Eefeesusa 5:15 - Anutuna Ufa

¹⁵ Mi ufafa miqinoo marinara innee Eefeesusa maqannaasa inneeqa mariranasaa amiqimmandee rakisiaqa. Sia aamina fasiqara foora mariaqa irirana faqaasara foora mariaqa.

Eefeesusa 5:15 Referans Kwoze

Kooroosee 4:5

Innee Kooroosee maqannaa Yisuna aiku oosana mariasa innee Yisuna ufara nikoo nikaa imariasa faqa moodaa maqusaki mariafanoo. Innee misa nifusaa reendeenamasee irirana faqaasa naanna ramasee nuaqa. Innee misa faqa maridaqa innee sia fifau nifaurunnai kai ufa qiaqa, Yisunara qimannimiraree qidaqa deedaqammaqaifanoo mariani, iraifaqa dauni qimannimiaqa.

Yameesa 3:13

Inniki moo fannoo nariara irirana faqaasee aiqama ufa oosanara irimarunausee qimarifa doo mi fasiqafa narí amiqira mariranannai faqa amiqira qumararanannai faqa reendeenirana namufaqa narí irirana namufaqa koorooianifeera.

Firipi 1:27

Misa qini darifaree idukifaree inni irirana moodaa maaqimminoo mariani, innikina narinni narinni rirafa asauku mundirana amiqira fasaasa ufa irimariasa misa naanna ramafi mariaqa. Innee miqidaqa marifaqa qinee inni oonu nindafaanauree sia fee oonu nindafaanauree miqidaqa inni amiqira oosanara nianaindari irianaura, inni irirafa Yisuna amiqira fasaasa ufa saqarikirana faqa mi mau firana faqa minara kai iridaqa aiqama innee moodaa irirana faqa moodaa firanamau faqa moodaanaki ruumbakiqa maridaqa rakimariasa naanna ramasee mapukiqa marifaqa irianaura.

1 Koorinti 14:20

Oo qini qikaqaafasaa sia inni irirafa faiqi aanaaqi iriranara foora mariani, faiqí firaasa iriranara foora mariani. Oosana oosana mandainainara minara kai inni irirafa faiqi aanaaqindiara foora nisakadiki qikairi siaisa mariaqa.

Aaquqira Ufa 14:8

Nanaree aiqama ainaina akoofasa fannoo irirana faqaafaikidanoo fee. Mifa ainaina auqarana iri marinara miqidanoo. Nanaree irirana siai fasiqafa furufarira fasiqaikinoo fee. Mifa iridamunoo qinara miqidanoo.

1 Timooti 6:9

Moomoo ainaina munnimmara randeemariasa manda nimaniranaki aqufidaqa. Nári moomoo ainainara munnimmara rimariafa nariqa furufariranara nidimarifa mifa mareeqeenoo nári ufaanaki nári naridaqa.

1 Peetooroo 1:22

Maqee innee Anutuna anoona ufa irisee maraafanoo mi ufanannai inni ninukama findaukamaseenoo. Innee inneeqa niqoonausa mi ufana irimariasara kuqaa nimuqusidanoo nidimarifaqa minara kaifaa qinee qimannimidaqa inneeqa nimuqusa ookiqari noori kandamasee nariara nariara nimuqusidanoo nidiani.

Mataioo 10:16

Iriaqa, qinee inni niqiqaanaqa innee sipsipara foora kaasau faini qambaana inni niqiqaidaqa. Faiqí oodaa mariafanoo faiqí moomoosa inni narusee naaqaammidammia. Minara innee sakani maaso̱o aanna reeqa reendeenamasee nuaqa. Nakipurunara foora kaqi muquriqa marida, reendeenammida mariaqa.

1 Teesaroonika 5:15

Innee maa ainainnara faqa rakisiaqa, moo fannoo ani mandaikammamaqainana akiaqara sia narí mandaikammamaqaa sia mi oosanafa mariani. Innee aiqama kari narinni narinni amiqira oosana kai narí ami narí amiaqa sia inneeqaki kai miqiaqa. Innee aiqama maqannaasaki maridaqa miqimannimaqaaqa. Inneeqa irirana nimana mi amiqira oosannasaa kai quqaaqa.

Ruka 24:25

Yisufa miqi quna iriseenoo kafaa miqanda maaqi qimasee qimanniminau. Oo furufarira qanda mariafanoo Innee sia dauni Anutuna tamummaqara fasiqa ufa iri mariafanoo kaaqa inneeqara anuqi mariafanoo.

Karatia 3:3

Innee naqiaqooqari fee firaa furufariranaki fi fee, innee Anutuna maraquna naakusee minannai oosana arasee andeeqasee fidaqa kafaa maqee mariaqooqari nanaree innee mina afaimma quqasee faiqí faiqi iriranamau maqee maaqooqari fidee.

Heeburu 12:25

Minara innee Yisuna ufa sia sia iriaqa. Amiqimmandee rakisimaree iriaqa. Ooqai Mooseefa maa maqanasaaqaraafa qimannimimarufaqa sia iridaqa kuqimariqau. Maqee innaarunaindaraa fasiqa ufa rukiaanafa anee yaifee finnaree mina ariranakiqari rukiasee naqi fee innaree.

Mataioo 27:24

Misa ufa firaaqoo qidaqa tutuqimarufanoo Piratoofa misa sia qini ufa iriafaqammu qimaseenoo qafee maraseenoo nammari saka uqeera mareenoo misa nifusaa quqaseenoo asauku nammari uqinoo qinau. Maa fasiqana aruannanara doo qisauku nammari uqiqa. Mina fidika sia qini qisakadiki mariani. Doo innikina mariannoo doo.

Uqafiqoo Ufafa 19:10

Miqi qimasoofaqa qini daaquqoofaqa mi qangiroona aikuki doorindari aqufumafi amooqianeeriafananoo mifa qaoo qimaseenoo qinau. Oo anee sia miqia. Aiqama Yisufa kooroo ira anoona ufa qumaree mariasa ani faqa ani akaqaafasaauqa faqa moodaa ainainimarunausa maridaqara anee sia qini qimooqia Anutuna kai amooqia. Yisufa narí maru aukuana narí anoona ufa koorooinau. Mi ufafa kai Yisufa sia kambiqoo aukuana tamummaqara fasiqauqa naakufufaqa qimannimufaqa akara riqau.

Mataioo 8:4

Mina karoora taikasoofanoo Yisufa qimaminau. Simai sia uqanna moodaa fasiqa qimamia. Findifinana munu amaana maqasaa aanaiqikirana aneenna afaaqa karoora arimaruna uqafiqainanoo aiququmasainana Mooseefa ufa qimaqoomau ainaina mara maree amaana maqaki qaindasaa suqarana tatufinana Anutuna amia. Faiqí anaasee qafamasee doo mina karoora taikeefoo qimasee sia aniara eerairiaqeera. (Ooqai Mooseefa karoora narinausa sia maqusai aniaqee qimaqoofa. Andandakinai kai nuaqee qimaqoofa. Faiqí moo fannoo narí karoora taikaseenoo amaana maqaki ani kikiqamafufanoo amaana maqasaa rakisirausa qafamasoofanoo doo maqusai fuannee qufanoo doo kaifaa maqusai finau. Kaqikaa ainaina amaana maqaki Anutunara dufi dufi qimasee nimiseenoo doo maqusai kaifaa finau.)

Eefeesusa 5:33

Mi ufana inni faiqiara faqa qidanoo aiqama fasiqa nári ninaaqmaakara nári nifaaqara foora nári nimuqusiani, anaasee faqa nári nifaaqmaaka ufa ameemaanai eedoo qimasee mariaqa.

Rafudoo Akarafa 23:13

Qinee Yaaweesa aiqama ufa qimarunnana iriaqa. Innee maa amaana ufausa amiqimasee irimaree fuaqa. Sia unna anutusara innaaru qiaqa. Sia uqanna misa nuqu raaqa.

Kooroosee 1:9

Maasa indaaru mi ufana iriseeqa miqooqari inniara innaaru qidaqa. Maasa inniara Anutuna iriranamau fifandinnanara inni naundurai qumbiqaanifeera innaaru qidaqa. Anutuna maraquna fannoo nimi irirana faqa iriranamau fira irirana faqa inni naundurai qumbiqaanifeera minara faqa innaaru qimannisaidaqa.

Karatia 3:1

Oo Karatia maqannasa innee furufari mariasa yafee inni mandirirana naakunimaqeenoo fee Yisunasaa rusirana afainoo fee. Qinee Pauroosa inni Karatia maqannaasa nifusaa asauku mundirafa aunirira saqarisaa kuqunara amiqimasee kooroomasee inni nifusaa qimannimiafanaqa inni nifusaa kuqinoora fooqaana innee amiqimasee irimariafanoo, doo maa moodaa ainainara kai irammirianaqa qimaqimiaqa, innee Mooseena sandufa maraqa nuana minannai fee Anutuna maraquna maraaqee iqau, Yisuna amiqira fasaasa ufa irisee irirana minasaa rusiranannai fee Anutuna maraquna maraaqee iqau, minasaa irirana rusiranannai kai maraqau.

Mataioo 27:4

Oo qinee furufaramaseeqa. Andeeqara fasiqara asakadiki sia ikairi marinara kuquanifeera qinee dapikamandeeqa oosana araunnanara. Minara qinee kafaa inni munnimma nimidaqa. Miqi qufaqa misa qiqau. Anee kai qianaqa maasa amiqa, aneenna kai minara iria.

Mataioo 25:2

Moodaannai qisaukunamu furufari marusa maridaqa nári rambi kai uqusee marida afeesimariqau.

Idi Ufa 73:22

Qinee kaasau aandaura foora ani afusaa irirana siaisa furufarirausa maridaqa.

Aaquqira Ufa 15:21

Irirana siaisa nári furufariranara asasa midaqa. Irirana irimari fasiqafa andeeqara ainaina auqaidanoo.