Eefeesusa 6:1 - Anutuna Ufa

¹ Faiqiuqaindi inniara qidaqa, inneeqa ninausa nikausa ufara eedoo kai qiaqa. Innee Yisuna ufara suqimariasaki marianara andeeqarafa mifa maridanoo.

Eefeesusa 6:1 Referans Kwoze

Aaquqira Ufa 23:22

Aneenna akoona ufa iria. Sia mina ufa irinana sia amanaikinnaranoo. Ani anoofa asooaqainana amiqimmasee rakisia, sia akooakaa ia.

Aaquqira Ufa 6:20

Oo qini qimaaku ani akausa qimamunnandee inana aneenna anoona ufa sia qaunua.

Aaquqira Ufa 1:8

Qinee qimaaku anoofakoona ufa iria.

1 Timooti 5:4

Adeedaana aanaaseeuqa marifanoo nári ninaiqimara faqa faiqi namufaqa marifana anee qimanniminaqa misa quandafi nári ninausa nitaatoosamara amiqimmandee rakisinnimaqaaqa. Anee miqidana maana faqa qimannimia, misa Anutuna ufamau fidaqa indaaruqaa ainaina mifa mariannoo. Misasaa dadaaqamannisaidaqa nári ninaukoo kadaapi akiaqara nimimariafanoo. Anutufa faqa mi oosannara aqaara raidanoo.

Roomma 12:2

Minara irisee maaqimmiaqa sia maa maqa maaqanasaa mariasa naanna raaqa. Innee eedoo qifanoo Anutufa inni nitikura amiqimmasee firaaqoo quandanniseenoo naunduraki nirana faqa quandannisaannoo. Innee miqimmaseeqa Anutuna irirana faqa Anutuna aidirana faqa amiqiranee qimariana faqa idaaqiranee qimariana faqa amiqimandee irifaranoo.

Aaquqira Ufa 30:17

Faiqí moo fannoo narí akoonara uteeti qimaseenoo narí anoona asooqa ufa rukiainafa duee dueena fannoo mina afu qimbaannoo. Mina amaqi meemoonauqa rapeeifaranoo.

Roomma 7:12

Mooseena sandufa faqa Anutuna naamuaqira ufa faqa andeeqarafa naaquqarafa amiqirafa maridanoo.

Ruka 2:51

Miqooqari Yisufa narí anaukoo faqa Nasareetee maqusai ooqu maridanoo narí anoona akoona ufa ameemaanai marufanoo mina anoofa Mariafa mi ufausa aundurai kai iridanoo marinau.

1 Peetooroo 2:13

Qinee Peetooroosa maanara faqa qimannimidaqa. Maqasaa kaamanna firaa uriqararafa faqa maaqa maaqa uriqararausa faqa karaambaiqa Anutufa misa quqanau, mandoosana mareemariasa narifaqa iriaqeera faqa amiqira oosana maree marisa nimooqira ufa nimiaqeera faqa mi uriqararausa karaambaiqa maqasaa quqanau. Innee inneeqara innaarunai karaambaiqa faiqi namu maridee qimasee aiqama maqasaa fasiqa anaaseesaa rakisi mariasa ureeaqa maridaqa misa ufara eedoo kai qiaqa.

Aaquqira Ufa 30:11

Akaqa fasiqa anaasee narí nikausa manda afaaqooqa nimisee narí ninausa sia amiqimma nimaqaidaqa.

Oosana 28:7

Yakooboofa narí anaukoo ufa irisee Meesoopootamia maqa maaqai funara faqa Eesaufa irinau.

Idi Ufa 19:8

Yaaweena sandufa andeeqarafa marifaqa mi ufamau fimariasa asasidaqa. Yaaweena naamuaqira ufa fannoo amana amana kai andeeqa nimaqaseenoo maasa qitikuraki irirana moo faqa moo faqa qimidanoo.

Estaana 2:20

Ooqai Moodeekaifa Eesta nammarinaa qimaminau, anee sia aneennara Yuda maqannaa manaaqa maridee qimasee faiqi qimannimia. Miqi qimaqoona Eesta nammarifa mi ufana afaqanau. Mina oosana mifa aiqama kari Moodeekaina maaqaki maridanoo mina ufa afaqee marinau.

1 Koorinti 15:58

Oo qini qikaqaafasaa doo minara iriseeqa sia kasi kasiaqa mapukuseeqa atukaraqa mariaqa. Karaambaiqa marirana nirana mariana maqee maqee minaki kai noori runusee mariaqa. Karaambaiqa marirana niranaki marianara aiqama saika naaru marira anoona marifa maridanoo karaambaiqa marirana nirana sia moo fannoo anoona siaifa maridanoo. Anoona marifa kai maridanoo.

Roomma 16:2

Mifa andeeqara anaasee marinoo oonurainaqa innee Anutuna faiqi namu naanna ramasee karaambaiqa ufa irimari anaasee fee qimasee amiqimandee qumaree rakisidaqa mi anaaseefa moo ainaina ummaara moo bisinisa Roomma maqusai auqainaqa innee kaqi dadaaqiaqa. Mi anaaseefa moomoo fasiqa anaasee dadaaqirafa qini faqa dadaaqira qiqoondi maridanoo.

Idi Ufa 119:75

Oo Yaawee ani rainannimaqara ufa andeeqarafa marifaqa qinee iridaqa. Anee mapukusee marira oosana faqaafa mariannanara anee aupurarana qini manda oosana akiiqara qimiananoo.

Oosana 37:13

Oonu marufanoo Yakooboofa Yooseefaana qimaminoo qinau. Ani afasausa mara Seekeemma maqusai mariannai fua. Miqi qufanoo Yooseefaafa qinau. Qinee firara deedaqidaqa.

Idi Ufa 119:128

Minara qinee ani aiqama naakapara ufa afaqaidaqa aiqama aaqara oosanara fidiaqaa idaqa.

Oosana 48:12

Miqi qimasoofanoo Yooseefaafa narí akoona afundana saaqaraana narí faiqi qara qumareeqeenoo narí akoona afunni oorindari maqasaa aqufinau.

Oosana 50:12

Yakooboona faiqi namu nári nikoofa qimannimundee iqau.