqa. Ootupamaseeqa Anutuna ufa asaana rumasee amiqimasee irirana faqa minasaa afeekaikamasee ootupaaqa. Kafaa miqooqari innee inneeqa nimanara iriseeqa mina faqa afeekaikamasee ootupaaqa. Kafaa miqooqari noori kandamasee maridaqa ainainirana faqa afeekaikamasee mina faqa ootupaaqa. Kafaa miqooqari Anutuna aanna rarana faqa afeekaikamasee ootupaaqa.

Heeburu 4:6

Indaaru marusa misa Anutuna amiqira fasaasa ufa irisee sia mina idooaranaki keeqaqau. Nariqa ufa sia irunnannai sia idooaranaki keeqaqau. Akaqausa Anutuna faqa keeqeefandinausa marianara moo keeqaaninna faasaana quqasee maqee kamuqoo fee qinau.

Karatia 5:6

Maasa asauku mundirana Yisuna faqa moodaanaki maridaqa Yuda maqannaasa fainanduqirana faqa sia fainanduqirana faqa miqanda fifau ainaina maridaqa. Anoona ainaina maaqimminoo maridanoo. Nariara nariara uriqarara ainainee qimasee nariara nariara amuqusirafa inni Yisunasaa rusirana akooroo imarifa mi ainainafa anoona uqanna maridanoo.

2 Peetooroo 3:14

Qini qiqoondiuqa innee mi faasaannara afeesida maridaqa Anutuna afusaa maridaqa nisakadiki qikairi siaisa mandainaina siaisa mariaqa innee faqa Anutuna faqa noori runirafa sia mi qambaanna mariani asooarana kai mariani.

Yoohanee 8:24

Qinee minara qunnana innee inneeqa mandainainaki kuqifaranoo. Innee sia qinee marunnanara anoonee qimariafanoo minara kuqaa innee inneeqa mandainainaki kuridifaranoo.

2 Peetooroo 1:10

Innee aiqamausa nifusaa maqee maqee moo faqa moo faqa afeekaikamasee Anutufa inni rusandeesamumasee maroonara kooroo iaqa.

Heeburu 7:19

Mooseena sandufa fannoo moona kaaqa amiqira andeeqarana Anutuna afusaa sia amiaqaaufanoo mi sandufana mafi quqanau. Quqaseenoo doo maqee fuka ainaina firaaqoo uriqarara ainaina Yisunara asasira afeesirana maree mini quqasoofaqa minannai kai Anutuna aaqa uqanna fuanaura.

Idi Ufa 78:32

Misa mi aiqama ainaina tianaki Anutuna afeeka qafamasee sia mina saqari kiqau, kaqi aaqaranaki fimariqau. Misa Anutufa sia faiqí auqaaqaa ira naaquqara ainaina auqoonara irisee sia misa irirana Anutunasaa rusimariqau.

Heeburu 4:2

Ooqai inni saimbaqa Isaraee maqannaa ninausa nikausa Anutuna ufa iriqau. Maasa maqee doo irimmaseeqa amiqira fasaasa ufa maridanoo. Indaaru misa mi ufana iriseeqa aqummasaqau. Misa mi ufana naaqoonnai iriseeqa sia naundura nimuqusannai mi ufana qumaraqau. Sia minara kuqaa fee qimasee minasaa irirana rusiqau.

Aaquqira Ufa 11:18

Manda oosana maree mariasa maree maria qumiasana ainainafa sia misa dadaaqidanoo. Andeeqara oosana maree mariasa maree maria ainainafa akooqoo afeeka ainaina mariannoo.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

Oosana 15:1

Rakirana taikaseenoo marufanoo Yaaweefa Abarammana afu pisipasa mandeenoo qimaminau. Abaramma anee sia rufiaa. Qinee ani saqariara foora anisaa ititafuananoo sia moo fannoo ani aruannoo. Qinee mina akiiqara firaa ainaina ani amianaura.

Heeburu 11:26

Mooseena afu fannoo innaarunai qumiasana ainainasaa afu munduseenoo minara kai rimarufa marufanoo Isipa maqannaasa munnimma ainaina oosana oosana minnimmasanau. Mooseefa Isipa maqannaasa faqa nári aaqara adiafaairanaki keeqarara akooqoofanoo misa minnisee asauku mundirana kasooqaqee kambiqaaninnanara irisee mi aupuraranaki keeqeera maqi mafinau Isararee maqannaasa misa aupuraranaki dadaaqinoo keeqanau.

Mareekoo 16:17

Qinisaa irirana rusimariasa maa afeeka ainainna misaki marinaqa qafeefaranoo, misa faiqí naundurakinaa faafasaaqa qini duqusaa niqiqeefaranoo misa moo maqannaasa ufa sia nári iri marianakiqari qifaranoo.

Idi Ufa 58:11

Faiqí mina qafamasee maaqi qifaranoo. Andeeqara marirana maree mariasa mi andeeqarana akiiqara nimirafa kuqaa maridanoo. Maa maqanasaa qaraasa andeeqasee rainee mari Anutufa kuqaa maridanoo, sia sia maridanoo.

Ruka 6:35

Innee sia misa naanna raaqa, inneeqa namuqaara nimuqusi marinaqa misa amiqimmannimaqaaqa ufaasu ainainara innaaru qimariasa nimiseeqa sia mina akiaqara nifu maqaaqa innee miqidaqa firaa uriqarara Anutuna faiqi namu marifaranoo mina akiaqara firaa qumiasana Anutufa inni nimaqaannoo. Anutufa miqi marifa manda oosana maree mariasa faqa minara auni mariasa faqa amiqi amiqimmannimaqee marifa maridanoo, innee mina aanna raaqa.

Idi Ufa 106:24

Misa aadana maqa maaqaki kaqi maridaqa Isaraee maqanaasa fuka idaaqira maqa maaqara Kannaa maqa maaqaki fifandinnanara fidiaqaammasee Yaaweena qima afeekaikira ufara faqa unna fee qiqau.

Idi Ufa 78:22

Misa Anutunasaa sia nári irirana rusiqau. Misa Anutunara sia amana mandainainakinaana maasa asumu maraannoo fee qiqau.

Mataioo 6:16

Innee narana minnisee naararee marinaqa innaaru qidaqa qaaraikimariasa naanna sia raaqa. Misa narana minnisee innaaru qiaqeera noori runusee doona akiiseeqa maridaqa faiqí anaasee sia narana naidammiafoo qiaqeera miqidaqa. Qinee anoona ufa uqanna inni qimannimidaga. Misa miqoo kai taikaida miqidaqa.

Mataioo 6:5

Innee innaaru qidaqa misa qaaraiki mariasa naanna sia raaqa. Misa amaana maqaki kikiqamafidaqa qimariasa maqusa qambaanai kikiqama fidaqa qimariasa innaaru qidaqa. Faiqí anaasee aiqama qiqafaaqee qidaqa miqidaqa. Qinee anoona ufa uqanna inni qimannimidaqa. Doo misa miqiana akiaqara doo faiqí nimooqirana kai maraidaqa. Miqoo taikaida miqidaqa.

Mataioo 5:12

Qini ufa saara arirana akiaqara Anutufa innaarunnai firaa feefaurutia quqannimaqaifanoo maridanoo. Minara irisee sia noori runuaqa, firaaqoo asasiaqa. Sia inni kai narirafa maridanoo. Ooqai Anutuna tamummaqara fasiqauqa faqa miqi kaimmidaqa narimariqau.

Mataioo 11:26

Eedoo dufi dufi anee qini qikoofa ani aidirafa miqimminoo maridanoo.