Heeburu 10:30 - Anutuna Ufa

³⁰ Maasa Anutunara faqa mina ufara faqa iridaqa mifa maaqi qinau. Faiqí mandainaina akiaqara narirafa qinindi maridanoo fee qinau. Mifa kaifaa maaqi qinau. Karaambaiqa narí aiku asauku ufa irisee mandoosana marinanoo naruannoo sia marina sia naruannoo.

Heeburu 10:30 Referans Kwoze

Roomma 12:19

Moo fannoo ani arinoo mandaikammamaqainana sia anee mina akiaqara arua, Taikara aukuana Anutuna aanoo irafa minasaa mariannoo fee qimasee miqoo minnisaa. Tamummaqara fasiqa akara minara maaqi qinoo maridanoo. Karaambaiqa maaqi qinoo qinee mandainaina akiaqara nimianaura, ani arifaqa qeeqa kai mina akiaqara qianaura.

Idi Ufa 50:4

Anutufa aiqama maqannaa suqu quqaseenoo misa ufa andeeqaani qimasee innaaruna faqa maqa faqa naaramasainaqa anireeqa Anutufa narí faiqí anaasee raina nimaqaaninna ufana irifaranoo.

2 Koorinti 5:10

Asauku mundirafa ufa qiminna faasaana maasa aiqamausa mina afusaa kikiqianaura. Kikiqamambuananoo narí kai maasa maa maqanasaa marunnana akiaqara amiqira ainainee mandainainee mina akiaqara aadu aadu qimiannoo.

Idi Ufa 135:14

Yaaweefa narí faiqí anaasee ititannimaqasee narí ainainira faiqiuqara qimudaoo qiannoo.

Idi Ufa 96:13

Yaaweefa maqasaaqaraasa rakisi nimaqarara anireenoo andeeqaranannai faqa amana amana kai ira oosanannai faqa rakisi nimaqaannoo.

Roomma 13:4

Kaamanna uriqararafa Anutuna saikira fasiqa maridanoo ani amiqimmasee marianneera ainainidanoo, anee manda oosana mareenana minara rufiaa mina akiaqara ani arirasamu doo asaukuki uaqeeidanoo. Mifa mandoosana maree mariasasaa Anutuna aanoo irana mareeqeenoo misasaa quqeemarifa maridanoo.

Idi Ufa 98:9

Yaaweefa maa maqa maaqanaki mariasa ufa andeeqa nimaqarara quminara asasamma amaqaaqa. Narí andeeqaranannai faqa amana amana kai andeeqaranannai faqa maqasaa qaraasa andeeqannisaannoo.

Idi Ufa 94:1

Oo Yaawee, anee manda oosana akiiqara imarianna Anutufa mariananoo. Anee miqi mariannanara aneenna arana qarana kooroommasainaqa qafaaqa.