Eefeesusa 5:25 - Anutuna Ufa

²⁵ Faiqí inni faqa qimannimidaqa innee aanaaseeuqa nifaaqmaaka inni qimannimidaqa, innee faqa asauku mundirana aanna raaqa, Yisufa narí ufara suqimariasa narí aanaaqara foora misara kaaqa amuqusufanoo misa naaru mariaqeera qimasee narí marirana misara kuqiranaki paasoosamandee quqanau. Innee inneeqa ninaaqmakara miqi kai iqa uriqarara ainainee qimasee nimuqusinaqa ruaqa.

Eefeesusa 5:25 Referans Kwoze

1 Peetooroo 3:7

Qinee Peetooroosa doo aanaaseeuqara qiqa doo maqee anaasee nifaaqmaqkara qianaura. Anutufa kaqi marirana kaqi nimidanoo aneenna anaaqa faqa aneenna faqa mi mariranaki mariafanoo minara aneenna aanaaqara amanna fee qimasee amandakusee mina faqa maria. Innee miqimasee inneeqa ninaaqmaaka faqa marifanoo moo ainaina fannoo sia innee Anutunara innaaru qirana ititaannoo.

Kooroosee 3:19

Anaasee nifaaqmaaka innee inneeqa ninaaqmaakara ridaqa nimuqusi marinaqa sia afeeka rakisira rakisinnimaqaaqa sia sukufa qimannimaqaaqa.

Eefeesusa 5:28

Faiqí nári ninaaqmaakara miqi kai mandee nári nifaaqara foora nimuqusiani, narí aanaaqara uriqarara ainainee qimasee amuqusimariafa narí kai nariara faqa uriqarara ainainee qidanoo amuqusidanoo.

Oosana 2:24

Minara kai faiqí narí anoona akoona minnisee narí anaaqa faqa moodaanaki mafi moodaara foora maridaqa.

Eefeesusa 5:33

Mi ufana inni faiqiara faqa qidanoo aiqama fasiqa nári ninaaqmaakara nári nifaaqara foora nári nimuqusiani, anaasee faqa nári nifaaqmaaka ufa ameemaanai eedoo qimasee mariaqa.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

Uqafiqoo Ufafa 1:5

Yisufa asauku mundirafa andeeqasee kooroo imarifa Anutuna ooqa faiqi kuqiranakiqari findifufa maa maqa maaqanakinaasa karaambaiqauqa uriqararafa marifa mifa faqa narí afaarirana faqa asooarana faqa inni nimidanoo. Mifa maasara amuqusammidanoo. Mifa narí kuqiranannai maasa mandainainakinaana idukunniseenoo maasa qumareeqeenoo narí akoona Anutuna aanaiqikirausa mariaqee qimaseenoo quqaqisaifaqa maridaqa. Anutuna asauku mundirana Yisuna afaaqa areenarana faqa afeeka faqa firaaqoo minaindi marianifeera.

Uqafiqoo Ufafa 5:9

Misa fuka idi maaqi qimasee raqau. Oo Yisufa sia moo fannoo amanaikiannoo anee aneenna andeeqaranannai kai aneenna akoona asaukukinaana papiqa marasee idukinnaranoo. Misa ani arusoofana aneenna kuqiranannai faiqí feefaurummeeqeenana Anutuna asaukuki quqanau.

Oosana 24:67

Qimamisoofanoo Isakeefa Reebeeka nammarina mareeqeenoo narí maaqaki Saraqa nammarifa mariunaki quqasoofanoo mina aanaaqai kinoo marufanoo Isakeefa Rebeeka nammarinara aidi marufanoo mi aidirafa Isakeefa narí anoofa kuqunara amuqusiufa doo taikanau.

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

Yoohanee 6:51

Qinee kaqi marira feemu innaarunaindari qumu marunausa maridaqa. Faiqí anaasee moo fannoo qinee amianna feemuna namasainafa naaru naaru mariannoo. Qinee nimianna feemufa qini qimaqi maridanoo. Maa maqa maaqana afaaqasasa mariasa kaqi mariaqeera nimidaqa.

Eefeesusa 5:24

Asauku mundirana ufara suqimariasa eedoo qimasee mina aramandunnai ooqu mari fidaqa mariandee kai iqa aanaaseeuqa nári nifaaqmaaka aiqama ufa ameemaanai mariaqa.