Firipi 3:19 - Anutuna Ufa

¹⁹ Miqi mariasa maaqiqa fifi iqa idaki kai fifaranoo, nariqa aaqee maria nidirafa mifa misa Anutufara foora maridanoo, misa nisauri maria ainainnara kai amooqimasee noori uqeeraida nasuridaqa, misa maa maqanasaaqaraa ainainara kai iri mariasa maridaqa.

Firipi 3:19 Referans Kwoze

Roomma 16:18

Miqi mariasa sia maasa karaambaiqa asauku mundirana ainainau idau, misa nári nidimari mandainainara kai randaida iridaqa. Misa nári nimanira ufannai faqa nári nifaurunnai kai susumma nimaqaranannai faqa amiqira fasiqa anaasee iriranara uneemaana qidaqa.

2 Peetooroo 2:3

Unna qida uqannifiqeemariasa kaaqa ainainara rimariasa maridaqa misa unnufa inni qimannimi marifaqa mi unnufanannai munnimma aina maree marifaranoo. Ooqaindari naaru kisaaqasaa misa ufa nimimarifa kuqira ufa misasaa quqasaifanoo mi kuqirafa misara nifeesidanoo. Misa kuridi nimaqee marifa Anutufa sia faiqaidanoo afu maqasee deedaqinoo maridanoo.

Kooroosee 3:2

Minara inneeqa irirana mirinni mari ainainnasaa rusisee iridaqa maaqoo maqasaa manda ainainara sia iriaqa.

2 Peetooroo 2:1

Ooqai Isaraee maqannaasaki unnaqira tamummaqara fasiqauqa aniree kaqiruna mara ubeekee mariqau. Maqee maa aukuanna misa undee kai iqa unnaqira amaana ufa qimanniminausa inniki kambiqeefaranoo. Mi fasiqausa Yisuna ufa iriusa rakeemaki kaqinni oonuraasauqa maridaqa qumee faiqí kuridinnisee maria unna amaanufana inniki uqeereefaranoo. Yisufa narí kuqu fidikanannai misa kuqiranakinaana feefauru fasiqanara sia irirai nikooqainaqa nári kuridirana nári kai mareeqee nári nifaaqai quqeefaranoo.

2 Koorinti 11:15

Sadannana ainaini maria fasiqausa andeeqara fasiqauqa nimammana usufiqa ainainirafa sia firaa ainaina, nárindi maridanoo. Kasooqaqee taikara aukuana andeeqasee mi manda oosanna amana kai mareefaranoo.

2 Koorinti 11:12

Ooqai iafanandee kai iqa maqee sia inni narana munnimma maraanaura. Unnaqira niqiqoo fasiqausa inniki ani mariasa inni narana munnimma maraidaqa náriara Pauroona ainaini marina aana raidee qimasee maasa faqa niqiqoo fasiqausa maridee qifoora sia qinee misa naanna ramasee inni narana munnimma maraanaura. Sia qinee nári nifaaqa mara maree urimaria oosana dadaaqianaura.

2 Peetooroo 2:13

Misa kuridirana moomoosa nimifanoo Anutufa mina ati quandeeqee nariqa nimiannoo. Nári manda ainainara nidimarina faasaanasaa kaimma asasamandee maraidaqa. Innee Yisuna ufa irimariasa qoomaqa inni faqa moodaanaki qoomaqanduqidaqa nári nikaruqira oosana maraidaqa inni andeeqee mariasa nisaurirana manduqarana nimidaqa kudimakidaqa miqidaqa.

Karatia 6:13

Misa inniara Yuda maqannaa fainanduqira oosana maraaqee qimariasa nári sia Mooseena sandufamau fimariasa misa inni Karatia maqannaara fainanduqira oosanara eedoo qianara kai nári nimooqiaqeera qimasaidaqa inni fuki faaki qidaqa.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

1 Koorinti 3:3

Innee maa maqa maaqanasaaqaraasa naanna ree mariasa aaqaida miqimarifanoo, innee nariara nariara rairai qidaqa ufa rainee marianannai maa maqa maaqanasaaqaraasa naanna ree mariana aaqarafa kooroo idanoo.

Idi Ufa 17:14

Oo Yaawee maa maqanasaaqaraa aiqama ainaina náriara kai maree mariasa nisaukukinaana qini mara qisaa. Anee misa narirara nimaara usuqaanna samu misa narua. Naridana mina atisamu kaqi marinana misa faiqi namu faqa ninaiqimara faqa kasooqaqee kambiqaifana misa faqa narua.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.

Yudeesa 1:16

Mi fasiqausa maqee maqee aiqama ainainara naundaufa naundaufa qida maridaqa. Misa aiqama ainainara amiqira ainainara faqa sia maasa didifaqa mandainaina fee kai qidaqa. Misa nári mandoosanara nidirana aandi aususeeqa nariqa mi mau fidaqa. Misa firaaqoo nariara nariara nimooqimariasa maridaqa. Misa nári mandoosanara nidirannai ubeekarara faiqí akaqausa marasee nimooqaidaqa amiqi amiqidaqa misa maasa mandoosanamau fidaqa maasa duqu uqeereefaree qidaqa miqidaqa.

1 Timooti 6:5

Faiqí akaqausa aaqee mariasa nári nifaurunnoo unna qidaqa. Misa Anutuna ufamau fidaqa firaa munnimma aina maa maqanasaa marararee qimariasa. Miqi qimariasa anoona ufa siaisa, irirafa taikarausa mi ufana qidaqa.

Firipi 2:21

Maaqanna maaqanna moodaa modaa Yisuna saikara iridaqa. Aiqamatia sia asauku mundirana Yisuna saikara iridaqa nariqa ainainiranara kai iridaqa.

1 Koorinti 5:6

Oo Koorinti maqusanaasa innee inneeqara kaaqa andeeqarausee qimasaida inni noori uqeerara oosana sia andeeqanoo maridanoo. Innee maa ooqeenaa ufana iridaqa maaqimminoo maridanoo. Narana moodaa qoo suqu quqasainanoo kaqikaafa moodaa putaa inanoo aiqamafa minasaaqaraana putaa iannoo.

1 Koorinti 5:2

Mi ainainafa inniki marifaqa naqi fee mandee noori uqeerasee inneeqa nifaaqa amooqidee minara innee nisauruaqa, inni naunduraki soofaaraikinoo mariani, mi fasiqana inneeqakinaana naqiraree kaqi maridanoo, innee suqimarianakiqari mi fasiqana aqiqaaqa.

Uqafiqoo Ufafa 19:20

Qoosasaa marufa manda kaasau aandau uraaqaramafinoo rumba quqaseenoo inaaqianna kaasau aandau namufaqa rumba quqanau. Mi inaaqianaa kaasau aandauna moo auqu unna qira tamummaqara fasiqa. Mi unna qira tamummaqarafa indaaruqaa kaasau aandau oorisaa faiqí sia auqaaqaa ira ainaina auquqoofa mi ainainnannai mifa faiqí anaasee nikaru qufaqa akaqausa niqinaaqa faqa nisauku uqannai faqa manda kaasau aandau akara maraqau. Akaqausa mi kaasau aandaunara innaaru qimariqau. Eekara qoosasaa nimarufa mifa kaasau aandau mareeqee unna qira tamummaqara fasiqa faqa kaqi kasi mariafaqa qumareeqee ida farumaki aqinau. Mi idafa firaaqoo aurukandaa kandaa idanoo afunda mandaikammimarinau.

Yameesa 4:16

Innee sia miqi qimariafanoo maaqi qimariafanoo innee inneeqa nifaaqa nimooqimariafanoo firaaqoo inneeqa nuqu uqeeree mariafanoo. Miqi maria ufafa aaqeemariafa maridanoo.

2 Teesaroonika 2:8

Kooroo inanoo karaambaiqa Yisuna oosunda fannoo mi manda fasiqana kuqammaaruannoo narí areenarana kooroo iranannai faqa narí qumira faasaana mi fasiqana rakeekaamasainanoo taikaannoo.

Ruka 18:4

Siaasa fannoo kisaaqasaa mi adeedaana anaaseena ufa irinoo fidanoo narí kai qimirinoo qinau, Qinee sia Anutunara rufiqaunausa faiqí aanaaseera sia qimuqusimarisa maridaqa.

Ruka 16:19

Yisufa Farisai amaana ufa qimarusa oosana kaaqa munnimmara qamunna amiqiranara rimarusa marunara iriseenoo maa ufana qimanniminoo qinau, faiqí moo fannoo ainaina fiqararafa maridanoo moomoo munnimma aqimaria qamunnana kai afisimarifa maridanoo, aiqama kari amiqiranaki kai marinau.

Ruka 12:19

Usakaseeqa qeeqa narana faqa qumiasana faqa minaki quqaseeqa qeeqaraa maaqi qianaura, Oo qinee maqee amiqiranaki maridaqa, qini amiqira ainaina moomoo aukuana amanaikinoo maridanoo, qinee narana nammari namasee amiqimasee aufadaranaki marianaura.

Mataioo 25:41

Qinee misa qimannimiseeqa quandafinaqa qisaaqaindaraasa maaqi qimasee qimannianaura. Innee Anutuna aqira ufa innisaa marisa innee idaki aqufuaqa. Anutufa Sadannanara faqa narí manda qangiroouqa faqa afaannauqa faqa ida aqufuanifeera auquqoofa maridanoo naaru naaru qeemari idafa sia qimbeemari idafa, innee minaki aqufuaqa.

Mataioo 16:23

Yisufa iriseenoo quandaseenoo Peetooroona qimaminau. Sadanna see maree fua, qinaaqiannai aiqaree fua anisaa qikuamaki aqufuanoora. Anee sia Anutuna irirana maree marianafa, fifau faiqí irirana maree marianafa.

Idi Ufa 52:1

Oo amudaanai qimarianna fasiqa, anee nanaree aneenna manda oosana amooqidanee. Anee nanaree faasaambaasaana anee Anutufa aidimari fasiqa aanaaseesa mandaikamma nisaidanee. Anutufa mapukusee marira oosana fannoo naaruara marifa maridanoo.

Uqafiqoo Ufafa 18:7

Babiroonia maqannaasa nári nifaaqa areenarana faqa nári moomoo amiqira ainaina faqa nariqa maraqau. Mi ainainna amana kai innee aupurarana faqa ikifaafau qirana faqa misa nimiaqa. Misa náriara uriqararausee qimariana sia maasa keekoopau maridau. Maasa sia ikifaafau qianauree qimariana akiaqara aupurarana faqa ikifaafau qirana faqa nimiaqa.

Yudeesa 1:4

Faiqí akaqausa Anutunara sia fee qimariasa qumee inniki keeqafiqa dapikidaqa. Misa Anutuna afaariranara kaqi nimiranara faqa iriseeqa quandakiqa mi ufana eendaandi iseeqa minannai faiqí aanaaseeki narí ummuari narí ummuari mariana faqa oosana oosana mandainaina faqa unna qimasee Yisunufa fee qimasaidaqa uqeeraseea. Misa maasa asauku mundirana Yisunara maasa uriqararana maasa karaambaiqara qaoo qidaqa rukiaidaqa. Ooqai tamummaqara fasiqauqa akarakinaa ufa misa firaa mandainaina akiaqa arirana aqufuaqee qufaqa doo maqee aqufidaqa.

Roomma 6:21

Mi manda ummarafa ooqai mariunara maqee nisauri mariafanoo. Innee mi mandainainaki maridaqa minakiqari nanee moo amiqira ainaina mareeusee. Maqee minara iriseeqa ooqai maraafannainainara nisaurirainaina maraqiafanoo qidaqa. Mi manda oosanamau fifiiufa kuqiranai kai ubeekee marinau.

2 Teesaroonika 1:9

Yisufa naaru naaru taikarana misa niminaqa naaru naaru karaambaiqa mariqooqari nianai naadumasaa maridaqa sia mina areenara afeeka qafeefaranoo.

Yudeesa 1:10

Maa inniki mandoosana uqeeree mariasa sia amiqira qangiroo aanna raidaqa niranaqarufa oonumafi irisee kaqi qidaqa. Nári sia qafee maria ainainnara qimasaidaqa niqidaqa. Misa kaasau aandau aanna raidaqa. Misa nári irirana irisee aandau oosanamau fidaqa. Mi mau fimariafanoo nári mandoosana fannoo nári naridanoo.