Eefeesusa 5:11 - Anutuna Ufa

¹¹ Minara innee furufarira marirana maree mariasara faqa asukunakinaa oosana maree mariasara faqa rufiasee innee nianasaa mariaqa innee misa manda asukuna mareeqee aiqamausa nifusaa kaaqa qara qoo quqasaifaqa mi manda asukunaki mariasa nisaurirana marasee minnisaaqeera.

Eefeesusa 5:11 Referans Kwoze

Roomma 13:12

Doo asukuna taikararidanoo, iqaqarafa qusasaa aniannoo, maasa asukunaki nimariafanna manda oosanna oosanna mafi taikaseeqa faasaana amiqira oosana amiqira marirana duru feefara foora indaamma qumaraaqa.

1 Timooti 5:20

Yisuna ufara suqimaria maqanaki keeqee marifa manda oosana marainaqa aiqamausa nifusaa minara qaoo qidaqa ufa qiaqa. Miqimasaifaqa aiqamausa rufiasee sia miqifaranoo.

2 Teesaroonika 3:6

Oo maasa qikaqaafasaauqa maasa Anutuna asauku mundirana karaambaiqa Yisuna auqu ramasee inni naaquqama nimaqaidaqa, inniki kudoosaapee mariasa innee sia misa naaqa mariaqa rufiasee nianai mariaqa misa sia maasa naamuaqira ufamau fimariasa maridaqammia.

Roomma 16:17

Oo qini qikaqaafasaauqa qeeqa qimuqusa ookiqara afeekaikamandee inni qimannimidaqa. Akaqausa rainara ufa oosana areemarisara eerairiaqa. Misa Yisuna saqariki mariasa akaqausa kuridi nimaqaidaqa innee maroo andeeqara ufana ateekaidaqa, misara rufiasee nianai mariaqa.

Uqafiqoo Ufafa 18:4

Mi qanqiroofa miqi qimasoofanoo innaarunaindaraa ufa qinee Yoohaneesa moo iriqiafana. Mifa maaqi qimasee Anutuna ufa irimariasa qimanniminoo qinau. Oo qini qiku qisauku innee mi maqusanakiqari doo aniaqa. Innee sia misa mandoosanaki keeqaaqa miqiqa sia misa nariranaki faqa keeqaaqa.

Titusa 2:15

Titusa anee mi ainainna maqee qinee qunna ainainna faiqí anaasee naakapaa. Anutufa ani qimaminara sia rufiaa. Afeekaikamasee qimannimia. Aneenna afeekaikamambinana fuki faaki qidana amiqira oosana andeeqara oosana maraaqeera qimannimia akaqausa mandoosana mareefoora qaoo qia. Aniara manda faiqi fee kaqikaa faiqi fee qifoora, Anutuna ufasaa afeekaikamafinana andeeqasee qimanniminaqa sia miqiaqa.

2 Teesaroonika 3:14

Innee maa akarana asaana rimarifaqa akaqausa mi ufana rukiee mariasa marifaqa innee rufiasee nianai marifaqa misa nisaurirana maraaqa.

Roomma 6:21

Mi manda ummarafa ooqai mariunara maqee nisauri mariafanoo. Innee mi mandainainaki maridaqa minakiqari nanee moo amiqira ainaina mareeusee. Maqee minara iriseeqa ooqai maraafannainainara nisaurirainaina maraqiafanoo qidaqa. Mi manda oosanamau fifiiufa kuqiranai kai ubeekee marinau.

2 Timooti 4:2

Anee Yisuna amiqira fasaasa ufara faiqí anaasee qimannimia, narí qanaa fee kaqiqoo fee sandanainai qimasee qimannimia, anee misa iriaqaa iaqee qimasee qimanniminaqa misa iriaqa anee mandoosana maree mariasara qaoo qia, anee faiqí aanaaseera nifeeqaraidana poodua. Anee ubiqafi sanaasamasee faiqí anaasee qimannimia.

2 Timooti 3:5

Misa amaana ufa sia irifaranoo nipatakai qumareefaranoo, anoona amuqusakinaana sia qumareefaranoo. Timooti anee miqi mariasara eerairamandee nianai maria.

Karatia 6:8

Faiqí moo fannoo narí faiqí faiqi manda nidiranannai manda maqaki ummaquseenoo minakinaana kuqirana kai unakuannoo. Mifa Anutuna maraquna oosana marasee Anutuna afuqaki ummaquseenoo minakinaana naaru marirana kai unakuannoo.

Aaquqira Ufa 29:1

Kaukaata qimari fasiqana moomoo kari andeeqaafanoo sia irimarifa qusasaa radamu saifanoo mina andeeqara aana sia mariannoo.

Aaquqira Ufa 13:18

Aakapara ufa sia irimarifa kudikinoo asauruannoo. Aakapara ufa irimari fasiqafa uriqaraidanoo.

1 Teesaroonika 5:7

Eendaki faiqí anaasee faiqaidaqa eendaki nammari namasee furufaridaqa.

Ruka 3:19

Kariree maqa maaqaki kaqikaa kiapafa Eeroodeefa narí akaqa anaaqa mina auqu Eeroodiasa nammarina ummuara maraseenoo oosana oosana mandainaina faqa maree marinau. Yoohaneefa Eeroodiasa nammarina maroonara qaoo qufanoo Eeroodeefa narí mandainaina oosana fannoo uriqaroonara Yoohaneena rumbaranaki quqanau.

Eefeesusa 5:7

Maqee maqee Anutufa mi manda oosannara kai qaoo qimarifaqa sia irianannai kai Anutuna aanoo qirafa misasaa aqufidanoo. Minara qinee inni qimannimidaqa miqinna fasiqa anaaseesa sia misa faqa mariaqa, nianasaa rufiasee mariaqa. Minara qinee maaqi qimasee qimannimidaqa.

Eefeesusa 4:22

Minara innee inneeqa ooqeenaa marirana nirana fatika aqusaaqa inni ooqeenaa marirafa inniqa mareeqeenoo inniqa manda nikaruqira nidiranaki quqasoofaqa miqoo innee inneeqa kai kuridimariafanoo.

Aaquqira Ufa 25:12

Faiqí moo fannoo irirana faqaa fasiqa aauqima nimaqara ufa irisee eedoo qinafa koorannai auqira fidinaanu naaqooki uqee mariana faqa uraaqararafa maridanoo.

Idi Ufa 141:5

Andeeqara fasiqa fannoo qini aaqarana akiiqara qini dadaaqianifee aupurarana qiminaqa qinee minara qini amiqi amiqimmidanoo fee qianaura. Aaqee mariasa qiniara uriqarara fee qifaqa qimooqirana sia maraanaura. Qinee maqee maqee misa manda oosannara taikaannee qimasee innaaru qimarunnanara misa qimooqirana sia maraanaura.

Oosana 20:16

Miqi qimaseenoo quanda finoo Saraqa nammarina maaqi qimaseenoo qimaminau. Doo ani afasaana siruaa munnimma wan tauseenna (1,000) amiqa, maa ummaarafa taikainaqa ani faqa mariasa ani aaqarana sia mariifoo qiaqeera. Kafaa aiqamausa aniara sia mandoosana auqee marifee qiaqa.

Aaquqira Ufa 19:25

Aanoo qimari fasiqana arinanoo irirana siaisa mina qafeeqa irirana mareefaranoo. Irirana faqaana aakapainanoo dauni irirana moo faqa moo faqa maraannoo.

Aaquqira Ufa 15:12

Kaukaata qimari fasiqafa aakapara ufara akooqaanoo. Mifa sia irirana faqaasiannai oonuree iriranara iraannoo.

Mataioo 18:15

Ani aqoonafa ani mandaika mamaqainana anee mi finnai oonuree narí mandoosanara qimamia. Inneeqara kai mariaqa sia moo fannoo mariani. Mifa ani ufa irisainana doo anee aneenna aqoonnana kafaa aqoondikina marinnaranoo.

Aaquqira Ufa 1:31

Innee inneeqa mandoosana akiiqara feefauru marasaifanoo inni auriranara foora nimiannoo.

1 Timooti 6:5

Faiqí akaqausa aaqee mariasa nári nifaurunnoo unna qidaqa. Misa Anutuna ufamau fidaqa firaa munnimma aina maa maqanasaa marararee qimariasa. Miqi qimariasa anoona ufa siaisa, irirafa taikarausa mi ufana qidaqa.

Aaquqira Ufa 1:10

Qini qimaaku manda oosana maree mariasa ani amanifana sia misa ufa iria.

Aaquqira Ufa 28:4

Andeeqara ufara nikooqee marisa ufa rukiee mariasa dadaaqidaqa. Andeeqara ufa mau fimariasa ufa rukiee mariasa itita nimaqaidanoo.

Eefeesusa 5:12

Asukunaki mariasa kukeeqaranaki maridaqa oosana oosana manda nisauri maria ainainna maraifaqa maasa misara qisauruanoo qimasee sia misa oosanara kaqikaaqoo ufa qianaura.

Kooroosee 1:12

Anutufa narí areenara maqusaki innaarunai narí nimianinna ainaina afeedimarina quqaseenoo innee ooru marasee miqoo mariaqeera inni mandainaina doo afaqaseenoo innee minara faqa iriseeqa innaarunai nikoonara asasammasee dufi dufi qimamaqaaqa.

1 Timooti 5:22

Anee sia dauni faiqí moo mareeqee Yisuna ufara suqimariasasaa rakisira saikaki quqasee sindimeera foora quqamaqaa. Anee sia moosa mandainainaki aqufua, aninna marirafa aninna afaaqa anukarafa kai mariani.