Eefeesusa 4:9 - Anutuna Ufa

⁹ Mi tamummaqara fasiqana ufa kooroo irafa Yisunara maaqimminoo maridanoo.

Eefeesusa 4:9 Referans Kwoze

Mataioo 12:40

Yoonaafa firaa noodaanna aranandaki qaaramoo faasaana faqa eendaki faqa marinau. Miqi kai iqa qinee faiqí nimaaku qaaramoo faasaana faqa qaaramoo eendaki faqa maqa aundurai madikaki marianaura.

Yoohanee 6:33

Anutufa nimunnaranna innaarunaindari qumu maridanoo maa maqanasaa mariasa naaruara marirana nimidanoo.

Aaquqira Ufa 30:4

Yafee innaarunai oorureenoo fee uminau. Yafee ufai narí asaukunnoo afapita qumareenoo fee. Yafee nammari qamunnasaa sakasee qumaraannoo fee. Yafee aiqama maqa atiuqa auquseenoo fee atukaramma quqanau. Mina auqu yafee. Yafee mina amaaku auqu. Anee iridana qimaqiminaqa iria.

Idi Ufa 63:9

Qini kuqa darirara imariasa aiqama kuqufi kuqirausa maria maqa maaqaki fifaranoo. Misa maqa ameemaanai kuqirausa faqa marifaranoo.

Heeburu 2:9

Maasa quandaki Yisuna kai qafaidaqa. Anutuna afaariranannai kai Yisufa naaru asumu marirana qimiraree qimaseenoo maasa faiqí faiqi kuqirana narí faqa maraani qimaseenoo qangiroo nimeemaanai qusakamuqoo qumu maridanoo kuqunnimaqanau. Maqee mifa kaaqa qara qafee faqaafa, kuqaa firaaqoo uriqararafa maridanoo. Mifa kuquna faqa aupuroona faqa mina akiaqara innaarunai firaafa maridanoo.

Yoohanee 20:17

Miqi qimasoofanoo Yisufa qinau, sia qeeqa qikoofinnai ooru fiqa minara anee sia qini qifaaqa qumaraa. Anee oonuree qini qikaqaafasaauqa qimannimia. Qinee qeeqa qikoofinnai faqa inni nikoofinnai faqa qeeqa Anutufinnai faqa inni Anutufinnai faqa ooru fidaqa.

Idi Ufa 8:5

Anee Yaaweefa faiqí faiqí mareeqee aiqama ainaina urinnaaqaramasee aneenna ameemaanai quqaseenana miqoo qareenarana faqa nuqu firaana faqa qatara foora afisu nimaqaananoo.

Oosana 11:5

Mi maqusana auquseeqa kisaaqa maaqa faqa usakasoofanoo Karaambaiqa qumu nindafeenoo maaqi qinau.

Heeburu 2:7

Anee faiqí auqeeqeenana qangiroo ameemaanai qusa aukuana qusa kamu quqaananoo. Anee kaaqa qarana faqa uriqararana faqa Karaambaiqara foora marirana nimiananoo. Maa maqanasaa ainaina aiqama uqanna uriqararanaikirana Anutufa nimiananoo. Tamummaqara fasiqa ufa miqi qimaqoofa maridanoo.

Yoohanee 8:14

Yisufa mina iriseenoo qinau. Kuqaa qinee qeeqaraa ufa qidaqa. Qinee miqi qidaqa anoona ufa kai qidaqa. Qinee qeeqa kambiqafi aniafannanara iridaqa qeeqa fuannanara iridaqa. Innee sia qinee kambiqaafannanara irimariafanoo.

Yoohanee 6:62

Qinee kafaa uqeeree qumuafannannai ooru fuanaqa innee mina qafamasee naqi fee ifaree. Mikari qini ufara kuqaa anoonee qimasee firaaqoo rufieefaranoo.

Yoohanee 6:58

Doo qinee innaarunaindaraa naranara foora maridaqa. Sia inni nisaifaqausa neemaru naranausara foora maridaqa. Misa mina namasee mariiqa aiqama faiqí faiqi oosanamau fiqa kuqimariqau. Maa naranna namaseeqa naaru naaru kaqi marifaranoo.

Yoohanee 6:51

Qinee kaqi marira feemu innaarunaindari qumu marunausa maridaqa. Faiqí anaasee moo fannoo qinee amianna feemuna namasainafa naaru naaru mariannoo. Qinee nimianna feemufa qini qimaqi maridanoo. Maa maqa maaqana afaaqasasa mariasa kaqi mariaqeera nimidaqa.

Yoohanee 6:41

Yuda maqannaasa uriqararausa mi fasiqa anaaseesaki mariasa misa Yisuna ufa irisee mifa nariara innaarunaindari qumuafanausa maridee qidanoo. Miqi qimasee dapi dapi ufa qimariqau.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Idi Ufa 139:15

Qini qimudaani moodaanaki ootupee marufana anee ireeda qini qinoona aranandaki moodaanaki quqaqisanau. Qinee miqoo kukeeqaranaki innooqee mariafanana anee qinee mariafannanara iri marinau.

Rafudoo Akarafa 19:20

Yaaweefa Sinai aaqanasaa qumureenoo Mooseena aaroofanoo oorufinau.