Eefeesusa 5:16 - Anutuna Ufa

¹⁶ Maa kamuqoo manda marira kamu marinara sia fifau suani afu afeesimarina kaqinni aiqaraani, aiqama faasaanara ainainira faasaanee qiaqa.

Eefeesusa 5:16 Referans Kwoze

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

Yoohanee 12:35

Miqi qimasoofanoo Yisufa mina iriseenoo qinau. Kaaqa qarafa inniki qusasaa mariannoo. Kaaqa qarafa mariqoo mi kaaqa qaranasaa kai mariaqa. Miqimmasee marifanoo asukuna fannoo sia rafaaqafuannoo. Asukunaki nimarifa sia aana qafaidanoo kaqimbidanoo.

Eefeesusa 6:13

Innee minara iriseeqa Anutufa niminna duru saamu saqarina qumareeqa deedaqida mariaqa. Sadannafa mi manda faasaanna narirara anirainaqa innee amanaikiqa mariafanoo narí faqa aruafaqaammasee miqoo kai eeraaramasee ititaqa mariaqa, sia amana ainnaaqaraani.

Karatia 6:10

Minara irisee maana qimannimidaqa maasa aiqamausa amiqira dadaaqirana dadaaqiaqa sia moodaakari kai, maqee maqee dadaaqirafa kambiqafinana dadaaqiaqa. Aiqamausa dadaaqidana niqoonausa Yisuna saqariki mariasa firaaqoo dadaaqiaqa.

Roomma 13:11

Innee mi fasiqana aanna raaqa. Doo maa aukuanna iqaqara aukuana maridanoo faiqaranakiqari findifira aukuana doo ani maridanoo. Ooqai innee inneeqa irirana Yisuna ufasaa rusisoofa doo ani aniifanoo doo inneeqa asumu marira aukuana doo adeedi ramasee ani maridanoo. Minara faiqaranakiqari findi fira aukuanee qidaqa.

Karatia 1:4

Maasa qikoofa Anutufa qufanoo asauku mundirafa iriseenoo eedoo qimaseenoo mi mau finau maqee kamuqoo marunna mandainaina afeekaikiranakinaana maasa idukuaqeera narafaaqa maasa mandainaina akiaqara aunirira saqarisaa paasoosamasee quqanau.

1 Koorinti 7:26

Innee Koorinti maqannaa Yisuna ufa irimariasa innee maqee aukuana Yisuna ufasaara firaa mandainaina nariranaki mariafaqa minara irisee qimannimidaqa, aiqama fasiqa maqee maria mariranaki kai mariaqa.

Idi Ufa 37:19

Miqi mariasa manda aukuana anirainaqa sia aupurarana mareefaranoo. Aandaroo aukuana misa narana moomoo mariannoo.

Eefeesusa 6:15

Inni niku ititee mariafa niku aanaamuara foora mifa Anutufa faqa mari asooara amiqira fasaasa ufa maqee maqee aamina maqannaa qimannimirafa mifa inni niku aanaamuara foora ititarafa mariannoo. Mi andeeqara oosannausa marasaifanoo Sadannafa sia amana inni naruani.

Oosana 29:7

Yakooboofa misa sipsipa oosana qafeenoo qinau. Innee naqifee ifaqee sipsipa suani qambaana mara quqaqaafaqee maridee. Dauni nammari nimiseeqa mara quqasaifaqa misa fida qusau neeqa nifaaqa maraaqa.

Mataioo 25:17

Qaara koondaa amanee maroofa miqi kai inoo kafaa qaara faqa qaara faqa aniranau.