Firipi 1:28 - Anutuna Ufa

²⁸ Yisuna ufara namuqaaki mariasara sia rufiaaqa, paasoosiaqa. Innee sia rufiaifaqa misa nári kuridifandinnanara irifaranoo. Inni innaarunai asumu marifandinnanara faqa irifaranoo. Anutufa narí kai uqannifiqaannoo.

Firipi 1:28 Referans Kwoze

Mataioo 10:28

Faiqí nipata kuqa narifandinausa sia misara rufiaaqa. Misa inni naunduraindaraa nimana sia amana kuqa narifaranoo. Moo fannoo Anutufa inni nipata faqa nimana faqa amana idaki kuqa narirana amanaiki marifa minara kai rufiaaqa. Faiqí nipata kai narifandinnanara sia rufiaaqa.

Roomma 8:17

Anutufa narí faiqí aanaaseera amiqi amiqira ainaina afeeda maqimaqaina maasa mina faiqi namu marianara minara maasa mifa innaarunai quqannimaqaqai qumiasana kasooqaqee maraanaura. Anutufa narí asauku mundirana amaqaqai qumiasana faqa maridanoo mifa mina faqa maasa mirinni innaarunai naida qimiannoo. Maqee maria aukuana asauku mundirana kuqira aupurarana dadaaqi maraananoo innaarunai mina kaaqa areenarana faqa naida qimiannoo.

Heeburu 13:6

Maasa mi ufana iriseeqa paasoosamaseeqa maridaqa maaqi qianaura. Karaambaiqa maasa dadaaqimarifa maridanoo Minara maasa sia rufiaanaura, Naqimasee maa maqanasaa qaraasa maasa darifaree. Sia amana darifaranoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

1 Teesaroonika 2:2

Maasa namu Teesaroonika maqusai fuaneera Firipi maqusai oonuraafanaqa mandaikamma nimaqeeqa manda ufa qimunara irimariafanoo. Maasa inni maqusai oonuraafanaqa moomoosa aanooqima nimaqoofaqa oonumafi iriafananoo Anutufa paasoosirana nimufaqa mina ufa inni Teesaroonika maqannaasa qimannimiqiafana.

Ruka 3:6

Eendaandira aana aiqama andeeqaa mandaikiranaki anukamasaina raununukaani miqimasaifaqa aiqama anaamuru Anutufa asumu maraaninnana qafeefaranoo.

Oosana 49:18

Yakooboofa Dannaanara miqi qimaseenoo Anutunara innaaru qinoo qinau. Oo Yaawee qinee ani dadaaqiranara afeesidaa.

Idi Ufa 50:23

Qini Anutusa dufi dufi qirana tatufiranara foora suqa qimimariasa faqa qini ufamau fimariasa faqa qinee Anutusa qeeqa asumu marirana nimianaura.

Yoohanee 16:8

Fuka dadaaqirafa qumu maridanoo inni maqasaaqaraasa irirana aaqaidanoo fee qiannoo inni andeeqaranara faqa manda oosanara faqa Anutuna narira ufa nimianinnanara faqa aaqee mariafanoommifoo qimasee qimannimiannoo.

Mareekoo 3:3

Yisufa amaana maqaki faiqí anaasee amaana ufa qimannimidanoo asauku sufirana aaramasee qinau anee mai aniree aiqamausa nifusaa kikiqia qimaseenoo quandaki faiqí anaasee irammirinoo qinau. Mooseena sandufa Saririqa faasaana sandufa fannoo maasara naqi fee qidanoo maasa minasaa faiqí anaasee dadaaqafee ianauree kuridianauree maasa faiqí marirana asumufee marannimianauree kuridi taikannimaqaanauree miqi qufaqa misa sia ufa qiqau kaqi kasoomafiqau.