Firipi 2:29 - Anutuna Ufa

²⁹ Innee mina qafamaseeqa karaambaiqaki maru qikaqaafasaa fee qimasee asasammasee mina amiqi amiqiaqa, innee miqirausara aiqama naaquqamasee dadaaqiaqa.

Firipi 2:29 Referans Kwoze

1 Teesaroonika 5:12

Oo maasa qikaqaafasaa maasa qeeqa qimuqusa ookiqari inni qimannimidaqa. Inniki Anutuna ufa saiki maria fasiqausa Anutufa mareeqeenoo mi saikanaki uqannisoosara qidaqa, misa inni naamuaqira ufa qimannimiafaqa amiqira fasiqafee qimasee naaquqamasee iriaqa.

1 Koorinti 16:18

Misa inni asasirana nimimariandee kai iqa qini qimiqau. Miqira fasiqauqara aiqamausa iriaqaana.

Roomma 16:2

Mifa andeeqara anaasee marinoo oonurainaqa innee Anutuna faiqi namu naanna ramasee karaambaiqa ufa irimari anaasee fee qimasee amiqimandee qumaree rakisidaqa mi anaaseefa moo ainaina ummaara moo bisinisa Roomma maqusai auqainaqa innee kaqi dadaaqiaqa. Mi anaaseefa moomoo fasiqa anaasee dadaaqirafa qini faqa dadaaqira qiqoondi maridanoo.

2 Koorinti 10:18

Qinee Pauroosa minara maaqi qidaqa. Karaambaiqa fannoo moo fasiqara amiqira fee qinafa kai amiqira fasiqa mariannoo, narí kai nariara amiqira fasiqee qinafa sia anoona marina fifau mariannoo.

1 Koorinti 16:10

Qinee Timootinara qimannimianaura, mifa inni maqusai oonurainaqa innee mina amiqi amiqimmasaifanoo afaaqa quqaani, mifa qini daanna ree marifa karaambaiqa ainainiranaki marifa maridanoo.

Heeburu 13:17

Innee inneeqa uriqararausa qinnandee kai iaqa. Misa Anutuna saika maraidaqa inni nimanara maqee maqee rakisidaqa. Anutufa kasooqaqee misa innisaa rakisiranara iraannoo. Innee misa ufara eedoo qifaqa misa asasammasee mi ainainnammifaranoo. Innee misa ufa rukiaifaqa misa nifaaqa qumooqukidaqa nikoo nikaa ifaranoo. Misa nikoo nikaa idaqa sia inni dadaaqifaranoo.

Kooroosee 4:10

Aristarakusafa mifa faqa mai qini faqa Roomma maqanaa rumbaranaki maridanoo nimandaidanoo. Baranabasina akaqaafasaa uqanna Marikoofa mai marifa mifa faqa inni nimandaidanoo. Qinee moo akaraki Marikoonara qimannimiafannana mifa oonurainaqa innee mina amiqimasee rakisi aisaaqa.

2 Koorinti 7:2

Oo Koorinti maqusanaasa qini qiqoondiuqa, innikinaana maasa siamma moo fasiqa mandaikamma amaqaafanausa, maasa sia moo fasiqa mandoosanaki quqaafanausa maasa sia moona rafaaqafu amaqasee mooainaina umaraafanausa, innee minara nimuqusinaqa maasa umaraaqa.

Roomma 10:15

Naqi fee maseenoo fee moo fannoo oonu qimannimiannoo fee moo afeeqaseeqa mina ati uaqeeifanoo amana oonu maridanoo qimannimiannoo. Tamummaqara fasiqa minara maaqi qimasee akara rumaqoofa maridanoo. Amiqira fasaasa ufa maree animariasa anirafa amiqirafa maridanoo. Tamummaqara fasiqa miqi qimaqoofa maridanoo.

Yoohanee 13:20

Qinee anoona ufa kuqaa qimannimidaqa. Faiqí anaasee moo fannoo qinee inni niqiqamaqaanausa niqoondikinafa qini faqa qiqoondikidanoo. Faiqí anaasee moo fannoo qini qiqoondikamma qimaqainafa qini diqiqamaqoona faqa kai aqoondikidanoo.

Ruka 9:5

Yamaqusanaasee inniara qaoo qifaqa Anutufa naruaninnanara aaquqimannimaqasee kookoomma afaqa ninaamarasee fuaqa.

Firipi 2:28

Minara qinee innee iannai firaaqoo aqiqararee qidaqa, innee mina qafamasee asasiaqeera aqiqaidaqa innee miqifanoo qini ikiraqarafa faqa taikaannoo.