Eefeesusa 4:25 - Anutuna Ufa

²⁵ Doo minara maaqooqari sia unna ufa kafaa mariani, taikaani, aiqama narinni narinni anoona ufa kai narí qimami narí qimami qiaqa, maasa aiqamausa moodaa nifaaqara foora kai marunnanara naríndi naríndi marunnanara unna ufa sia qiaqa anoona ufa kai qiaqa.

Eefeesusa 4:25 Referans Kwoze

Aaquqira Ufa 12:22

Yaaweefa unnaqi maria afauru afainara fidiaqaa midanoo. Andeeqara ufa mau fimariasara Yaaweefa asasidanoo.

Roomma 12:5

Maasa miqirausa maridaqa asauku mundiranasaa ootupaqa marunausa moomoosa naadu naadu nipata atiara foora mariasa moodaa qipatara foora mafiqa Yisunaindi maridaqa narisaa narisaa atooaqa maridaqa narisaa narisaa mundiqa mariaqeera.

Eefeesusa 4:15

Maasa sia miqiaqa, maaqiaqa, nariara nariara qimudaoo qimasee ridaqa minaki maridaqa nariara nariara sia unnufa qiaqa, anoona ufa kai qidaqa maasa miqianannai faiqi aanaaqiara foora asauku mundirana maasa qikiaqa amanakai innooqamaree ooru mundufuanaura.

Aaquqira Ufa 12:17

Faiqí moo fannoo andeeqarafa anoona ufa kai qidanoo andeeqara ainaina uqeeraidanoo. Unnaqi mari fasiqafa unna qira ainaina kai uqeeraidanoo.

Aaquqira Ufa 8:7

Qinee qimarunna ufafa kuqaa anoona maridanoo. Qinee unna ufara fidiaqaa midaqa.

Aaquqira Ufa 12:19

Kuqaa anoona ufa qimari afai afaurufa kisaaqasaa maa maqanasaa mariannoo. Unna qimari afai afaurufa qusasaa taikaannoo.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

Titusa 1:2

Mi kuqaa irirafa naaru naaru mariranaki fifandinnanasaa mundinoo mari irirafa maridanoo. Anutufa sia unna qimarifa anoona ufa qimarifa naaru marirana maasa qimiraree qinau. Ooqai maa maqa maaqafa sia maru kamuqoo mi kamuqoo kasooqaqee maasa qimiraree qima afeekaikinau.

1 Timooti 4:2

Unna qimaria fasiqausa kai mi unna ufausa faiqí anaasee Yisuna ufana suqimariasa qimannimiqa nifaranoo. Mi unna qira fasiqausa nári mandoosanara sia qumaara naridanoo nariqa naaqoo irirana doo ida fannoo narinoora foora inoo marifaqa sia ummaara narifaqa nisaurifara.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.

2 Koorinti 7:14

Qinee inniara firaaqoo inni nuqu uqeereeqa Titusana qimamiafannana, innee miqoo kai mina amana kai mariafanoo. Titusafa nidafammaseenoo asasinoo. Maasa maqee maqee ooqai anoona ufa kai inni qimannimi mariqiafana. Miqi kai iqa inniara Titusana qimamiafannufafa doo anoonaikinoo.

Titusa 1:12

Moo Kareetee maqannaa fasiqa fannoo nariqa ufa qidanoo akara rimaru fasiqa fannoo ooqai kuqufa maaqi qimasee narí maqannaasara qimasee akara rinau. Kareetee maqannaasa maqee maqee unna ufa qimariasa maridaqa, kaaqa mandoosana maraidaqa fainiara foora imariasa maridaqa. Kudiki mariasa kaaqa narana moomoo neemariasa maridaqa.

1 Koorinti 10:17

Moodaa feemu kai marina maasa moomoosa ruqi ruqimasee neemarianara moodaara foora maridaqa.

Yoohanee 8:44

Afaanna nikoofa Sadannafa maridanoo. Innee mina faiqi namu maridaqa mina aanna ree mariafanoo. Ooqaindari faiqí kuqannarimarufa maridanoo. Sia anoonufakifau mapukinoo maridanoofau. Anoona ufa sia uqanna minaki marifa maridanoo. Mifa unna ufa qinoo narí oosanamau kai fidanoo. Mifa unna ufa qimarifa maridanoo unna ufa qimariasa nikoofa maridanoo.

Aaquqira Ufa 21:6

Unnaqira aatata marasainna ainainafa sia kisaaqasaa ani faqa mariannoo. Mi ainainafa kai kaqi ani kuqiranaki quqaannoo.

Aaquqira Ufa 6:17

Maa ainainnara fidiaqaa idanoo. Oori uqeeraranara faqa unna qimari afaurunara faqa fifau fidika ruiqee marinara faqa manda oosanara nári iriranaki tipundaari mariana faqa mandainainaki dauni niku ree mariana faqa kootaki unnufa qimariana faqa nári nikaaqaafasaa ummaara nimimaria oosannara faqa Yaaweefa fidiaqaa idanoo.

Idi Ufa 119:29

Anee unnaqira aatata fira oosana ititaqisaa. Aneenna amiqi amiqira nakiqari aneenna sanda ufa daamuaqia.

Idi Ufa 52:3

Ani manda oosanara rirafa amiqira oosanara rimariannana uriqaranoo maridanoo. Ani unna ufa qiranara aidirafa anoona ufa qira aidirana uriaaqaranoo maridanoo.

Rafudoo Akarafa 23:7

Innee sia unna qimasee kootaki aqoonnana kikiqa usua. Sia andeeqarausa numoo siaisa fifau kuqiranaki mara quqannisaa. Qinee Anutusa mi manda ainainna auqainnana kuqa aruanauranoo.

Idi Ufa 15:2

Aiqama ainainaki ani ufa mau fimariasa faqa andeeqara oosana auqee mariasa faqa nári nimuqusa ookiqari anoona ufa kai qimariasa faqa ani naaquqara aaqanasaa marida innaaru qifaranoo.

Aaquqira Ufa 24:28

Anee kootaki oonuree sia aaqarana siaisara unna qimasee rafaaqa fua. Sia ani afauru fannoo unnufa qiani.

Eefeesusa 4:22

Minara innee inneeqa ooqeenaa marirana nirana fatika aqusaaqa inni ooqeenaa marirafa inniqa mareeqeenoo inniqa manda nikaruqira nidiranaki quqasoofaqa miqoo innee inneeqa kai kuridimariafanoo.

Eefeesusa 4:31

Doo maqee aukuana aiqama sukaqara ufa faqa qusufa qimasee darara qirafa faqa naunduraki mari aanooirafa faqa fatika aquaqa. Nariara nariara firaa kari nameera ufasaa niqimariafa faqa aquraree mariannana faqa sia kafaa mariani naundurakinaa nariara nariara fidiaqaa ira irirafa faqa taikaani.

Kooroosee 3:8

Doo maqee afaimma quqaaqa. Maa ainainausa faqa afaimma quqaaqa. Aanooqirana faqa kaukaataqirana faqa aqoonausa nifasaasa qirana faqa aqoonausa niquramaara rirana faqa maqee maqee faiqí fannoo aanaaseera amarauqirana faqa anaasee fannoo faiqiara amarauqirana faqa unna ufa qimasaida narí afasaasa narí afasaasa qira ufa faqa mi ufausa aiqama afaimma quqaaqa.

Heeburu 12:1

Indaaru marusa Anutuna saqarikiusauqaindi maqee maasa qiqafaidaqara foora maridaqa. Maasa maa marirana misa nifusaa narí amani narí amani iqa maridanoo sandeera foora idaqa. Maasa indaaruqaasa nifusaa narí amani narí amanidaqa sandaidaqa moomoosa nifu qiqafaranara iriseeqa qinee uriqararausai kianee qimasee aiqama ainaina qumaararai ainainnara foora maasa mandainaina amiqimasee maasa rakisi qumaree marina afaieeqee maqasaa quqasee doo oori runusee doo oori munduqaannana kai raquramisee doo miqoo kai sanda maqaraasammasee fua.

Yameesa 1:21

Innee inneeqa aiqama manda kudimakira oosana faqa manda nira oosana faqa fatika aqusee mariaqa. Innee inneeqa afeeka minnisee Anutuna aramandunnai madoodoonaqa mariaqa, maridaqa Anutufa narí ufa inni nimuqusaki quqeemarina maraaqa. Mi ufananoo inni asumu maraannoo.

1 Peetooroo 2:1

Innee minara iriseeqa inneeqa mandoosana aiqama fatika aqusaaqa. Unnaqira ufa faqa nikaru qimasee maree mariana faqa qaaraikimari ufana faqa nariara nariara rairaiqimaria ufana faqa aasaandaana qimaria ufana faqa faiqí anaasee niqimaria ufana faqa mi ufausa sia maqee kamu inniki mariani.