Eefeesusa 4:20 - Anutuna Ufa

^20-21 Innee Eefeesusa maqannaasa miqira mandoosana sia asauku mundirana saaqaraana iriafanoo, innee minara irisee Yisuna aiku asauku kambiqafufaqa andeeqara irirana faqaasa inni mina anoona ufa inni qimannimiafaqa irimariafanoo.

Eefeesusa 4:20 Referans Kwoze

Yoohanee 6:45

Ooqai tamummaqara fasiqa maaqi qimasee akara riqau. Anutufa aiqamausa naamuaqira ufa qimannimiannoo. Qinee mi ufana iridaqa maaqi qimasee inni qimannimidaqa. Aiqamausa qini qikoona ufa iriseeqa mina aamua qira ufa irimariasa qinee ianannai anidaqa.

Mataioo 11:29

Qini qumaara qainda dinni qumaree nifaariki rusisee qini dookinaa ufa maraaqa. Qinee reendeenirausa qimuqusa muqufi ubiqarausa maridaqa innee qini ufa oosana marasaifaqa naundura asooarana adooarana nimianaura.

1 Yoohanee 2:27

Qinee inniara iridaqa asauku mundirafa narí ufa inni naakunnimaqoofanoo maridanoo. Mina ufa fannoo inniki maridanoo sia fifau moo fannoo aana inni uqannifiqaannoo. Mina ufa fannoo narí kai aiqama ainaina anoona ainaina faqa unna ainaina faqa rainasee qimannimidanoo sia moo unna qidanoo. Innee Yisuna ufa irisee eedoo kai qiaqa. Miqidaqa asauku mundiranaki kaqi mariaqeera qidaqa.