Eefeesusa 5:19 - Anutuna Ufa

¹⁹ Innee narí qimami narí qimamidaqa Anutunara amooqirafa inni naundurai qumbiqafina maridaqa Dafidina idi faqa amaana idi faqa Anutunara rara idi faqa mi idinannai narí qimami narí qimami qiaqa.

Eefeesusa 5:19 Referans Kwoze

Kooroosee 3:16

Asauku mundirafa nimu ufana innee iriseeqa maqee maqee eedoo qidaqa mi mau kai fimarifanoo inni naunduraki mi adiafaairafa qumbiqaani. Innee mi mariranasaa fidaqa iriranannai kai narí andeeqee narí andeeqee iaqa. Firaa iriranannai aiqamausa narí aaquqimamaqaina narí aaquqimamaqaina iaqa. Anutuna maraquna fannoo amaana idi nimuna mi idina maqee maqee raqa nuaqa. Idi roona auqu Dafidifa mina idi faqa ooqeenaasa amaana idi faqa mi idisa maqee maqee raqa nuaqa. Raqa nidaqa Anutunara asasidaqa dufi dufi qidaqa mi idi namusa raqa nuaqa.

1 Koorinti 14:26

Oo qini qikaqaafasaauqa, maa qinee qunna ufana anoona koorooianaura. Innee innaaru qiraree qimasee suqidaqa moo fannoo idi moo oosana araannoo moo fannoo naamuaqira ufa oosana araannoo, moo fannoo Anutunaindaraa ufa irisee qimannimiannoo moo fannoo aanaamuru ufakiqari qimannimisainanoo moo fasiqa maraquna fannoo dadaaqinanoo mi ufana anoona kooroomannimiannoo. Aiqama ainaina Yisuna ufara suqimariasa dadaaqirafa kai mariani.

Idi Ufa 95:2

Doo aniaqa, aniraifaqa dufi dufi qirana namu faqa mina afusaa oonu raa. Asasammasee amooqira idi namu faqa mina afusaa oonu raa.

Idi Ufa 147:7

Amooqira idi Yaaweenara rama amaqaaqa. Piripunannai aridaqa maasa Anutuna idi rama amaqaaqa.

Yameesa 5:13

Innikiqari moo fannoo mandainainaki maridanoo fee Anutunara innaaruqiani. Moo fannoo asasidanoo Anutuna amooqira idi raani.

Idi Ufa 62:8

Innee qini qiku qisauku aiqama kari Anutuna kai saqarikiaqa. Inneeqa aiqama ummaarara mina qimamiaqa. Maasa mifinnai oonuree kai asumu marianaura.

Idi Ufa 86:12

Oo Yaawee, qini Anutufa, qinee qeeqa qimuqusa aiqamannai ani amooqianaura. Qinee naaru naaru ani auqu qareenarana amianaura.

Mataioo 26:30

Yisufa miqi qimasee qimannimisoofaqa misa namaseeqa Anutunara idi ramaseeqa raudamakufaqa asukunai Oorifa aaqanai ooru fiqau.

Mataioo 15:8

Maa maqannaa fasiqa anaaseesa nifauru fannoo kai unnaqimasee qini duqu uqeereemariasa, nimuqusa kaqinni ubeekarausa mariafanoo.

1 Koorinti 14:15

Qinee minara naqi fee qianauree qinee maaqimmianaura, qinee qeeqa qimana faqa qeeqa iriranannai faqa innaaru qianaura. Qinee Anutunara idi raidaqa qeeqa qimanannai faqa qeeqa iriranannai faqa Anutunara idi raanaura.

Uqafiqoo Ufafa 5:9

Misa fuka idi maaqi qimasee raqau. Oo Yisufa sia moo fannoo amanaikiannoo anee aneenna andeeqaranannai kai aneenna akoona asaukukinaana papiqa marasee idukinnaranoo. Misa ani arusoofana aneenna kuqiranannai faiqí feefaurummeeqeenana Anutuna asaukuki quqanau.