Eefeesusa 5:4 - Anutuna Ufa

⁴ Ikairi putaa ufa faqa furufarira ufa faqa uteeti qimasee naanaindara qimaria ufana faqa aiqama sia andeeqara ufa sia inniki amanaikinoo maridanoo Anutuna maqasaa aiku asauku mariafanoo. Innee sia miqaa miqaa iaqa, maaqiaqa innee maqee maqee Anutunara dufi dufi qirafa kai inniki mariani.

Eefeesusa 5:4 Referans Kwoze

Kooroosee 3:8

Doo maqee afaimma quqaaqa. Maa ainainausa faqa afaimma quqaaqa. Aanooqirana faqa kaukaataqirana faqa aqoonausa nifasaasa qirana faqa aqoonausa niquramaara rirana faqa maqee maqee faiqí fannoo aanaaseera amarauqirana faqa anaasee fannoo faiqiara amarauqirana faqa unna ufa qimasaida narí afasaasa narí afasaasa qira ufa faqa mi ufausa aiqama afaimma quqaaqa.

Eefeesusa 4:29

Sia putaa ainaina afunda ainainara ufa qiaqa, faiqí anaasee pooduqamannimaqaida dadaaqimaria ufana kai qimasaifaqa misa iriseeqa amiqirana adiafaairana mareefaranoo.

Aaquqira Ufa 15:2

Irirana faqaasa ufa qiafaqa akaqausa mina iriseeqa irirafa amiqira ainainee qidaqa. Irirana siaisa nookiqari furufarira ufa kai fididaqa.

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.

Heeburu 13:15

Doo minara maqee maasa maa maqanasaa maridaqa Yisunannai Anutuna dufi dufi qimamaqaidaqa. Maasa aandau tatufirana fooqaafa dufi dufi qirafa maridanoo. Maasa Anutunara kuqaa anoonnee qimaria noonakiqari minara dufi dufi qirafa maqee maqee kambiqaidanoo.

Firipi 4:6

Inneeqa oosana oosana sarauqira ainainara sia oonumafi irifanoo nimuqusiani, innee Anutunara innaaru qidaqa miqoo kai inneeqa sarauqi maria oosana oosana ainainara innaaruqiaqa. Innaaru qidaqa Anutunara dufi dufi qirana namufaqa innaaru qiaqa.

Yudeesa 1:10

Maa inniki mandoosana uqeeree mariasa sia amiqira qangiroo aanna raidaqa niranaqarufa oonumafi irisee kaqi qidaqa. Nári sia qafee maria ainainnara qimasaidaqa niqidaqa. Misa kaasau aandau aanna raidaqa. Misa nári irirana irisee aandau oosanamau fidaqa. Mi mau fimariafanoo nári mandoosana fannoo nári naridanoo.

2 Koorinti 9:15

Anutufa narí afaarinoo maasa qimunara mina uriqararafa aiqama ainaina arusee firaafa maridanoo minara maasa aiqamausa dufi dufi qimamaqaaqa.

Idi Ufa 92:1

Oo Yaawee ani amooqirafa firaaqoo uriqararafa amiqira oosana maridanoo. Ani uriqarara auquara irisee idinnai ani amooqirafa amiqira oosana maridanoo.

Yudeesa 1:13

Mi fasiqausa mandainaina fannoo nammari qaqaarara foora nári mandainaina akooqoo mandinoo marifaqa sia nisauridaqa eekara arinoo akooqoo maridanoo. Misa mee sandee mari fasauna aanna raidaqa, sandamammaree asukunaki munu qimbaidaqa. Anutufa mi fasiqausa maqa maaqa miqi kai masee firaa asukunaki meemai afeedama nimaqaifanoo maridanoo.

2 Koorinti 1:11

Miqi marinara innee moomoosa maasara innaaru qifanoo Anutufa maasa amiqi amiqima qisainaqa moomoosa mina qafamasee quandaki Anutufinnai dufi dufi qifaranoo.

Roomma 1:28

Faiqí anaasee Anutuna anoona ufara nikooqaifanoo Anutufa misa mareeqeenoo mandainainakina sia fuaqaa ira mandainainakina quqasaifaqa minaki fidaqa. Miqianara maa manda ainaina oosana oosanafa qumbiqaidanoo, manda oosana faqa, kaaqa ainainara rimarina faqa nariara nariara fidiaqaa imariana faqa nariara nariara rairai qirana faqa faiqí kuqannarirana faqa narí afumau narí afumau irafa faqa nári ueeqee narí ueeqee imariana faqa manda oosana oosana faqa nariara nariara munuqi miniqi imariana faqa misa Anutunara fidiaqaa imariana faqa kaukaata qimariana faqa nári nifaaqa nimooqirana faqa nariara kai firaaqoo ufaqí marina faqa maqee maqee mandoosanara randeemariana faqa nári ninaukoo ufa rukiee mariana faqa sia nári andeeqaramau firanara uriqararanee qimariasa, faqa nariqa qimannimira ufa rukiee mariana faqa sia nári nikaqaafasaara amuqusirana faqa mi manda ainainnausaki fimariasa maridaqa.

Aaquqira Ufa 12:23

Irirana faqaasa nári iria ufana rafaaqafusee maridaqa. Furufarirausa nári furufarirana faaqa quqasaida nimidaqa.

2 Peetooroo 2:7

Rootafa nariara andeeqarafa marinau misa nariara nariara qummuarirana faqa ufa rukiarana faqa Rootafa qafamaseenoo akooqee marufanoo Anutufa mina kai asumu akoonnai mara quqanau.

Idi Ufa 33:1

Innee andeeqarausa Yaaweefa auqoo ainainnara faaqa ridaqa asasiaqa. Mina ufa mau fimariasa mina amooqiaqa.

Firemoona 1:8

Asauku mundiranaki maaqanda maridaqa qinee ani afasausa maridaqa paasoosammasee aniara andeeqara oosana maraanneera qimamianee qidaqa sia miqianaura nariara nariara rirafa didimarifaqa kaqimma iraanaura. Qinee Pauroosa asauku mundirana Yisuna aanaiqikirausa mina ufa akiaqara Roomma maqannaasa rumbaranaki marunausa sia qimamianaura kaqimma Ooneesimusanara iraanaura.

1 Teesaroonika 3:9

Doo maqee maasa innee mapukusee marianara Anutuna afusaa dufi dufi qianaura. Maasa inniara Anutuna afusaa asasidaqa minara faqa dufi dufi qimamaqaida.

Yoohanee 6:23

Yisuna faiqinamu moo kanuqaki fufaqa Yisunara sia misa faqa fiifoo qimasee Tibeeriasa maqusai maqee maqee nimaru kanuqausa aniroofaqa doo minauqaki akaramafufaqa Kapeeranaumma maqusai Yisunara randarara minauqaki fiqau.