Heeburu 10:38 - Anutuna Ufa

³⁸ Qini qiku qisauku andeeqarausa mariasa maqee maqee qinisaa irirana rusisee mariqa fifi inaqa mi mariranara kai qini didiannoo. Misa minara nikooqee marinausa misara qini faqa qikooqaannoo. Anutuna akara maasara miqi qinoo maridanoo.

Heeburu 10:38 Referans Kwoze

Karatia 3:11

Tamummaqara fasiqauqa akara minara maaqi qinoo maridanoo, Anutunasaa irirana rusimarianannai Anutuna innaarunai firana amanaikiranaki keeqeemariasa misa kai maqee oosana arasee naaru marirana mareefaranoo. Maasa mina irisee maa ufanara kooroo ifoo qidaqa sia faiqí moo fannoo Mooseena sandufa mararanannai Anutuna innaarunai amanaikiranaki keeqaannoo.

Roomma 1:17

Anutufa faiqí anaasee aaqeemariasa narí namuqaaki mariasa sia naruseenoo mareeqeenoo narí aqoondikidanoo narí amiqira fasaasa ufa minara kooroo idanoo. Maasa Yisuna saqarikirana mifa kai Anutunara aqoondikirana nimidanoo. Ooqeenaa tamummaqara fasiqauqa akara minara maaqi qinoo maridanoo. Faiqí anaasee Anutuna saqarikiranannai mina aqoondikinausa misa kai naaru naaru marirana mareefaranoo.

Idi Ufa 85:8

Qinee Yaaweena Anutuna ufa iridaqa. Mifa maasa narí aiku asaukuara sia inneeqa ooqeennaa furufarira aatata kafaa fifaqa qinee qeeqa asooarana inni nimianauree qidanoo.

Idi Ufa 147:11

Mifa nariara naaquqaifaqa rufiee mariasara aididanoo. Misa nári irirana Yaaweena sia taikaaninna amuqusiranasaa rusimariasa misara aididanoo.

Mataioo 12:18

Mifa ooqai maaqi qimasee Yisunara akara rinau. Qafaa, qini dadaaqira faiqi, qinee mina utaaqamamaqaunafa. Qinee minara qimuqusidanoo qini daundura minara asasidanoo. Qini maraquna mina aakufuannoo. Mifa aanaamuru mariasa faqa kiapausara foora andeeqannisaannoo. Sia Isaraee maqannaa kai.

1 Teesaroonika 2:15

Yuda maqannaasa ooqai Anutuna tamummaqara fasiqauqa kuqa nariqau, kafaa maa kamuqoo karaambaiqa Yisuna kuqamma arusaqau. Doo kafaa maqee maasa mandaikamma qimaqaidaqa. Misa Anutuna afusaa firaaqoo mandaikidaqa misa kaaqa faiqí narimariasa maridaqa.

Idi Ufa 149:4

Yaaweefa narí faiqí aanaaseera asasidanoo. Nári mara maree qumimariasa rakirana uriqararanannai amiqimma nimaqaidanoo.

Idi Ufa 5:4

Anee aaqara oosanara sia asasimarianna Anutufa mariananoo. Aaqara oosana maree mariasa sia eedoo qinaqa ani afusaa marifaranoo.

1 Yoohanee 2:19

Mi namuqaasa maasaki mariusa rakeemaki namuqaakiqau. Misa maasaki maridaqa sia maasa irirana amiqimasee maroosa marusa. Misa kuqaa maasaindi maridau maasaki kaqi marini. Anutufa maasa dadaaqianee qimasee misa qumeenni niqiqoofaqa maasakiqari rakeemakufaqa fufanoo Anutufa minannoo misa mandoosana kooroo inau.

Heeburu 10:39

Faiqí akaqausa Anutufinnai fuani qimasee fifi ifaqa aanai oonuree maparaamaki oonurandee quandaki ida aqufidaqa. Maasa sia misa naanna raidaqa. Maasa amiqimmandeeqa Anutuna mandaaqaifanoo doo Anutufa maasa asumu maraannoo.

Yameesa 5:6

Innee moomoo munnimma faqaasa innee andeeqara fasiqauqa unnufannai kootaki narira ufa nimiseeqa kuqa nárí mariafaqa misa sia amana qaoo qiafaqa innee kaqi naruafaqa kuqidaqa.