Heeburu 11:29 - Anutuna Ufa

²⁹ Isaraee maqannaasa Anutuna mandaaqaranannai Taatuqee nammari fannoo qambaana raineenoo aadanusufufaqa aadana maqasaara foora taqaqau. Isipa maqannaasa misa naruannee qimasee misa ninaaqiana nammari qambaana aadana maqasaa oonu roofanoo nammari fannoo oonu maree ani maree maseenoo aiqama narutaikanau.

Heeburu 11:29 Referans Kwoze

Rafudoo Akarafa 14:13

Mooseefa misa ufa iriseenoo qimanniminoo qinau. Innee sia rufiaaqa, kaqi nimatautasee maridaqa Yaaweefa innee asumu mariaqeera itita nimaqainaqa qafeefaranoo. Maqee innee Isipa maqannaa amiqimasee nindafaaqa. Innee maaqooqari sia kafaa nindafeefaranoo.

Idi Ufa 78:13

Anutufa taatuqee ooruku nammari rakeemasee misa nifiqee aadanasaa finau. Mifa nammari rakeemandoofanoo, dinni dinni aaqanara foora inau.

Idi Ufa 66:6

Mifa ooruku nammariara qufanoo aadanusufufaqa maasa qikeeku qikaaku maqamau aandanasaa funara Anutunara asasiqau.

Rafudoo Akarafa 14:22

Miqimmafufaqa Isaraee maqannaasa ooruku nammari qambaana aadana maqasaa taqaqau. Dinni dinni nammari fannoo safasara foora inoo marufaqa fiqau.

Rafudoo Akarafa 14:27

Mooseefa iriseenoo asauku nammari amummaqa uqeeranau. Miqimma soofanoo iaqarooka nammari fannoo kafaa oonurandeenoo ooqai mariundee kai mafinau. Isipa maqannaa sandeeqa fuaneera qufanoo Yaaweefa misa mareeqee nammariki aqinau.