Heeburu 10:22 - Anutuna Ufa

²² Doo maasa minara iriseeqa Anutuna aaqa adeedi aniaqa. Kuqaa aneenna amuqusakiqari Anutunara ridana doo Anutuna aaqa adeedi aniaqa. Aneenna irirana mapukusee minasaa rusirafa doo adeedi ania. Ooqeenaa mandainaina ani aakirana afaimma quqaseenana anukarafa ania. Aneenna afaaqa amiqira nammarinnaira foora findaukamasee Anutuna aaqa adeedi ania.

Heeburu 10:22 Referans Kwoze

Yoohanee 3:5

Yisufa iriseenoo qimaminoo qinau. Qinee anoona ufa ani qimamidaqa. Faiqí kaqimarinausa sia uqanna Anutuna ququsaki keeqeefaranoo. Anaasee aranandaki kambiqainausa quandafi Anutuna maraqunannai faqa fukasaa aanaaqi kamafinausa kai Anutuna ququsaki keeqeefaranoo.

1 Peetooroo 3:21

Nooafa sipaki asumu mariunara maasa faqa maqee kamuqoo mina amana kai amaana nammari marasee asumu mariaqee qidaqa. Sia fifau nammari maraanannai nifaaqaindaraa qikairi rukarafa anoona maridanoo. Nammari maree mariana anoona maaqimminoo maridanoo. Aneenna aakirana amuqusa ookiqari Anutunara kuqaa qima afeekaikirafa kamasee nimirafa mifa anoona maridanoo. Mifa kai kuqaa nammari maree mariafa maridanoo. Mifa kai Yisuna kuqiranakinaana findifunannai inni asumu marirana nimidanoo.

Eefeesusa 5:26

Fuka anaasee narí afaaqinnai fuanee qimaseenoo afaaqa anukamaseenoo amiqira siara qamunna afisumareenoo narí afaaqa akumbau fee namuana fee qikairi fee sia marifanoo andeeqa mareenoo narí afaaqinnai fidanoo. Asauku mundirafa narí ufara suqimariasa fuka anaaseera foora nammariara foora ruma nimaqaseenoo andeeqara amiqiranaki faqa nifaaqa idaaqiranaki faqa mareeqeenoo narinnai amiqiranaki quqaani fee qimaseenoo maasa narí ufannai nammariara foora ruma qimaqasaidanoo nariara kai mara quqeenoo, minara Yisufa narí ufara suqimariasara amuqusufanoo narí marirana misara kuqiranaki quqanau maqi qidaqa.

1 Koorinti 6:11

Koorinti maqannaasa innee akaqausa miqi marusa marufanoo inni mi manda ainainafa doo rukanoo maridanoo, nári nifaaqara Anutuna amidee qimariasa mariafanoo. Asauku mundirafa Yisufa maasa karaambaiqa minasaa rusiranannai faqa Anutuna naaquqara andeeqara maraqunannai faqa miqandannai innee Anutuna afusaa andeeqaranaki mariafanoo.

Heeburu 7:19

Mooseena sandufa fannoo moona kaaqa amiqira andeeqarana Anutuna afusaa sia amiaqaaufanoo mi sandufana mafi quqanau. Quqaseenoo doo maqee fuka ainaina firaaqoo uriqarara ainaina Yisunara asasira afeesirana maree mini quqasoofaqa minannai kai Anutuna aaqa uqanna fuanaura.

2 Koorinti 7:1

Oo qini qiqoondiuqa, mi qimafeekaikira ufausa tamummaqarausannai qimaqo̱o ufausa maasara qinau. Minara irisee innisaimbaqa oosana oosana qikairi qifaaqasaaqaraanee daunuraindaraanee aiqama findaukamaqusee Anutunara rufiaida daaquqee marinaqa andeeqasee anukaranaki mariaqa.

Heeburu 4:16

Minara maasa mifa daruaninnanara faqa sia rufia rufiaqiqa paasoosamasee mifa mari qaarinasaa oonu reera foora nári nifaueenoo amuqusianinnanara faqa qimiannee qiaqa. Miqoo kaqi nimirafa kaqi dadaaqirafa miqoo maridanoo. Maasa miqoo oonuraananoo Anutuna afauarafa amuqusirafa maasara mariannoo. Maasa ummaara faqa sarauqirana faqa darinnanara mifa dadaaqiannoo.

Heeburu 12:24

Ooqai Kainafa narí akaqa Abeerana arufanoo mina fidika teeqinau. Abeerana fidika fannoo Anutunara qini fidika akiaqara anee qiannee qidanoo. Maqee innee Yisuna fidika Abeerana ooriqararana teeqiraqoo ani mariafanoo. Yisuna fidika fannoo Anutunara maasa numoo akiaqara minniqisaannee qidanoo uriqaranoo maridanoo. Innee maqee fuka moodaanaki kira ufa quqee marianaki Yisunaki ani mariafanoo.

Titusa 3:5

Sia maasa amiqira saikafau Anutufa qafamaseenoo mina akiaqarau maasa asumu maranau narí amuqusiranannai kai maasa asumu maranau. Kaifaa aanaaqi aanaaqi kammafirana mifa nammariara foora maasa findaukamannisanau. Minannai Anutufa maasa asumu maranau.

Idi Ufa 73:28

Qinee sia miqidaqa, Anutuna aaqa mariranara qinee kaaqa amiqira fee qidaqa. Qinee uriqarara Yaaweena mara qeeqa afeeka kukeeqara maqusaikammiqa. Anee auqoonna ainainara aiqama kooroommasee qimannimianura.

1 Peetooroo 1:2

Maasa qikoofa Anutufa maqee maa kari narí ianinnanara iriseenoo inni rusandeesamumaqoosa mariafanoo. Sia fifaufau rusandeesamuinau. Asauku mundirana Yisuna fidikannai findaukarausai kiaqeera faqa Yisuna ufara eedoo qimasee mi mau fuaqeera faqa Yisuna maraqunannai kaaqa andeeqara fasiqa anaasee kammafi mariaqeera inni rusandeesamumasee maranau. Anutuna afaarirafa faqa asooarana faqa inni naundurai qumbiqafinoo irairaamminoo mariani.

Eefeesusa 3:12

Maasa Yisunasaa atooaqa marianannai faqa maasa mina saqarikiranannai faqa sia maasa nisaurida rufiaanaura, paasoosamasee Anutuna afusaa fuannanara mi eedoo qirafa maasaindi maridanoo.

Yameesa 4:8

Anutufa marinnai aaqa anifanoo mifa quandaki inni naaqa aniannoo. Innee mandoosana maree mariasa inneeqa ikairi nisaukusaa marina nammari uquaqa. Innee qaara ufa qimarisa inneeqa naundura anukaaqa.

Heeburu 9:19

Mooseefa indaaruqaa moodaanaki kira ufa mina sandufa oosana oosana faiqí anaasee qimannimiseenoo burimakau mimmi fidika nammari namufaqa mareenoo naneeka amanee faqa taatuqee arira sipsip asausi faqa qumareenoo fidikaki raaraamma qumareenoo sandufa bukamau faqa faiqí anaasee nifaaqasasa faqa akuseenoo maaqi qimasee qimanniminau.

Mataioo 3:11

Kuqaa qinee Yoohaneesa nammari kai inni rumannimaqaida. Inniqa mandainaina minnisee Anutuna ufamau firanara koorooianifeera fifau nammari kai rumannimaqaida. Kasooqaqee qini qinaaqiannai moo fannoo kambiqaannoo. Mifa qini uridaaqaraannoo. Qinee ooreeqarausa mina ameemaanai marianaura. Naqimmasee fee qinee mina dadaaqianauree mifa firaafa qini faqa uridaaqararafa maridanoo. Mifa sia fifau nammarinnai kai inni ooqumarinimaqaannoo. Mifa Anutuna kaaqa areenara maraquna inni naakunnimaqaannoo. Mifa kudimakirana idaqaanifeera idannai faqa inni rumannimaqaannoo Yoohaneefa oofaafana kikiqa usuna maa maqanasaaqaraasara qidanoo qinau. Innee Yisuna asaukuki faiqí anaasee oofaafanara foora doo maridaqa. Kaqikaaqoo utitiqamanniseenoo mina adi fuaqa aquannoo. Anoona narí mareeqeenoo narí maaqaki quqaseenoo aanaaqmaara mandoosana maree mariasa idaraannoo. Ida firaana sia dimbeemari idanaki araannoo.

Yameesa 1:6

Innee iriranara innaaru qidaqa sia oonumafi qaara irira iriaqa, oonumafi qaara irira irimariasa ufaira foora uqimariafanoo.

Aaquqira Ufa 23:26

Qini qimaaku qini ufa amiqimmasee iria. Saina qini marirafa ani quqafiqaani.

Idi Ufa 119:7

Qinee ani andeeqara rainannimaqaranara iriseeqa qeeqa anukara qimuqusannai ani amooqianauranoo.

Idi Ufa 51:10

Oo Anutu qini qimuqusa fuka amiqira qimuqusa auqu qisaa. Qini daunduraki naaruara ani ufamau fira maraquna quqaqisaa.

Heeburu 10:19

Qini qikaqaafasaa Yisufa kuqinoo narí fidika adioonannai maasa sia rufiaidaqa kaqi mana mana nifaaqa quqasee Anutuna naaquqara oosiranaki keeqaanaura.

Rafudoo Akarafa 29:4

Moosee anee Aaroona narí faiqi namu faqa nifiqamaree qinee umee marunna uiqaana maqa kooqiki minisee qimanniminaqa amiqimmasee nammari auqaaqa.

Heeburu 9:10

Anutuna ami maria ainainna faqa aandau tatufusee ami mariafa faqa mi namusa naranara faqa nammariara faqa nammarinnai findaukarana oosana oosana faqa qidaqa. Nipatasaaqaraa ainaina mi ainainafa ufaasu maridanoo. Anutufa fuka ainaina quqaranara minara afeesidanoo ufaasu maridanoo.

1 Timooti 4:2

Unna qimaria fasiqausa kai mi unna ufausa faiqí anaasee Yisuna ufana suqimariasa qimannimiqa nifaranoo. Mi unna qira fasiqausa nári mandoosanara sia qumaara naridanoo nariqa naaqoo irirana doo ida fannoo narinoora foora inoo marifaqa sia ummaara narifaqa nisaurifara.

Idi Ufa 119:145

Oo Yaawee qinee qeeqa qimuqusannai ani aaraidaqa. Qini nammeera qiranara qima qiminaqa qinee ani naamuaqira ufa mau fuanaura.

Uqafiqoo Ufafa 1:5

Yisufa asauku mundirafa andeeqasee kooroo imarifa Anutuna ooqa faiqi kuqiranakiqari findifufa maa maqa maaqanakinaasa karaambaiqauqa uriqararafa marifa mifa faqa narí afaarirana faqa asooarana faqa inni nimidanoo. Mifa maasara amuqusammidanoo. Mifa narí kuqiranannai maasa mandainainakinaana idukunniseenoo maasa qumareeqeenoo narí akoona Anutuna aanaiqikirausa mariaqee qimaseenoo quqaqisaifaqa maridaqa. Anutuna asauku mundirana Yisuna afaaqa areenarana faqa afeeka faqa firaaqoo minaindi marianifeera.

Eefeesusa 6:5

Qinee Pauroosa innee moosa ainainimariasa qimannimidaqa. Inneeqa feefauru marara saikaki keeqafinaqa amiqimasee mina ainainammaisaaqa. Sia nifaaqa quqasee mana mana iaqa. Innee naaquqee marinaqa ainaina akoona anainammaisaaqa, innee asauku mundirana ainainidee qidaqa maqasaa ainaina akoona amiqimasee nimuqusannai ainainammaisaaqa.

Idi Ufa 119:80

Qinee andeeqasee ani naamuaqira ufamau fuaqaana, miqi mariaanoo aaqara qisaurirafa sia qini rafaaqafu qisaani.

Idi Ufa 119:69

Nári nimoo naamoo qimaria fasiqausa qiniara unna ufa qimariafaqa qinee qeeqa aiqama qimuqusannoo ani qimannimira ufa mau fidaqa.

Idi Ufa 119:58

Qinee qeeqa aiqama qimuqusannoo anee qima afeekaikunandee inana qifauama qimaqaanneera iraidaqa.

Idi Ufa 119:34

Anee irirana qiminaqa ani sanda ufa oosana irisee mi mau fuanaura. Qeeqa aiqama qimuqusannoo afaqaanaura.

Idi Ufa 119:10

Qinee qeeqa qimuqusannai ani ufa qaindusiraree qidaqa amanidaqa. Ani sanda ufa rukiaranasaa anee qini ititaqisaa.

Idi Ufa 119:2

Yaaweefa naamuaqira ufamau fimariasa asasidaqa. Nariqa nimuqusannai mina ufa afaqee mariasa asasidaqa.

Idi Ufa 111:1

Yaaweena amooqiaqa. Qinee qeeqa qimuqusannai mina faiqí anaasee suqiranaki Yaaweenara dufi dufi qianaura.

Idi Ufa 94:15

Mikari ufa andeeqa nimaqee mariasa kaifaa andeeqa nimaqeefaranoo. Aiqama andeeqara marirana faqaasa misa mi andeeqa nimaqara ufana qafamasee amiqirafee qimasee pooduqeefaranoo.

Idi Ufa 84:11

Yaaweefa qareenara karaambaiqa maasa itita qimaqee marifa maridanoo. Mifa narí amiqira dadaaqirana faqa maasa duqu uqeerarana faqa mi qandannai amiqimma qimaqaidanoo. Andeeqara aatata fimariasa moo ainainara iraifanoo sia amiqira ainaina nimiranara qaoo qiannoo.

Idi Ufa 32:11

Innee andeeqarausa Yaaweefa auqoo ainainausara asasida nasuriaqa. Innee mina ufa qaindusi mariasa faaqa ridaqa asasiaqa.

Idi Ufa 9:1

Oo Yaawee qinee qeeqa qimuqusa aiqamannoo ani amooqianaura. Anee aiqama naaquqara ainaina auqoonnanara qimannimianaura.

Ruka 1:1

Oo maa fasiqa Tioofirusa maasaki Yisunasaaqari kambiqoo ainainara moomoo fasiqauqa amanamasee akara riqau, Yisufa kambiqooqooqari minara qimannimimarusa misa qimannimufaqa akara riqau.

Heeburu 6:11

Maasa inniara maaqiaqeera inniara ridaqa. Inni Anutunara nidirafa asasirafa kasirafa miqiqa fifi inaqa taikainna aukuana kai mafi taikaaqa. Innee miqifanoo inni naundurakinaa nidirafa kuqaa anoonaikiannoo.

Heeburu 10:1

Yuda maqanna Mooseena sandufa faqa uiqaana maqa ainaina faqa innaarunai mari ainainna mina amananda kai maridanoo siara foora inoo maridanoo. Naaru kambiqaaninna ainaina amananda oorudupirana amananda kai maridanoo. Mooseena uiqaana maqaki Mooseena sandufamau fidaqa moodaa tatufira oosana kai aukuana aukuana aandau kai suqa amu mariqau. Doo miqidaqa naqimasee mi sandufana Anutufinnai ani mariasa anoonaikamma nimaqaannoo fee, sia amana.