Heeburu 10:31 - Anutuna Ufa

³¹ Mifa miqi qidanoo qinee minara maaqi qidaqa, kaqi marira Anutuna asaukuki aqufinafa firaa narirafa kaaqa naaquqee marifa maridanoo.

Heeburu 10:31 Referans Kwoze

Mataioo 10:28

Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.

Ruka 12:5

Innee rufieefandinnanara qimannimiana qini ufa iriaqa, Anutunara innee rufiaaqa. Mifa amana inni nipata naruseenoo naunduraindaraa nimana faqa amana mareeqeenoo idaki aqirana amanaiki marifa, eeoo qinee minara qimannimidaqa minara kai innee rufiaaqa.

Heeburu 12:29

Maasa Anutufa sia fifau ainaina maridanoo. Ida qamataikannimaqee marifa maridanoo, minara aaqara oosanara rufiaaqa, ani faqa ida qamataikaandoora.

Idi Ufa 76:7

Oo Anutu, aiqamausa aniara rufiee mariafa mariananoo. Anee aanooqinaqa sia amana moo fannoo ani afusaa kikiqiannoo.

Idi Ufa 90:11

Oo Anutu, yafee ani firaa aanoo qira afeekana oosana iriannoo fee. Sia moo fannoo iriannoo. Yafee faiqí anaasee anee aanoo qimariana rufiee marianara irianno fee. Sia moo fannoo iriannoo.

Heeburu 10:27

Miqinna fasiqafa naaru kambiqaaninna ufa iriranara rufiasee afeesianno. Mikari mi fasiqafa ufa qirana iriseenoo firaa idaqeemari idanaki qamataikaannoo. Miqimasee Anutuna ufara sia fee qimariasa aiqamausa minaki aupureefaranoo.

Idi Ufa 50:22

Innee qini Anutusara nikooqee mariasa maana iriaqa. Qinee inni mandaikamma nimaqaanaura. Sia moo fannoo amana inni dadaaqiannoo.

2 Koorinti 5:11

Maasa karaambaiqara rufiaranara iridaqa faiqí anaasee aaquqimannimaqaidaqa. Anutufa maasa anoona mariranara akooqoo iridanoo innee Koorinti maqannaasa maasa anoona marirana faqa amiqimasee abee iridee sia fee iridee.

Heeburu 3:12

Qini qikaqaafasaauqa, innee amiqimandee rakisiaqa. Moo fannoo narí mandiriranannai faqa narí ufa rukiee marinannai faqa narí amuqusaki marinara kaqi marira Anutuna nimeesa uqamaqeefoora.