Heeburu 10:33 - Anutuna Ufa

³³ Akaqa faasaana faiqí anaasee aiqamausa nifusaa ataasa ataasa inni qimannimaqee mandaikamma nimaqaqau. Moo kari faiqí anaasee Yisuna ufa irimariasa nárí mariafaqa innee faqa misa ummaara dadaaqiqa akooqoo oonuree misa nisaukunnai dadaaqiqa amiqimma nimaqaqau.

Heeburu 10:33 Referans Kwoze

1 Koorinti 4:9

Maasa Yisufa niqiqoo fasiqausa Anutufa ureeqarana nimiqoosammia maqi qimasee qeeqa kai oonu mafi iridaqa nimiqaifaqa maasa minaki maridaqa. Maasa namuqaa nisaukukiara foora marianaqa aiqamausa faiqí faqa qangiroo faqa nifusaa ataasa ataasa qidaqa darifandinausa miqirausa maasa maridaqa.

Firipi 4:14

Innee Firipi maqannaasa qini dadaaqianara dufi dufi qidaqa.

Firipi 1:7

Anutufa narí saika Yisunara qimannimira saika adiafaa imari saikana qimufaqa innee aiqama minaki marida dadaaqi marusa mariafanoo, minara inniara asasirafa andeeqarafa kai maridanoo. Ooqai sia qinee karabusaki mariafanna kamu qoo qinee Yisuna aufakiana faiqí anaasee kaqi nidaqa qimannimiseeqa naunduraki mapuku nisasee mariqiafana, akaqausa minasaa ootupeeqa aaqaranaki quqasoofaqa qinee oonuree mina ateekaafanaqa innee faqa dadaaqi marusa mariqau. Doo maqee faqa Roomma maqannaa karabusaki maridaqa innee faiqí anaasee mapukunnisee mariana qini dadaaqi mariasa marianara inniara Anutufinnai asasirafa andeeqanoo maridanoo.

Heeburu 11:36

Faiqí akaqausa Anutuna ufamau fimariasa minasaara ataasa ataasa ufa qimaruna maree mariqau. Mandoosana maree mariasa akaqausa qumaraseeqa nári sanda qainnainaina atisa rumbaqoo sandasamu kaifaa kaifaa naridaqa nifaaqa ateekaateekamma ummooquki mariqau. Akaqausa sainandannai rumbamaree karabusaki quqeemariqau.

1 Teesaroonika 2:14

Ooqai Yuda maqannaasa nári niqoonausa asauku mundirana Yisuna ufa irimarusa irisoona akiaqara kadaapirirana nidafirana nimiqau. Innee Teesaroonika maqannaasa faqa asauku mundirana Yisuna ufa irisoofaqa inniqa niqoonausa nikooqoofaqa miqi undee kai iqa nidafirana aupurarana inni nimiqau.

Idi Ufa 74:22

Oo Anutu, findifinana aneenna auqusaa titaa. Furufari maria fasiqausa faasaambaasaana ani oosanara uteeti naakada qidaqa.

Heeburu 13:13

Maasa faqa Yisuna dadaaqiqa ooqeenaa maaqa naambeeqaira foora Yisufa mariqoo mina asaurirana dadaaqi maraanauranoo.

Heeburu 11:26

Mooseena afu fannoo innaarunai qumiasana ainainasaa afu munduseenoo minara kai rimarufa marufanoo Isipa maqannaasa munnimma ainaina oosana oosana minnimmasanau. Mooseefa Isipa maqannaasa faqa nári aaqara adiafaairanaki keeqarara akooqoofanoo misa minnisee asauku mundirana kasooqaqee kambiqaaninnanara irisee mi aupuraranaki keeqeera maqi mafinau Isararee maqannaasa misa aupuraranaki dadaaqinoo keeqanau.

2 Timooti 1:8

Minara irisee maasa karaambaiqara sia asaurua. Qinee Pauroosa minasaara karabusaki marunnanara faqa sia asaurua kaqi paasoosamasee qimannimia. Anee faqa miqi kai inana Anutufa afeeka amiqaina anee faqa Yisuna amiqira fasaasa ufara kaqi aupuraranaki keeqaa.

2 Koorinti 12:10

Asauku mundirana ufasaara mandufa faqa kudoosaaparana faqa kadaapirirana faqa, Yisuna ufasaara darirana faqa tinoo taanoo rirana faqa tinaakurirana faqa qiminaqa mareeqa doo amana amiqira fee qianaura. Qinee qeeqa kudoosaapee marunna kamuqoo mi kamuqoo kai afeekaikidaqa.

Idi Ufa 89:51

Oo Yaawee anee rusandeesamummasee maraqoonna karaambaiqanara aasaandaana ufa qidaqa. Mifa aiqama tinai nifaqa qafamasee ataasa ataasa qidaqa.

Idi Ufa 79:12

Oo Yaawee maasa daaqa mariasa ani manda ufa ami mariasa anee mina akiiqara dinni taikasee dinni ani qaaraqanda marasee kari misa nimia.

Idi Ufa 71:7

Moomoosa qini faqa qiniki kambiqoo ainainna faqa qafamasee iriqau. Minara anee kai qini afeeka kukeeqara maqusara foora mariananoo.

Idi Ufa 69:9

Qinee ani Anutuna amaana maqara didirafa firaaqoo idara foora qaidanoo. Ani Anutuna aquraree maria aqurararafa qinisaa faqa aqufinoo marifaqa maridaqa.

Heeburu 12:4

Mandainaina fannoo maasa maqee maqee darimarifaqa mina faqa quandaki rakuaqaammidaqa. Mi rakirafa sia inni fidika ruqieenoo kaqi mariafanoo kaqi fuaqa, sia minara kudoosaapaaqa.