Eefeesusa 5:12 - Anutuna Ufa

¹² Asukunaki mariasa kukeeqaranaki maridaqa oosana oosana manda nisauri maria ainainna maraifaqa maasa misara qisauruanoo qimasee sia misa oosanara kaqikaaqoo ufa qianaura.

Eefeesusa 5:12 Referans Kwoze

Eefeesusa 5:3

Innee Anutuna maqasaa aiku asauku marianara inniki faiqí anaasee narí ummuari narí ummuari maria ufana faqa ikairi irirana faqa ainainara faqa aanaaseera faqa kaaqa fanandi mariana faqa sia mi oosanna maraaqa minara ufa qimariafa faqa doo taikaaqa.

Roomma 2:16

Kasooqaqee anianinna faasaana Anutufa narí asauku mundirana Yisunannai faiqí anaasee aiqama naunduraki kukeeqarana kooroomaseenoo rainannimaqaannoo, Qinee Pauroosa Anutuna amiqira fasaasufa faiqí anaasee qimannimiqa nidaqa minara qimannimidaqa.

Uqafiqoo Ufafa 20:12

Qinee miqoo qafaafananoo kuqirausa aiqama kuqiranakiqari findi fiqa Anutuna qaari aaqa ufa qiraree qimasee kikiqiqa mariqau. Uriqararausa faqa oorudupirausa faqa amana amana kai Anutuna oorisaa kikiqiqau. Innaarunai mariasa mi kuqirausa akara papiqa qairiseenoo nisaana riqau. Papiqa moo kaqi mariasa nuqu papiqa faqa qairisee qafanau. Anutufa mi papiqanakinaana misa manda marirana nirana auqarana qafamaseenoo ufa mina amana kai niminau.

1 Peetooroo 4:3

Ooqai inni marirafa maaqimminoo marinau. Nári nifaaqa kooroo kooroo iranara faqa, faiqí anaasee nariara nariara kaaqa rirana faqa nammari namasee furufarimariana faqa faiqí anaasee suqufi manda oosana maree mariana faqa moomoosa suqufifaqa nammari neemariana faqa unnaqira anutunara innaaru qimasee mina auqusaa mandoosana maree mariana faqa innee minauqaki kai indaaru mariqau. Doo innee ooqaindari kisaaqasaa minaki kai mariusa mariafanoo doo saaqa amanaikiqa mariafanoo maqee sia minaki mariaqa.

Aaquqira Ufa 9:17

Ummuarira nammari adiafaa irafa maridanoo. Ummuarira feemu narafa adiafaa midanoo.

Eefeesusa 5:11

Minara innee furufarira marirana maree mariasara faqa asukunakinaa oosana maree mariasara faqa rufiasee innee nianasaa mariaqa innee misa manda asukuna mareeqee aiqamausa nifusaa kaaqa qara qoo quqasaifaqa mi manda asukunaki mariasa nisaurirana marasee minnisaaqeera.

Eefeesusa 5:13

Mi manda ainainausa mareeqee aiqamausa nifusaa kaaqa qara qoo quqasaifanoo mi manda ainainausa oosana uqanna kaaqa kooroomambuannoo.