Eefeesusa 6:13 - Anutuna Ufa

¹³ Innee minara iriseeqa Anutufa niminna duru saamu saqarina qumareeqa deedaqida mariaqa. Sadannafa mi manda faasaanna narirara anirainaqa innee amanaikiqa mariafanoo narí faqa aruafaqaammasee miqoo kai eeraaramasee ititaqa mariaqa, sia amana ainnaaqaraani.

Eefeesusa 6:13 Referans Kwoze

2 Koorinti 10:4

Maasa rakimaria duru saamu sia maa maqa maaqanakinaa duru saamuarau qidau. Maasa Anutuna afeeka ufa marina minannai duru saamuara foora rakidaqa. Minannai maasa Sadannana faandaamura rapeepaamma aqidaqa.

Ruka 21:36

Innee maqee maqee aufarida maridaqa innaaru qimasaida mariaqa. Innee inneeqa afeeka afeekaikamasee qimannimunna mandainainausaki afeekaikamandee fiqaree qini faiqí nimaaku qifusaa amiqimandee kikiqiaqeera innaaru qiaqeera qidaqa.

Eefeesusa 5:16

Maa kamuqoo manda marira kamu marinara sia fifau suani afu afeesimarina kaqinni aiqaraani, aiqama faasaanara ainainira faasaanee qiaqa.

Ruka 8:13

Raisa qaqama ooni amuaaqa maqasaa aqufifa maaqimmidanoo, faiqí anaasee akaqausa Anutuna ufa irisee sia naundurai meemaqoo iriaraasidaqa aaqee kai irisee nimanamasee qafara aukuana kambiqafifaqa misa minnisaidaqa.

Uqafiqoo Ufafa 3:10

Qinee inniara reendeenamandee mariaqee qiafanaqa innee miqi mariasa mariafanoo. Miqi mariana akiaqara firaa teeroo maaqanna maaqanna nimanamasee qafaanaura miqianna aukuanna qinee inni mareeqee kaqi atinnai quqasaana asumu marifaranoo.

Kooroosee 4:12

Eepafaraasafa inni Kooroosee maqannaafa mai maridanoo inni nimandaidanoo. Mifa faqa asauku mundirana Yisuna ainainira faiqi maridanoo, mifa inni Kooroosee maqannaasara andeeqasee Anutuna ufa nimandakusee irisee mi mau andeeqasee fuaqeera afeekaikamasee innaaru qidanoo. Innee kooroosee maqannaasa faiqí firaasara maqi mafi amiqimasee Yisuna aiku oosanaki ooqumarifi afeekaikiqa mariaqeera innaaru qidanoo. Innee miqiaqeera Eepafaraasafa inniara maqee maqee afeekaikamasee innaaru qidanoo.

Eefeesusa 5:6

Minara moo fannoo mi oosana oosana manda ainainnara aufadamasee ufa qimasee narí furufarira ufannai inni nikaruqimasee mandainainaki fuaqee qinaqa sia uqanna innee mina iriaqa.

Uqafiqoo Ufafa 6:17

Miqanda firaa aanooqira faasaana doo animaridanoo, sia moo fannoo amana misa nifusaa kikiqiannoo.

Roomma 13:12

Doo asukuna taikararidanoo, iqaqarafa qusasaa aniannoo, maasa asukunaki nimariafanna manda oosanna oosanna mafi taikaseeqa faasaana amiqira oosana amiqira marirana duru feefara foora indaamma qumaraaqa.

Yameesa 4:7

Innee mi ufana irisee inneeqa afeekaikirana minnisee Anutuna aramandunnai ooqumariaqa. Miqi mambiqa Sadannana naakaparana rafaaqafusee qaoo qifanoo sandaani.

1 Peetooroo 4:1

Asauku mundirafa afaaqasaa aupurarana narí apatasaa maranau. Innee miqiannee qimasee afeekaikamandee deedaqammasee mariaqa. Yisuna ufasaara nipatasaa nidafirana mareemariasa miqooqari sia mandoosanna maree mariannai ubeekeefaranoo nikooqaina amiqira aanai ubeekeefaranoo.