Firipi 1:20 - Anutuna Ufa

²⁰ Qeeqa qimuqusa ookinaa didira irirafa maaqimminoo maridanoo. Qinee qeeqa saika Anutufa qimu saikana sia kudoosaapee minnisaanauranoo aiqama aukuana faqa maqee Roomma maqannaasa karabusaki marunnanara faqa qiniki qini paasoosirafa qumbiqafinaqa qeeqa Roomma maqannaasa darifaqa kuqiranannai fee qeeqa kaqi mariranannai fee qeeqa marirana aiqamannai asauku mundirana auqu uqeerarana qiniki marianifeera dididanoo.

Firipi 1:20 Referans Kwoze

1 Peetooroo 4:16

Innee Yisuna ufara aupurarana maraseeqa sia minara nisauruaqa, Yisuna auqu maasasaa marinara Anutunara dufi dufi qiaqa.

1 Koorinti 6:20

Anutunaindi mariafanoo. Mifa narí amaakunnai firaa feefaurumasee inni marasee nariara quqaqoosa mariafanoo minara innee inniqa nifaaqa Anutuna amooqira mariranaki quqasaifanoo mariani.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

1 Yoohanee 2:28

Oo qini faiqinamu Yisunaki mariafanoo kaqi minaki kai mariaqa. Miqi marifanoo narí innaarunaindari quminaqa sia innee nisaurusee kukeeqaaqa kaqi nifaaqa quqasee qafaaqa.

Firipi 2:17

Innee Yisunasaa irirana rusimariafa Anutuna tatufira aandau miqirafa maridanoo. Roomma maqannaasa qini qusasaa darusaifanoo qini fidika fannoo inni tatufira aandausaara foora adia finoo aiqamaqara moodaanaki Anutuna amaqaifanoo eedoo qimasee asasammasee maraannoo. Misa darifandinnanara qinee maqee asasammidaqa qinee asasammasee qeeqa nasurirana inni faqa naida nimianauranoo.

Roomma 8:19

Anutufa auqu quqoo ainainausa innaarunaindaraana faqa maqasaaqaraana faqa mi ainainausa aiqama moodaanaki kaaqa aupurarana maraidaqa Anutuna faiqi namu faiqí faiqi misa kuqiranakiqari findifiranara afeesidaqa. Misa kaaqa firaaqoo minara afeesida maridaqa. Maasa Anutuna faiqi namu saimbaqa putaa iranakiqari idukuaqee qimasee kaaqa afeesidaqa.

2 Koorinti 10:8

Asauku mundirafa maasara qinee niqiqaafanna fasiqausee qimasee mi uriqarara afeekana qimufaqa minara firaaqoo ufa qufaqa innee irisee qiniara firaaqoo narí amooqimari fee qiafaqa iriseeqa sia minara qisauridaqa, sia qini afeeka inni rakeemma aqirafa maridanoo inni dadaaqirafa pooduqammannisarafa maridanoo.

2 Koorinti 4:10

Yisuna arundee dari dari isoofaqa qini qifaaqa ufaanakuru moomoo marifaqa maraqa nidaqa maaqi qidaqa. Mi ufaana kurunannai Yisuna marirana maasa qifaaqasaa aiqamausa nifusaa kooroo ianifeera mina kuqirafa faqa ufaanakuru fannoo maasa qifaaqasaa marina mina kuqirana akooroo ianifeera maridanoo.

Idi Ufa 119:116

Oo Yaawee anee qima afeekaikunandee qinana afeeka qiminaqa kaqi maa maqanasaa marianaura. Anee dadaaqinanoo qini daundura anisaa mundirafa sia taikaannoo.

Roomma 5:5

Mi asasirana afeesirafa sia qisaurirana qimiannoo Anutufa narí naaquqara maraquna kaqi qimimarifa maridanoo. Anutufa narí naaquqara maraqunannai maasa naunduraki nammariara foora narí aidirana maasa naunduraki adiaqimaqeenoo narí areenarana naida qimiannoo.

Kooroosee 1:24

Qinee Yisuna aufakiana qimannimunnanara minara qinee Roomma maqannaa rumbaranaki maridaqa, innisaara faqa rumbaqa maridaqa. Qinee sia minara doori runidaqa, doori quqasee asasida maridaqa. Yisufa narí aiku oosana mariasara aunirira saqarisaa aupurarana maranau. Mina aupuraranaki qinee faqa keeqeeqa ookaamambiqa rumbaqa maridaqa aupuraidaqa Yisunaindi fee qimasee kaqi asasidaqa.

Roomma 12:1

Oo qini qikaqaafasaauqa, Anutufa inniara amuqusirana faqa amiqi amiqirana faqa firaaqoo marinara afeekaikamandee qeeqa qimuqusa ookiqari inni qimannimidaqa innee inneeqa marirana nipata aandau tatufiranara foora Anutuna amiaqa, Anutuna ufamau fidaqa mina aidira ainaina andeeqasee marirana mina mina amiaqa. Miqiqa inniqa Anutunara innaaru qirafa amooqirafa anoonaikiannoo.

Firipi 1:14

Qini qikaqaafasaauqa, maqusa maqusa Yisuna ufa irimariasa qinee karabusaki marunnanara iriseeqa misa paasoosirafa firaaqoo innooqamaree fidaqa faiqí anaasee Yisunara qimannimidaqa sia rufiaidaqa.

2 Koorinti 7:14

Qinee inniara firaaqoo inni nuqu uqeereeqa Titusana qimamiafannana, innee miqoo kai mina amana kai mariafanoo. Titusafa nidafammaseenoo asasinoo. Maasa maqee maqee ooqai anoona ufa kai inni qimannimi mariqiafana. Miqi kai iqa inniara Titusana qimamiafannufafa doo anoonaikinoo.

2 Koorinti 5:15

Mifa aiqamausara kuqunnimaqasoonara kaqi mariasa minara irisee sia náriaraa kai irisee mana mana ifaranoo minara iriseeqa mina ufamau fidaqa andeeqeefaranoo. Misara irisee kuqunnimaqeenoo findifunara mina ufamau fidaqa andeeqasee marifaranoo.

1 Koorinti 15:31

Qini qikaqaafasaa, qinee aiqama faasaana kuqiranara aniraannoo qidaqa eerairidaqa. Qinee sia kaiqeesa maana koorooidaqa. Innee maasa karaambaiqa asauku mundirana Yisunaki fimarianara nimooidaqa minara kai kooroomannimidaqa. (Pauroona aukuana Roomma maqannaasa sia Yisuna ufa irimariasa nári oosana maraidaqa faiqí anaasee qafaifanoo adiafaa ianifee qimasee ooni faandamuraki faiqí faqa kaasau aandau faqa mara quqasoofaqa rakimariqau. Yisuna ufa irimaru ufafa taikaanifeera mara quqasoofanoo kaasau aandau naru neemarinau. Pauroofa minara iriseenoo Koorinti maqannaasa qimannimidanoo mina kikiqusimarinau. Koorinti maqusanaasa maa ufana qimanniminoo qinau.)

Roomma 9:33

Ooqeenaa tamummaqara fasiqa akarauqa mi ooninara maaqi qiqau. Qinee Anutusa mi oonina Sioona maqusai quqaqaanaqa faiqí anaasee mi ooninasaa niku rupaurifaranoo. Faandi ooni miqirana qinee mi oonina quqasaanaqa minasaa farindamaki saamurifaranoo. Moo fannoo narí irirana minasaa rusiqainafa sia kadooparaannoo. Tamummaqarausa Yisunara miqimmasee ooqai akara riqau.

Roomma 6:19

Inneeqa faiqí faiqi sia afeeka irirana faqaasa mariasa mariafaqa qinee Pauroosa kaqi maa ufana inneeqa irimariana amana kai qimannimianaqa iriaqeera qimannimidaqa. Ooqai innee inneeqa nifaaqa faiqí faqa anaasee faqa nariara nariara fanandirana faqa oosana oosana mandainaina faqa moo faqa moo faqa aaku aakummafifaqa mariafanoo mina aramandunnai kai inneeqa nifaaqa quqasaafanoo doo maqee miqi kai iqa inneeqa nifaaqa aiqama andeeqara oosanamau fimariana aramandunnai quqasee maqeeidaqa naaquqara andeeqara mariranaki mariaqeera.

Roomma 6:13

Manda oosana moo inni qumarainaqa sia inniqa nifaaqa minakina eedoo qimasee quqaaqa. Sia miqiaqa maaqiaqa, innee kuqiranakiqari findifi mariasara foora aiqama nifaaqa eedoo qimasee Anutuna aramandunnai rumafifanoo mina inni nifaaqa mareeqeenoo narí andeeqara saikaki quqaanifeera mina aramandunnai inneeqa nifaaqa quqaaqa.

Yoohanee 21:19

Yisufa mi ufanannai Peetooroofa aunirira saqarisaa kuquaninnana Peetooroofa mi kuqiranaki afaaqa areenarana Anutuna amiannoo. Yisufa Peetooroona qimami taikaseenoo mifa findifi fidanoo Peetooroonara doo anee qini qinaaqianna aniannee qimasee indaaru Yisufa finau.

Aaquqira Ufa 23:18

Anee miqinana kasooaqee ani marirafa amiqimmiannoo.

Aaquqira Ufa 10:28

Andeeqara fasiqa anaasee nidimari ainainafa kuqaa kambiqainaqa asasifaranoo. Manda oosana maree mariasa sia moo ainaina mareefaranoo.

Idi Ufa 119:80

Qinee andeeqasee ani naamuaqira ufamau fuaqaana, miqi mariaanoo aaqara qisaurirafa sia qini rafaaqafu qisaani.

Idi Ufa 62:5

Qinee Anutuna kai mandaaqaidaqa. Qeeqa irirana minasaa kai munduqaqee maridaqa.

Idi Ufa 25:2

Oo qini Anutu, qinee ani saqarikidaqa. Namuqaa darifaqa qisauruanoora anee mi dariranasaa ititaqisaa. Anee dadaaqinaqa qini namuqaa sia qiniara ataasa ataasa qiaqa.

2 Koorinti 3:12

Maasa mi naaru marirafa anianinnanara asasamandee afeesidaqa paasoosamandee Yisuna ufa qimannimidaqa. Maasa sia Mooseena aanna reeqa qamunna qummaree nikiaqasaa afisusee oorisaa areenarana rafaaqafidaqa. Mooseefa qamunna qumareenoo Isaraee maqannaara narí ooriki takukandaa rimarina mina taikee marina qafeefoo qimasee qamunna oori afisinau.

2 Koorinti 7:4

Qinee inniara kuqaa Yisuna ufa irimariasee qidaqa qinee inniara nimooqidaqa asasidaqa. Maasa oosana oosana ummaaraki maridaqa inniara iriseeqa paasoosidaqa asasirafa qumbiqeenoo rairaaidanoo. (Pauroofa Koorinti maqannaasa akara ruma Titusana amufanoo munu nimisee oonurandee Pauroofinai aninau. Pauroofa Koorinti maqannaara qini akarakinaa ufara nanee fee qiaafoo qimasee maa ufana akara rumannimaqanau.)