Heeburu 11:35 - Anutuna Ufa

³⁵ Anaasee akaqausa nári faiqi namu kuqufufaqa Anutuna saqarikiranannai Anutuna tamummaqara fasiqauqa mara findifumasoofaqa mariqau. Faiqí akaqausara namuqaa innee Anutunara minnisaifaqa maasa sia inni naruanaura, sia inni ataasa ataasa qimasaida nifaaqa rakee ianauranoo fee qufaqa Anutuna saqarikiqa mina minnisaranara qaoo qufaqa ataasa ataasa idaqa narimariqau. Kuqu fasiqausa maaqi qiqau Anutufa maasa qumareeqeenoo uriqarara mariranaki quqaanifeera marida saina kuqua.

Heeburu 11:35 Referans Kwoze

Firipi 3:11

Yisufa kuqiranaki keeqafinoo minakiqari findifufaqa qinee faqa kuqiranakiqari findifiqa naaru mariranaki fuanee qimasee maqee kamuqoo Yisuna aupurarana faqa mifa kuqu aidafirana faqa qinee faqa qeeqa qifaaqasaa maraidaqa.

1 Koorinti 15:54

Ufaasu maqasaaqaraa nipata faqaasa kuqifandinausa naaru marira nifaaqa sia kuqimaria nifaaqana afisumareeqa doo miqoo ooqeenaasa akara anoona kambiqaannoo. Misa maaqi qiqau. Anutufa doo kuqirana aiqama nambiqama taikaseenoo mina uraaqaranoo maridanoo. Kuqirana rafaaqafirafa doo taikeenoo. Kafaa moo akarakinaa ufa minara maaqi qidanoo.

Yoohanee 5:29

Akaqausa andeeqara oosana maree marusa findifi kaqi mariranaki fifaranoo. Akaqausa manda oosana maree mariusa misa findi fiqa Anutuna ufa firaanaki aqufifaranoo.

Ruka 14:14

Misa sia amana kafaa mina akiaqara ani amifaranoo minara kasooqaqee Anutufa amiqira oosana mareemaria fasiqa anaaseesa kuqiranakiqari mara findifu maseenoo mikari mina akiaqara ani faqa amiannoo.

Mareekoo 12:25

Faiqí anaasee findififandinna aukuanna sia misa faiqí anaasee naanna ramasee narí maree narí maree mandee marifaranoo. Faiqí afaaqa faqa anaasee afaaqa faqa taikaseenoo qangiroora foora mambiqa idaaqirausa marifaranoo.

Mataioo 22:30

Aiqama findififandinna aukuana findifiqa faiqí afaaqa faqa anaasee afaaqa faqa taikaannoo aiqamaqara amanamana kai qangiroora foora kai afeeka marifaranoo. Qangiroouqa sia faiqí faqa anaasee faqara foora marifaranoo mookirausa idaaqirausa maridaqa faiqí anaasee kuqufiqa innaarunai oorureeqa qangiroora foora mafiqa sia amana narí maree narí maree ifaranoo. (Ooqai Abarahaafa faqa Isakeefa faqa Yakooboofa faqa maa maqanasaa maru kamuqoo Anutuna ufamau fimarunara Anutufa nariara minamusara Anutusee qinau. Minamusa kuqufiqa findifiqa doo Anutuna faqa innaarunnai ooru mariqau. Innaarunai Anutuna faqa kisaaqasaa marikufanoo Anutuna tamummaqara fasiqa moo fannoo Anutuna ufa minamusara quna iriseenoo akara rinoo qinau. Qinee minamusa Anutusa maridaqee qinau.)

Ruka 20:36

Misa faiqí nifaaqa faqa anaasee nifaaqa faqa taikaseenoo qangiroora fooqaasa indaaqirausa maridaqa kuqiranakiqari findifi mariasa marianara Anutuna amaakuqmara maridaqa.