Firipi 2:22 - Anutuna Ufa

²² Timootifa narí ainainiranara narí amiqira oosana kooroo ifaqa innee minara irimariafanoo mifa faqa qinee faqa nariqa qisakoosara foora maridaqa moodaanaki Yisuna amiqira fasaasa ufa saikaki marunausa maridaqa.

Firipi 2:22 Referans Kwoze

1 Koorinti 4:17

Innee qini daanna raanee qimasee Timootina aqiqaananoo innee iannai fuannoo. Maaqanda karaambaiqa ainainiranaki maridaqa mifa qini qimuqusa andeeqara qimaakuara foora maridanoo. Mifa innee iannai oonuree qini fuka marirana asauku mundirana Yisunaki marira oosana qimannimiannoo. Aiqama maqusa maqusa nidaqa Yisuna ufa irimariasa suqusaida naamuaqimaqaafannana Timootifa mi ufana inni naaqoo auqaannoo.

2 Timooti 1:2

Oo Timooti anee qini qifaaqasaa qimaakuara foora marianafa qinee maa akarana ani rumamaqaidaqa. Maasa aiqamausa faqa aiqama ainaina faqa nikoofa Anutufa faqa maasa karaambaiqa asauku mundirafa Yisufa faqa narí afaarirana faqa amuqusifanoo nifauarana faqa aundurai asooarana faqa ani amiani.

1 Timooti 1:2

Oo Timooti maasa qikoofa Anutufa faqa maasa karaambaiqa asauku mundirafa Yisufa faqa ani dadaaqiaqa, misa nariqa nifauarana ani amiaqa. Misa ani aundura asooarana faqa amiaqa.

2 Koorinti 2:9

Minara kai qinee mi akarana rumannimaqeeqa. Qinee inniara naamua qunna ufana irifaree sia fee irifaree qimasee nimanamandee qafarara pasa akara rumannimaqeeqa.

1 Timooti 1:18

Oo Timooti anee qini qimaakuara foora marianafa. Qinee maa ufana anisaa quqaidaqa. Ooqai tamummaqara fasiqauqa qimaqoofa ani qimamira ufa mi mau fidanoo. Ani ainainirafa andeeqara rakiara foora imariannana qini ufa fannoo ani duru feefara foora inoo mariannoo.

2 Koorinti 8:22

Titusana faqa moo fasiqa faqa indaaru fuaqee qiaqa maqee maasa qikaqa moo faqa miqandasaa mara quqaanaura miqanda faqa fuannoo, maasa moomoo kari mina amanamandee qafaunanoo amiqimarifa maqee maqee eedoo qimasee dadaaqimarifa maridanoo. Doo maqee mifa inni Koorinti maqannaasara irisee mina irirafa inniki mundinoo marinara firaaqoo asasammasee inni faqa dadaaqiannoo.

Titusa 1:4

Titusa qinee ani qimamiafannana anee aneenna irirana Yisunaki quqoonafa mariannanara qinee aniara qini qimaaku fee qidaqa anindiri Yisuna iriranamau fimarunnanaki keeqee marunnanara maa akarana ani rumamaqaidaqa. Yisufa asauku mundirafa maasa asumu maree marifa maridanoo. Mifa faqa mina akoofa Anutufa faqa narí afaarirana faqa narí asooarana faqa ani aaku amaqaani.

2 Timooti 3:10

Oo Timooti anee sia miqi marianafa anee qini naamuaqira ufamau kai fimarianafa qini oosana maree marianafa qinee fimarunnaqoo kai anee fimariananoo qinee Yisuna anoona ufamau fimariafannana anee qiqafoonafa mariananoo Anutuna saikasaara daruafaqa sia rakeemasee minniseeqa reendeenamandee kaqi miqoo marunana anee qiqafaananoo. Qinee faiqí aanaaseera qimuqusi mariafannana anee mina faqa qiqafoonafa mariananoo. Qinee kisaaqasaa Anutuna aanara afeekaikirana anee qafaananoo.

Firipi 2:20

Timootifa kai qini daanna reenoo moodaa irirana inniara iridanoo amiqimasee inniara amuqusidanoo.

2 Koorinti 8:24

Minamusa oonu raifaqa innee misara nimuqusimarinaqa rakisinnimaqaaqa. Miqinnanara Yisuna ufara maqusa maqusa suqimarinausa Pauroofa Koorinti maqusanaasa nimooqiranara anoona ufa fee qiaqeera.

2 Koorinti 8:8

Qinee Pauroosa sia naamuaqira ufa inni qimannimidaqa naakapara ufa inni qimannimidaqa. Anaamuru dadaaqiranara naakapaidaqa minannai inniqa nikaqaafassara nimuqusirana nimanamandee qafaidaqa inni Koorinti maqannaasa nimuqusirafa Maseedoonia maqannaasa nimuqusirana amanafee maridanoo fee qimaseeqa nimanammandee qafaidaqa.

Roomma 5:4

Maasa oosana oosana ummaarakina sia umooqukida kaqi fimariananoo Anutufa mina qiqafamaseenoo eedoo qiannoo. Mina eedoo qira ufa fannoo quandaki maasa qifeeqarainaqa maasa Anutuna narí areenarana qimianinnanara asasamasee afeesidaqa maridaqa.

1 Koorinti 16:10

Qinee Timootinara qimannimianaura, mifa inni maqusai oonurainaqa innee mina amiqi amiqimmasaifanoo afaaqa quqaani, mifa qini daanna ree marifa karaambaiqa ainainiranaki marifa maridanoo.

Firipi 1:5

Ooqai indaaru inni maqusai anireeqa Yisuna amiqira fasaasa ufa qimannimiafanaqa amiqimmandee dadaaqammamaree ani marufaqa nindafaafannanara inniara daaqoo iriseeqa Anutunara asasammamaqaidaqa.

Firipi 1:7

Anutufa narí saika Yisunara qimannimira saika adiafaa imari saikana qimufaqa innee aiqama minaki marida dadaaqi marusa mariafanoo, minara inniara asasirafa andeeqarafa kai maridanoo. Ooqai sia qinee karabusaki mariafanna kamu qoo qinee Yisuna aufakiana faiqí anaasee kaqi nidaqa qimannimiseeqa naunduraki mapuku nisasee mariqiafana, akaqausa minasaa ootupeeqa aaqaranaki quqasoofaqa qinee oonuree mina ateekaafanaqa innee faqa dadaaqi marusa mariqau. Doo maqee faqa Roomma maqannaa karabusaki maridaqa innee faiqí anaasee mapukunnisee mariana qini dadaaqi mariasa marianara inniara Anutufinnai asasirafa andeeqanoo maridanoo.

Firipi 1:12

Qinee Pauroosa Yisuna ufa maqusa maqusa qimannimi marunnana akiaqara karabusa rumbasaafaqa maridaqa. Nariqa qini rumbaqaafanoo Yisuna ufa aru rafaaqa firaree qimasee qinee rumbaqa maruna sia misa Yisuna ufa rafaaqa fia, qini rumbaranannai misa sia irirai mina muru pooduqaafanoo.

Firipi 1:16

Miqi mariasa nimuqusa ookiqari qini Pauroosara ridaqa Yisunara amiqimaseeqa faiqí anaasee qimannimidaqa. Akaqausa Yisuna ufara kaukaata qidaqa mareeqee kaqirunna ubeekaidaqa, Anutufa qiniara anee minasaa ititaannee qifaqa ititaidaqa, qini dadaaqi mariasa miqi marunausa marunnanara irisee amiqimmandee qiniara ridaqa dadaaqidaqa.

1 Timooti 4:6

Oo Timooti anee asauku mundirafa Yisuna amiqira ainainira faiqi maridana mina ufa irimariasa ani akaqaafasaauqa qini maa ufausa qimannimia. Yisunasaa mundira ufa faqa mina anoona ufa faqa ani ooqai mi ufanasaa fidana innooqana marianafa mariananoo. Miqidana qini maa ufausa aneenna akaqaafasaauqa qimannimia.