Firipi 2:26 - Anutuna Ufa

²⁶ Mifa firaaqoo inniara ridanoo inni nindafaaqaa idanoo innee mifa anunara aiaaee qunara mifa irufanoo amuqusunara innee iannai kaifaa fuannoo.

Firipi 2:26 Referans Kwoze

Firipi 1:8

Anutufa iridanoo qinee kuqaa anoona ufa inni qimannimidaqa. Inniara qini qimudaoo qirafa firaafa marina asauku mundirana Yisuna amuqusa ookiqari kambiqara qimudaoo qirafa maridanoo.

Eefeesusa 3:13

Qinee Pauroosa minara irisee inni afeekaikamandaida qimannimidaqa. Qinee Yisuna ufa qimannimunaqa misa minara fifau qini karabusaki quqeeqa. Inni Eefeesusa maqannaasa qinee karabusaki marunna aupuraranara iriseeqa sia Yisuna ufa minniseeqa kudoosaapaaqa, innee minara maaqi qiaqa Pauroona karabusaki marirana maasa Eefeesusa maqusanaasa amiqimaqimaqaidanoo fee qimasee asasiaqa.

Roomma 12:15

Faiqí anaasee akaqausa asasifaqa innee faqa dadaaqiqa asasiaqa. Faiqí anaasee akaqausa ummaara narinaqa ikiraqaifaqa innee faqa dadaaqiqa ikiraqaaqa.

Aaquqira Ufa 12:25

Moo ainainara amukee marifa ani asasirana aruannoo. Reedeenira ufa fannoo ani asooama amaqaannoo.

Firipi 4:1

Oo qini qikaqaafasaa Firipi maqannaasa firaaqoo inniara qini qimuqusifaqa inniara daundurannoo oonu mafi iridaqa inniara dididanoo. Innee firaaqoo asasirana qimi mariasa mariafaqa innee qini moodaa fidikara foora marida qini asasirana qimimariafanoo. Minara inni qimannimidaqa Yisufa innaarunaindari qumuaninnanara asasammasee afeesida mariaqeera faasai qimannimiqa inni marifa miqimandee karaambaiqaki mapukusee mariaqa.

Roomma 9:2

Misara firaaqoo qimuqusimarifaqa qikiraqaidaqa qeeqa maqannaasa qeeqa moodaa qimaqi moodaa fidika rainarausara miqidaqa. Misa Yisunara sia fee qimasee arunara oonumafi iriqa ikiraqaidaqa.

Mataioo 26:37

Qimaseenoo mifa Peetooroona faqa Seebeedina amaakuqara Yameesa Yoohaneesa minamusa faqa kaqikaa qoo saqamaki nifiqamaree fidanoo narí kuquaninnanara irimarufanoo aundura mandaikimarufanoo akoo akaa imarufanoo miqi marinau.

Mataioo 11:28

Aiqama kadaapiri mariasa faqa naudura qumaara firaana maree mariasa faqa, qinee unnannai aniraifaqa qinee naundura idooarana nimianauranoo.

Idi Ufa 69:20

Qini aasaandaana ufa qimiafa qini qimuqusa raquruqiminoo marifaqa qini qifaaqaki aiqama ummooqukinoo marifanoo qini qifaaqa dadaaqirafa sia maridanoo. Qinee nimuqusiranara randauna sia moo fannoo qiniara amuqusirafa maridanoo. Qinee qimudao qira ufa qima qimaqarausara randauna sia uqanna maridaqa.

1 Peetooroo 1:6

Maa maqee maria kamuqoo oosana oosana inni nimanirafa aupurarafa marianno (Anutufa qinanoo marianno) minara innee kaqi kaaqoo noori runiranaki marifaranoo. Mi nimanira ainainnausara iriseeqa asasiaqa.

Firipi 1:3

Qinee inni Firipi maqannaasara daaqoo irifaqa Anutufinnai dufi dufi qimasee asasammasee inniara innaaru qidaqa.

Karatia 6:2

Innee narí ummaara narí ummaara dadaaqiaqa, miqiqa innee asauku mundirana sandufamau kaaqa andeeqasee fimariafanoo.

2 Koorinti 9:14

Innee dadaaqimariasa inniara nidimarinaqa inni amiqi amiqiranara innaaru qifaranoo. Anutufa mookira afaarirana inni nimunara Anutufinnai inniara nidimarinaqa inni amiqi amiqiranara innaaru qifaranoo.

1 Koorinti 12:26

Moodaa qifaaqa ati didafifanoo aiqama qifaaqa didafidanoo, kafaa mina dinni moodaa qifaaqa amooqifanoo aiqama qifaaqa asasidanoo.

Roomma 1:11

Qinee firaaqoo inni nindafarara qidaqa innaarunaindaraa amiqi amiqirana moo inni naida nimianaqa innee Anutunaki afeekaikamafi mariaqeera iridaqa.

Firipi 2:25

Maa akara rirana Eepafarooditusanasaa rumasaananoo maree innee iannai fuannoo mi fasiqafa qini daaqa ainainida dadaaqidanoo rakiranara foora dadaaqimarifa ooqai innee ooqai qini dadaaqira munnimma minasaa quqasee aqiqoofanoo mai anireenoo mai qini faqa ani maridanoo amiqimasee qini dadaaqidanoo.

Firipi 2:27

Kuqaa mifa firaaqoo aurinoo kuqirara ameekamaseenoo Anutufa minara amuqusufanoo dadaaqufanoo findifinau, sia minara kaifau amuqusinau, qini Pauroosara faqa amuqusufanoo Eepafarooditusana firaa auriranakinaana mara findifinoo firaa ikiraqarana sia qiminau.