Firemoona 1:8 - Anutuna Ufa

^8-9 Asauku mundiranaki maaqanda maridaqa qinee ani afasausa maridaqa paasoosammasee aniara andeeqara oosana maraanneera qimamianee qidaqa sia miqianaura nariara nariara rirafa didimarifaqa kaqimma iraanaura. Qinee Pauroosa asauku mundirana Yisuna aanaiqikirausa mina ufa akiaqara Roomma maqannaasa rumbaranaki marunausa sia qimamianaura kaqimma Ooneesimusanara iraanaura.

Firemoona 1:8 Referans Kwoze

1 Teesaroonika 2:6

Maasa inni faqa maridaqa inni fee akaqausee sia misa nimooqira ufara randaqiafana.

2 Koorinti 10:8

Asauku mundirafa maasara qinee niqiqaafanna fasiqausee qimasee mi uriqarara afeekana qimufaqa minara firaaqoo ufa qufaqa innee irisee qiniara firaaqoo narí amooqimari fee qiafaqa iriseeqa sia minara qisauridaqa, sia qini afeeka inni rakeemma aqirafa maridanoo inni dadaaqirafa pooduqammannisarafa maridanoo.

2 Koorinti 3:12

Maasa mi naaru marirafa anianinnanara asasamandee afeesidaqa paasoosamandee Yisuna ufa qimannimidaqa. Maasa sia Mooseena aanna reeqa qamunna qummaree nikiaqasaa afisusee oorisaa areenarana rafaaqafidaqa. Mooseefa qamunna qumareenoo Isaraee maqannaara narí ooriki takukandaa rimarina mina taikee marina qafeefoo qimasee qamunna oori afisinau.

1 Teesaroonika 2:2

Maasa namu Teesaroonika maqusai fuaneera Firipi maqusai oonuraafanaqa mandaikamma nimaqeeqa manda ufa qimunara irimariafanoo. Maasa inni maqusai oonuraafanaqa moomoosa aanooqima nimaqoofaqa oonumafi iriafananoo Anutufa paasoosirana nimufaqa mina ufa inni Teesaroonika maqannaasa qimannimiqiafana.

Eefeesusa 5:4

Ikairi putaa ufa faqa furufarira ufa faqa uteeti qimasee naanaindara qimaria ufana faqa aiqama sia andeeqara ufa sia inniki amanaikinoo maridanoo Anutuna maqasaa aiku asauku mariafanoo. Innee sia miqaa miqaa iaqa, maaqiaqa innee maqee maqee Anutunara dufi dufi qirafa kai inniki mariani.

2 Koorinti 11:21

Qinee Pauroosa innikina mariafannaqoo misa oosana maraaqaana qinee qisauridaqa qimannimidaqa qinee maparaa imarunausa sia misa oosana maraqiafana. Inniki unnaqira niqiqoo fasiqausa nariqa nuqu uqeerasee nári nimooqidaqa qinee misa furufarirana amana kai qeeqa furufariannana qimooqianaqa iriaqa.