Eefeesusa 4:30 - Anutuna Ufa

³⁰ Manda ufa qinanoo Anutuna naaquqara maraquna fannoo iriseenoo akooqaanoo. Anutuna maraquna fannoo inni faqa marifa Anutuna akarara foora naríndi fee qidanoo inniki akara rinoo maridanoo. Mi maraquna akarafa maaqi qimasee inniara qima afeekaikidanoo kasooqaqee Anutufa qinanoo Yisufa qumuree inniara qinindi fee qimasee maraannoo.

Eefeesusa 4:30 Referans Kwoze

1 Teesaroonika 5:19

Naaquqara andeeqara maraquna fannoo inni afeeka niminaqa sia mina rafaaqafuaqa.

Oosana 6:6

Miqiqa marufanoo Anutufa firaqoo misa mi manda oosannara irinau. Mifa faiqí auqu maqasaa quqoonara irufanoo aundura mandaikufanoo akooqoofanoo qinau.

Roomma 8:23

Sia auquqoo ainainafa kai aupuraidanoo maasa faqa qeeqa faiqí faiqi manda marira nirana aupurarana aupuraidaqa, kasooqaqee Anutufa firaa qumiasana maasa innaarunai qimiannoo, maqee oosana arasee nimira ainaina narí maraquna nimiqoosa maridaqa. Maasa Anutunara afeesidaqa aupuraidaqa mifa maasa aiqama qipatasaa marirana iriranakinaana idukusainaqa narí faiqi namu kamambiqa innaaruna ququsaki mariaqeera minara qeeqa faiqí faiqi manda marira nirana aupuraranara aupuraida afeesida maridaqa.

Roomma 8:11

Anutuna maraquna fannoo Yisufa kuqiranakinaana marafindifinau. Yisuna mara findifu maraqunafa kai inni faiqí nifaaqa kuqiqa marifanoo kasooqaqee mi kuqirana uqeereeqeenoo kaqi marirana nimiannoo, narí maraquna inniki marinnanannai miqiannoo.

Mareekoo 3:5

Yisufa mina qafamasee raiqara oori maraseenoo faiqí anaasee aiqama munu ninda fee mini ninda fee maseenoo misa aaqarana afeeka irirana nindafa masoofanoo misara amuqusinau. Amuqusufanoo mi asauku sufira fasiqana qimaminoo qinau aneenna asauku ratutaa qufanoo asauku ratutasoofanoo mina asauku amiqinau.

Idi Ufa 78:40

Misa aadana maqa maaqaki naqumma kari fee naakapara ufara nikooqoofaqa aanooqimariqau, moomoo kari miqimariqau. Naqumma kari Anutuna amuqusa mandaikirana amimariqau fee. Moomoo kari miqimariqau.

Oosana 6:3

Miqi marufanoo Anutufa qinau. Qini maraquna naaru naaru sia faiqiki mariannoo. Misa fifau faiqí faiqi marianara kisaaqa aukuana ateekasee qusa aukuana nimianaura, 120 aukuana kai nimianaura.

Idi Ufa 95:10

Qaara fasiqa niku nisauku taikasee 40 aukuanaki qinee Isaraee maqannaasara qikoo uqanna qoofaqa qinee Anutusa misara maaqi qiqiafana. Maa maqannaasa kaaqa qaara irirana mau fimarisa maridaqa. Misa qini sanda ufa minnisee moosaa fimariasa maridaqa.

Heeburu 3:10

Qinee minara iriseeqa qafamaseeqa maa Isaraee maqannaara qiranaqaidanoo. Qinee maaqi qimasee niqidaqa. Misa irirafa fifau faafau qidanoo aaqaidanoo. Misa kisaaqasaa qini faqa anidaqa sia qini oosana qafeeusa.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

Heeburu 3:17

Yausaree qaara fasiqa niku nisauku taikasee aukuana Anutufa aanoomannimaqaannoo fee inau. Faiqí anaasee ufa rukiasee mandoosana maree marusa aadana maqasaa oonuree kuqu taikoosara misara kai aanoo qinau.

1 Koorinti 15:54

Ufaasu maqasaaqaraa nipata faqaasa kuqifandinausa naaru marira nifaaqa sia kuqimaria nifaaqana afisumareeqa doo miqoo ooqeenaasa akara anoona kambiqaannoo. Misa maaqi qiqau. Anutufa doo kuqirana aiqama nambiqama taikaseenoo mina uraaqaranoo maridanoo. Kuqirana rafaaqafirafa doo taikeenoo. Kafaa moo akarakinaa ufa minara maaqi qidanoo.

Yoohanee 3:33

Mi ainainna qimannimina irisee kuqaa anoonee qimasee marainna fasiqa aanaaseesa Anutunara kuqaa fee qimariasa maridaqa.

Heeburu 10:29

Faiqí moo fannoo Anutuna amaakuara akooqainafa mina arirafa firaaqoo fiqaranoo mariannoo. Mi fasiqafa Anutuna moodaanaki kira ufa fidikara narí mi fasiqana numoo rukasainnanara qikoo fee qinafa faqa Anutuna afaari mari maraqunara faqa mandufa qinafa, mi fasiqana arirafa sia Mooseena aanna raannoo, fiqaranoo mariannoo.