Eefeesusa 4:17 - Anutuna Ufa

¹⁷ Miqi marianara qinee Pauroosa Karaambaiqa auqusaa inni qimannimidaqa afeekaikamandee kafaa kafaa qimannimidaqa, sia Anutunara aamina maqannaasa naanna raaqa. Misa irirafa fifau faafaumminoo maridanoo. Innee andeeqasee mariaqa.

Eefeesusa 4:17 Referans Kwoze

Roomma 1:21

Misa Anutunara iridaqa sia minara dufi dufi qidaqa, kafaa sia mina auqu uqeeraidaqa. Misa quandaki nári irirafa firaaqoo furufariranaki kai maridaqa misa nitikura fifau maridanoo asukuna kai qumbiqanoo maridanoo.

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.

Kooroosee 2:4

Kuqaa anoona afeeka irirana asauku mundiranasaa maridanoo. Qinee minara irisee maa ufana inni qimannimidaqa. Innee rakisidaqa qafaaqa sia moo fannoo innaarunai fimaria aanara unna qimaseenoo inni nikaru qiandoora mifa amiqimasee naakapainaqa kuqaammifoo qimasee fifoora qimannimidaqa.

1 Peetooroo 1:18

Inni nikeeku nikaaku fifau faafau mandirirana maqeeuna minakinaana inni idukusee mareeqee quqasainara mina akiaqara firaa ainaina maridanoo innee irimariafanoo. Mi feefaurirafa sia koora siruaa miqirafa maridanoo mifa taikee marifa maridanoo.

2 Timooti 4:1

Oo Timooti qinee Pauroosa Anutuna afusaa faqa asauku mundirana kuqirausa faqa kaqi mariasa faqa aaquqimannimaqee marina afusaa faqa doori kandamasee ani faqa aaquqimamaqaidaqa. Yisufa kaifaa kooroomafi aiqamausa rakisianinnanara iriseeqa ani aaquqimamaqaidaqa.

1 Timooti 6:13

Oo Timooti aiqama ainaina aidoo nimimarina Anutuna afusaa faqa, Piratoona oorisaa kooroounafa asauku mundirana Yisuna afusaa faqa qinee aaquqimasee qimamidaqa. Yisuna ufa asaana rumaseenana aiqama eedoo qimasee maraa, mi mau finana ani nirafa marirafa anukarafa sia aaqarafa mariani. Miqi kai ina fifi inana karaambaiqa Yisufa narí qumira aukuana paquria.

1 Timooti 5:21

Oo Timooti qinee Pauroosa Anutuna faqa asauku mundirana faqa naaquqara qangiroouqa faqa misauqa nifusaa qinee doori kandamaseeqa ufa ani qimamianaura. Qinee maqee maa papiqanakinaa ufa qimamunnana amiqimmandee mi mau kai fidana Yisuna ufara suqimariasasaa rakirausa nariqa saika amanakai feefauru nimisee andeeqasee nári aaqarana aiqamausa nifusaa koorooia. Sia moonara qiqoondifee qimasee mina aaqarana kukeeqaisaa, sia moonara aamoondi fee qimasee minaindi akooroo maisa. Aiqama misoo maasoo moodaanaki kammasee rakisinnimaqaa.

1 Teesaroonika 4:6

Sia inniki moo fannoo miqinoo narí aqoonausee moo maqannaasee mandaikamma nimaqaani. Ooqai maasa inni qimannimiafannana maqee kafaa aaquqimannimaqaidaqa Karaambaiqa fannoo mi umuarira oosannara narirafa maridanoo.

Kooroosee 2:18

Faiqí akaqausa qummaararara ufannai inni rafaaqa firaree qifaqa sia mi ufana iriaqa. Misa fifau inniara unna qimasee maasa daanna reeqa kaaqa nisaunaasauriqa nuaqee qiqa misa inniara unna qimaseeqa qangiroouqara nimooqiaqee qidaqa miqi qifaranoo. Misa qainamasee náriara Anutuna ufa iriseeqee qimasee inni rafaaqafifara. Miqira fasiqauqa fifau nári nifaaqa nimooqi mariasa maridaqa. Misa nári manda marirana fannoo nári uqannifiqee marifaqa miqimariafanoo.

Eefeesusa 4:22

Minara innee inneeqa ooqeenaa marirana nirana fatika aqusaaqa inni ooqeenaa marirafa inniqa mareeqeenoo inniqa manda nikaruqira nidiranaki quqasoofaqa miqoo innee inneeqa kai kuridimariafanoo.

Eefeesusa 1:22

Anutufa aiqama ainaina mareeqeenoo asauku mundirana aramandunnai quqaseenoo mina mareeqeenoo Yisuna ufara suqimariasa nikiaqasaa quqasaifanoo aiqama ainaina uriqarara karaambaiqa maridanoo.

Karatia 5:3

Qinee kafaa qimannimianaura afeekaikammasee qimannimianaura moo fannoo inniara Yuda maqannaasa fainanduquaqee qinaqa fainanduquseeqa Mooseena sandufa ameemaanai doo minaki oonuraafanoo sia Yisuna namufaqa fuaqa mi mau kai fuaqa.

Karatia 3:17

Qinee Pauroosa minara maaqi qidaqa Anutufa Abarahaamana narufa amiseenoo doo qinee mi mau kai fuanaureeqimasee qimafeekaikinau. Miqooqari (430 aukuana) aukuana moomoo uqanna aiqara mafufanoo Mooseena sandufa fannoo kasooqaqee innaaqiana kambiqafinoo sia amana Abarahaamana qimamu ufana rafaaqafuannoo kaqi mariannoo.

2 Koorinti 9:6

Moodaa asumu ummaqimarifa moodaa kai aiquannoo moomoo ummaqimarifa moomoo aiquannoo. Qinee Pauroosa minasaaqari inni dadaaqira oosanara maaqi qidaqa.

1 Koorinti 15:50

Oo qini qikaqaafasaa qini Pauroosa ufa anoona maaqimminoo maridanoo. Faiqí nimaqi faqaasa faqa fidika faqaasa faqa sia Anutuna ququsaki keeqafifanoo naida nimiannoo. Ufaasu maqasaa ainaina faqa sia amana naaru marirana maraannoo.

1 Koorinti 1:12

Misa akooqoo qimaqimiafaqa doo qinee akooqoo inni qimannimianaura. Inniki naadu naadu moona ufa iriqa moona ufa iriqa ufa moo qimariana qambaanai raiqarafa aaqarafa maridanoo. Moo fannoo qinee Pauroona aiku asauku marunausee qiafanoo moo fannoo qinee Apooroosana aiku asauku marunausee qiafanoo moo fannoo Peetooroona aiku asauku marunausee qiafanoo moo fannoo asauku mundirana aiku asauku maridee qimasaida miqira raiqara ufa aaqarafa maridanoo.