Heeburu 11:25 - Anutuna Ufa

²⁵ Mifa Faraoona maaqaki mariasa nári oosana oosana adiafaaira irira ainainee qimarunara mandainainee qimasee minnisee Anutuna faiqi namu Isaraee maqannaasa faqa aupuraanauree qimasee misa faqa finau.

Heeburu 11:25 Referans Kwoze

Idi Ufa 84:10

Moodaa faasaana ani amaana maqaki marirafa uriqararafa maridanoo. Wan tauseena faasaana kaqinni marirafa oorudupirafa maridanoo. Qinee qeeqa Anutuna amaana maqa kooqiki keeqarara dididanoo. Manda oosana maree mariasa maaqaki mariranara qikooqaidanoo.

Uqafiqoo Ufafa 18:7

Babiroonia maqannaasa nári nifaaqa areenarana faqa nári moomoo amiqira ainaina faqa nariqa maraqau. Mi ainainna amana kai innee aupurarana faqa ikifaafau qirana faqa misa nimiaqa. Misa náriara uriqararausee qimariana sia maasa keekoopau maridau. Maasa sia ikifaafau qianauree qimariana akiaqara aupurarana faqa ikifaafau qirana faqa nimiaqa.

1 Peetooroo 2:10

Ooqai sia Anutuna maqannaasa marusa maqee minaindi mariafanoo. Ooqai innee Anutufa maasa qifauaranara qifauaranara qimudaoo qiranara innee sia irimariafanoo maqee innee mina maraafanoo inni faqa kukeeqafinoo qumee maridanoo.

Yameesa 5:5

Innee maa maqanasaa maria kamuqoo aiqama ainainna amiqiranaki faqa nári nidimari ainaina moomoo maree marianaki faqa mariafanoo. Rakirafa anidanoo ani aqoonausa kuqa narimariafanoo innee inneeqa nifaaqa afeedidaqa narana moomoo naidaqa nainooki mariafanoo.

Yameesa 1:20

Faiqí anaasee aanooqirafa sia Anutuna andeeqara oosana dadaaqi uqeeraidanoo.

Heeburu 11:37

Misa akaqausa Anutuna ufasaara maramaree oonisamu kuqa nariqau. Misa akaqausa qumaree keedainnai qambaana tuqu raqaqau. Misa akaqausa qumaree aseemannai nárí mariqau. Anutuna ufamau fimarusa minasaara narimariafaqa akaqausa rufiasee nári maaqa minnisee qamunnara randeeqa mimmi apata fee sipsipa apata fee minauqa afisusaidaqa munnimma ainaina siaisa nariranara rufiasee kaqi dapi nimariqau. Faiqí anaasee fifau narusaida mandoosana mandoosana nimimariqau.

Heeburu 10:32

Indaaru innee Anutuna ufa iru aukuanna mi aukuannara maqee inni naaqoo auqaidaqa. Mi fasannai Anutunara asasirafa qoomara foora kaaqa qamannimaqoofaqa qafamasee kadaapi rumasee nidafimarufaqa Anutuna ufamau fifiufaqa sia kudoosaapaqau.

Heeburu 4:9

Mi moo faasaanafa kaqi maridanoo, Anutuna ufa irimaria fasiqa anaaseesa maqasaaqaraasa minaki keeqeefaranoo. Ooqai indaaru Anutufa aiqama ainaina auquseenoo qisauku dinni ani qaara maraseenoo amiqimasee idooanau. Mina fooqaa idooarafa kaqi marinaki Anutuna ufa iri maria fasiqanaaseesa keeqeefaranoo.

2 Timooti 1:8

Minara irisee maasa karaambaiqara sia asaurua. Qinee Pauroosa minasaara karabusaki marunnanara faqa sia asaurua kaqi paasoosamasee qimannimia. Anee faqa miqi kai inana Anutufa afeeka amiqaina anee faqa Yisuna amiqira fasaasa ufara kaqi aupuraranaki keeqaa.

Kooroosee 1:24

Qinee Yisuna aufakiana qimannimunnanara minara qinee Roomma maqannaa rumbaranaki maridaqa, innisaara faqa rumbaqa maridaqa. Qinee sia minara doori runidaqa, doori quqasee asasida maridaqa. Yisufa narí aiku oosana mariasara aunirira saqarisaa aupurarana maranau. Mina aupuraranaki qinee faqa keeqeeqa ookaamambiqa rumbaqa maridaqa aupuraidaqa Yisunaindi fee qimasee kaqi asasidaqa.

Roomma 5:3

Sia minara kai asasidaqa maqee marianaki ummaara oosana oosanakina maridaqa minaki faqa asasidaqa. Mandainaina ummaara darinaqa mi ummaarafa sia amiqimasee daruannoo minasaaqari afeeka marasee sia dauni Anutuna ufamau firarana kudoosaapaanaura.

Ruka 16:25

Abarahaamafa iriseenoo qimaminau, oo qini qimaaku anee maqasaa marunna kamuqoo amiqira ainainaki marunanoo Rasarusafa mandainainaki marinau, maqee Rasarusafa maaqoo asasiranaki marinana anee aupuraranaki mariananoo, innisaimbaqa qambaanai maani firaafa maridanoo, maaqoo marinausa sia amana minni fifaranoo mindari faqa sia amana mai anifaranoo.

Idi Ufa 47:9

Aiqama maqannaasa uriqararausa moodaaqoo Abarahaammana Anutuna ufa iri mariasa namufaqa suqidaqa. Misa aiqamausa Anutunaindi maridaqa. Mifa firaaqoo uriqarara afeeka faqaafa maridanoo.