Firipi 1:29 - Anutuna Ufa

²⁹ Anutufa inni firaaqoo adiafaairanaki quqanniseenoo asauku mundirana ainainiranaki quqannisaifaqa innee minaki maridaqa sia inni irirana minasaa rusiranara kaifau inni niminoofau mina ufasaara nidafirana maree fandinnanara faqa inni niminoo.

Firipi 1:29 Referans Kwoze

Yameesa 1:2

Qini qikaqaafasaauaqa oosana oosana ummaara ainaina nimanamasee qafarafa innisaa aqufinaqa sia minara maparaaiaqa dufi dufi qimasee Anutufa sia minannai daridanoo, afeekaikamma qimaqaidanoo qimidanoo fee qimasee asasiaqa. Mi nimanira ainainafa inni firaaqoo narinaqa inni Anutuna saqarikirafa kaqi kai marinanoo inni mi saqarikirafa mifa inniki sabeenara foora afeekaikamasee mariaqeera mariannoo.

1 Peetooroo 4:13

Kaqi asasa kai iaqa. Maasa asauku mundirana aupurarana naida qimina maraidee kai qimasee asasiaqa. Miqifanoo innaarunaindari mina kaaqa areenarafa faqa kooroomambinaqa maasa asasirana qumbiqarausa marianaura.

Roomma 5:3

Sia minara kai asasidaqa maqee marianaki ummaara oosana oosanakina maridaqa minaki faqa asasidaqa. Mandainaina ummaara darinaqa mi ummaarafa sia amiqimasee daruannoo minasaaqari afeeka marasee sia dauni Anutuna ufamau firarana kudoosaapaanaura.

Eefeesusa 2:8

Sia moo ainainannai Anutufa narí afaariranannai kai inni innaarunai asumu mariranaki quqannisaidanoo, innee Yisuna saqarikiranannai afaaramma nimaqaidanoo. Inni asumu nimirafa sia innee andeeqasee fimarianasaafau mundidanoofau, sia innee amiqira oosana marasaida kadaapiridee qimarianasaafau mundidanoofau, Anutuna kaqi nimiranasaa kai innaarunai asumu marirana maasa qimirana uqeereenoo.

Kooroosee 2:12

Qinee Pauroosa minara inni Kooroosee maqannaasara maaqi qidaqa Yisufa aunirira saqarisaa kuqufufaqa inneeqa nifaaqa namufaqa kuqirana ameeraameeriqa Yisufa kuqiranakiqari findifufaqa innee faqa kuqirana ameeraa meeriranaki qari findifiqa fuka marirana mara maree findifi mariafanoo. Inni irirafa Yisunasaa mundunara mi ainainna kambiqafi maridanoo.

Mataioo 16:17

Yisufa iriseenoo narí qimaminau. Oo Simoona Yoonaana amarana amaaku, maqasaa fasiqa sia miqi qimasee ani qimamiaqini. Innaarunai qini qikoofa mifa kai ani aaqoosaa rinoo. Minara anee asasimarianafa mariananoo ani qimaminoo.