Firipi 4:10 - Anutuna Ufa

¹⁰ Qinee Pauroosa karaambaiqaki fidaqa maqee maqee firaaqoo inniara oonumafi iridaqa asisida maridaqa. Innee Firipi maqusanaasa ooqai narana feefaurira munnimma dadaaqiqa qimiqau. Doo miqoo kisaaqasaa marikiqa doo maqee kafaa qiniara iridaqa dadaaqi mariafanoo. Innee sia qiniara kaaqa aunusee mana mana imariafaqa minara qidaqa inneeqa maqusaindari nianaindari dadaaqirana sia amana maree animariafaqa minara innee sia qini dadaaqusa mariaasa maqee kaifaa dadaaqimariafanoo.

Firipi 4:10 Referans Kwoze

2 Koorinti 11:9

Qinee inniki mariafanna kamuqoo qeeqa narana munnimma sia marufaqa sia inni munnimma moodaa marasee narana mara naqiafana. Qini qikaqaafasaauqa Maseedoonia maqannaasa nariqa munnimma mareeqee qini qimana kai qimufaqa marasee narana mara nee mariqiafana. Ooqai miqi mariafannana kafaa maqee maaqoo marunnaqooqari sia innindi maraanaura. Innee aaqarana marasaifaqa naqimmasee fee inni aaqara ufannai andeeqannisaanauree inni narana munnimma qimunara irisee qisauruanoora. Qinee Pauroosa minara inni qimannimidaqa.

Karatia 6:6

Akaqa fasiqauqa Yisuna ufa inni qimannimifaqa innee misa ufa irimariana akiqara quandaki narana munnimma, maaqa, ainaina naida nimiaqa. Miqidaqa innee misa ummaara dadaaqifaranoo.

Firipi 1:3

Qinee inni Firipi maqannaasara daaqoo irifaqa Anutufinnai dufi dufi qimasee asasammasee inniara innaaru qidaqa.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Idi Ufa 85:6

Anee maasa kafaa afeekaikamma qimaqasainaqa maasa ani maqannaasa ani amooqianaura.

Firipi 2:30

Qinee asauku mundirana saikaki marufaqa Roomma maqannaa Poorisauqa qini qumareeqa rumbaranaki quqaqisaafaqa innee nianai marida sia amana dadaaqufanoo Eepafarooditusafa qini daadaaqiraree qimasee narí marunara paasoosamandeenoo kuqirana ameekeenoo, minara qinee miqirausara naaquqamasee dadaaqiaqee qidaqa.

Firipi 1:1

Qinee Pauroosa Timootisandiri asauku mundirana Yisuna rumbara ainainira fasiqaqara maridaqa maa akarana rumannimaqeeqa. Innee Firipi maqusai maria Anutuna aiku asauku maria fasiqa anaaseesa innee faqa innee ufa suqimariana rakisirausa faqa inni niqoonausa inni dadaaqi mariasa faqa, innee aiqamausa inneeqa irirana asauku mundirana Yisunasaa rusimariasa, inni akara rumannimaqaidaqa.