Heeburu 11:3 - Anutuna Ufa

³ Ooqai Anutufa narí ufannai maqa faqa innaaruna faqa auqusoofanoo maridanoo. Maasa Anutunasaa irirana rusiranannai mi ufanara kuqaa anoonee qidaqa. Mifa sia akooqoo maru ainainna qumareenoo maqee qafee marunna ainaina auqinau.

Heeburu 11:3 Referans Kwoze

Idi Ufa 33:6

Yaaweefa ufannai qufanoo innaaruna kambiqanau. Narí ookinaa aidoonnai qufanoo suani faqa quqoona faqa fasau faqa kambiqanau.

2 Peetooroo 3:5

Qinee Peetooroosa minara maaqi qidaqa. Mi aaqara ufana qimariasa maa ainainnara qikoomma irirara qaifaqee qidaqa unnaqimasaida sia iridaqa. Ooqai Anutufa maa maqa maaqana nammari aufiranannai kuridinau. Ooqai indaaru Anutufa qufanoo sia maru ainainnai maa maqa maaqana auqusoofanoo kambiqanau. Maa maqa maaqana nammarinnai auqusoofanoo nammarikiqari kambiqanau. Kafaa miqooqari nammari aufiranannai maa maqa maaqana ooqeenaana amiqimmandee kuridinau.

Yoohanee 1:3

Mi ufanannai Yisunannai aiqama ainaina kambiqaqoofanoo maridanoo. Sia moo ainaina sia minannai kambiqanau. Aiqama ainaina mina Yisunannai kai kambiqanau.

Roomma 4:17

Anutuna ooqeenaa akara minara faqa maaqi qinoo maridanoo. Qinee ani Abarahaamana mareeqeeqa moomoo maqannaasa nikoofaikianeera quqeeqa. Doo maasa mi ufana iriseeqa maaqimmidaqa, Abarahaamafa narí irirana rusisoo Anutufa narí qimafeekaikunara anoonee qidanoo. Mi Anutufa kuqirausakinaana mareeqee kaqi mariranaki quqee marifa maridanoo mina ufa fannoo qufanoo sia maru ainainafa kambiqanau.

Uqafiqoo Ufafa 4:11

Oo Karaambaiqa Anutufa anee amiqirafa. Anee amana areenarana faqa amooqirafa faqa afeeka faqa amana mareennaranoo. Anee aiqama ainaina auqunafa. Aneenna iriranannai marirana faqa kasirana faqa nimunafa marianafa mariananoo.

Heeburu 1:2

Maa maqee inaaqianna kamu narí amaakunnai maasa qimaqiminoo. Minannai kai Anutufa maqa faqa innaaruna faqa minakinaa ainainauqa faqa auquseenoo narí amaaku aiqamausakinaana marasee rusandeesamumasee amianauree quna taikara aukuana aiqama ainaina saqama anindi kammiannoo fee qimaqoofa maridanoo.

Oosana 1:1

Oosana kuradoo aukuanna Anutufa sia maru ainainannai miri innaarunna faqa maa maqana faqa oosana arasee auqinau.

Idi Ufa 33:9

Yaaweefa qufanoo maa maqa maaqafa kambiqanau. Mifa afeeka ufa qufanoo aiqama ainaina kambiqanau.

1 Koorinti 2:7

Qinee qimannimi marunna irirafa Anutuna ooqai kukeeqara irirana innaarunai asumu nimimarina qimannimidaqa mi irirana faiqí sia nifu qafaafa. Maa maqa maaqafa sia maru kamuqoo Anutufa mi irirana utaaqamaseenoo minannai maasa narí areenaranaki innaaruna ququsaki keeqaaqeera utaaqanau. Qinee mi irirana misa qimannimidaqa.

1 Timooti 4:5

Anutuna ufa faqa maasa innaaru qirana faqa mi naranna anukamasainanoo amiqinoo mariannoo, Anutufa amiqiranee qiannoo.

Heeburu 6:5

Misa Anutuna ufa amanamandee qafamasee amiqira ainainara irimariafa maridanoo. Kasooqaqee Yisufa kafaa qumuaninna aukuanaki kambiqaaninna afeeka atiara irimariasa maridaqa.