Eefeesusa 4:12 - Anutuna Ufa

¹² Anutufa sia fifaufau mi dadaaqira afeekana niminau, faiqí anaasee Yisuna ufara suqimariasa Yisuna afaaqara foora afeekaikamasee mariaqeera mi dadaaqira afeekana oosana oosana maasa qiminoo qinau, innee maa dadaaqira afeekana marasee minannai qini ufara suqimariasa afeekaikamannisaaqee qinau.

Eefeesusa 4:12 Referans Kwoze

Eefeesusa 4:16

Asauku mundirafa narí ufa ameemaanai mariasa rakisimarifaqa misa minara maasa qikiaqa fee qidaqa. Faiqí afaaqa sia moodaa ainaina maridanoo oosana oosana afaaqa ati fannoo aadu aadu ainaina akoofasaikirana moodaanaki ootupamafifanoo moodaa fasiqa maridanoo. Asauku mundirafa maasa qikiaqa marifa maasa rakisimarifaqa maasa faqa miqi kai iqa faiqí afaaqa fooqaana aadu aadu akoofasaikirausa moodaanaki ootupanoo marifaqa maasa qikiaqa Yisunasaa atooaqa maridaqa mina afaaqaikiqa maridaqa. Maasaki aiqamausa naadu naadu nariqa saikirana andeeqasee maridaqa sia nariara nariara nikooqaani nariara nariara rinnanannai moodaanaki innooqafinoo amiqimmandee kambiqafi fuannoo.

1 Koorinti 12:27

Qinee Pauroosa inni Koorinti maqannaara qidaqa innee Yisuna ufara suqimariasa aiqama asauku mundirana afaaqara foora mariafaqa aiqama mina afaaqasaa afaaqa fannoo narí amaaqa narí amaaqaki kai mariafanoo.

Roomma 15:14

Oo qini qikaqaafasaauqa qinee Pauroosa inni Roomma maqusai mariasara qidaqa. Qinee inniara amiqirafa faqa irirana faqa qumbiqarausee qidaqa innee Roomma maqusanaasa amiqira irirana narí uqafiqee narí uqafiqee qimariasa amana mariafanoo.

1 Koorinti 14:26

Oo qini qikaqaafasaauqa, maa qinee qunna ufana anoona koorooianaura. Innee innaaru qiraree qimasee suqidaqa moo fannoo idi moo oosana araannoo moo fannoo naamuaqira ufa oosana araannoo, moo fannoo Anutunaindaraa ufa irisee qimannimiannoo moo fannoo aanaamuru ufakiqari qimannimisainanoo moo fasiqa maraquna fannoo dadaaqinanoo mi ufana anoona kooroomannimiannoo. Aiqama ainaina Yisuna ufara suqimariasa dadaaqirafa kai mariani.

Roomma 14:19

Maasa minara irisee Yisuna aiku asaukuki nidaqa maasaki asooarana faqa narí afeekaiki narí afeekaikiqa Anutuna ufamau fuaqee qimasee mi mau fuaqa.

1 Timooti 1:12

Qinee mi saikanaki nimariafananoo maasa karaambaiqa asauku mundirafa qini ainainirana amana kai qimunara dufi dufi qidaqa. Mifa qiniara mi ainainirana amanaikammi ifoo qimaseenoo mara quqaqaisa maridaqa minara faqa maasa karaambaiqa asauku mundirana Yisunara dufi dufi qidaqa.

1 Koorinti 14:12

Innee Koorinti maqannaasa kaaqa Anutuna maraquna fannoo nimimari afeekanara kai firaaqoo rimariasa mariafanoo. Mi afeeka iriranakiqari maanara kai afeekaikiaqa. Yisuna ufara suqimariasa misara dadaaqiqa firaaqoo uqeeree maria ainainnara kai nidinaqa uqeeraaqeera qidaqa.

Heeburu 13:17

Innee inneeqa uriqararausa qinnandee kai iaqa. Misa Anutuna saika maraidaqa inni nimanara maqee maqee rakisidaqa. Anutufa kasooqaqee misa innisaa rakisiranara iraannoo. Innee misa ufara eedoo qifaqa misa asasammasee mi ainainnammifaranoo. Innee misa ufa rukiaifaqa misa nifaaqa qumooqukidaqa nikoo nikaa ifaranoo. Misa nikoo nikaa idaqa sia inni dadaaqifaranoo.

Heeburu 6:1

Maasa sia maqee marunnaqoo oosanaki kai maria, maqee doori mundusaannaqoo qambaanaira foora fua. Yisuna ufaki oosana ainaina aanaaqi kimarunnana inaaqiannai mafi quqasee doo maqee oorisaa fuanaura. Maasa qeeqa fifau aaqara oosana kadaapiriranannai innaarunai firaree qimarunnana mina minniseeqa Anutunasaa mundufuafannana doo maasa minara irimarunafa maridanoo. Nammari nimirana faqa asauku nikiaaqa mundusee nifaaqooqa qirana faqa kuqiranakiqari findifirana faqa naaru naaru idaki fimariana faqa doo irimariafanoo. Sia kafaa kafaa aanaaqiara foora naamma kai naidara foora ooqai iri maru ainainara kai kaifaa kaifaa minara kai iriaqa. Anutufa dadaaqimarinaqa maasa noorisaa findifinaqa indaaruara foora fidaqa maqee maqee Anutuna ufakinaana fuka iriseeqa mi mau fuanaura.

2 Koorinti 6:3

Akaqausa maasa inniki saikiranara aaqeeaafoo qifoora maasa qeeqa rakisidaqa inni niku nimaarusirafa mariandoo qimasee eerairidaqa.

2 Koorinti 5:18

Mi aiqama anainausa Anutufinaindari kai anidanoo, maasa namuqaakiqa mariafannana narí asauku mundiranannai maasa mareeqeenoo narí faqa moodaanaki quqeenoo kafaa maasara innee quandaki faiqí anaasee oonu mareeqee qini faqa moodaanaki quqaaqee qinoo.

Ruka 22:32

Oo Simoona qinee aniara innaaru qimaseeqa anee qini saqarikirafa sia taikaani. Anee kaqirunna oonureenana oonu quandakinana aneenna akaqaafasaauqa pooduamannisaa, qufanoo Peetooroofa qinau.

2 Timooti 4:5

Timooti misa miqimarifana anee aneenna kasoomambi ubiqafinana misa ani ariranee aupuraranee amimarifana kaqi kai fua. Amiqira fasaasa ufa naamuaqira saika maqee maqee marana fua, anee aneenna aiqama saikaki maridana Anutuna ainainira faiqi maridaqee qimasaidana marana fua.

Kooroosee 4:17

Arakipusafa karaambaiqa ufa irimarifa maridanoo. Innee afeekaikamasee qimamia. Anee sia qumooqukidana aunduaria. Afeekaikamasee auqa. Innee miqi qimaseeqa Arakipusana qimamiaqa.

Kooroosee 1:28

Maasa maa namusa asauku mundiranara aiqamausa qimannidaqa. Maasa aiqama fasiqa anaasee aaquqimannimaqaidaqa naamuaqidaqa amiqira iriranannai asauku mundiranasaa atooqeemariasa sia faiqi aanaaqiara foora iaqeera faiqí firaasara foora mafiqa Yisunaki mapukusee mariaqeera qimannimidaqa.

Kooroosee 1:24

Qinee Yisuna aufakiana qimannimunnanara minara qinee Roomma maqannaa rumbaranaki maridaqa, innisaara faqa rumbaqa maridaqa. Qinee sia minara doori runidaqa, doori quqasee asasida maridaqa. Yisufa narí aiku oosana mariasara aunirira saqarisaa aupurarana maranau. Mina aupuraranaki qinee faqa keeqeeqa ookaamambiqa rumbaqa maridaqa aupuraidaqa Yisunaindi fee qimasee kaqi asasidaqa.

Eefeesusa 1:23

Yisuna ufara suqimariasa Yisuna adakara foora maridaqa, aiqamai mariainainafa qumbiqeemarifa narí adakaki Yisuna ufara suqimariasaki firaaqoo maridanoo.

2 Koorinti 12:19

Innee mi ufana iriseeqa qiniara maaqi qifaranoo. Pauroofa narisaa faqa narí faqa marinausa faqa misasaa faqa ititaidanoo miqidanoo fee qifaranoo. Maasa sia miqianaura, asauku mundirafa maasara qundee kaimmidaqa. Qini qifaaqasaa qiqoondiuqa maasa Anutuna afusaa maridaqa aiqama ainaina auqeemaria ainaina inni dadaaqidee qidaqa auqaidaqa.

2 Koorinti 7:1

Oo qini qiqoondiuqa, mi qimafeekaikira ufausa tamummaqarausannai qimaqo̱o ufausa maasara qinau. Minara irisee innisaimbaqa oosana oosana qikairi qifaaqasaaqaraanee daunuraindaraanee aiqama findaukamaqusee Anutunara rufiaida daaquqee marinaqa andeeqasee anukaranaki mariaqa.

2 Koorinti 4:1

Anutufa maasa mandoosana akiaqara dariraru sianoo narí nifauarana qimisaifanoo marinara maasa namu Yisuna aufakiana qimannimiranaki quqaqisaifaqa nidaqa sia nikoonikaa idaqa sia kudoosaapaidaqa.

1 Koorinti 14:14

Maraquna fannoo dadaaqinaqa sia iria ufanakiqari innaaru qiananoo qini qimana fannoo kai kuqaa innaaru qiannoo qiqa irirafa sia innaaru qiannoo.

Roomma 15:29

Qinee inni Roomma maqannaa iannai oonuree maa ainainnara iridaqa. Qinee asauku mundirana afaaqooqa qiranasaa fidaqa mina amiqi amiqirana inni nimianaura.

Roomma 15:2

Maasa naadu naadu qeeqa qikaqaafasaa narí Yisuna saqarikirana dadaaqiananoo afeekaikiani. Sia aneennara iria, aneenna akaqaafasaa amiqi amiqianifeera minara irisee dadaaqia.

Roomma 12:7

Anee dadaaqimarianafa akoofasa maridana doo misa dadaaqia. Anee ufa akoofasa maridana doo mina ati qimannimia.

2 Timooti 4:11

Rukaafa sia rumbaranaki marifa kaqi marifa mifa kai qini faqa maridanoo. Anee Marikoona afiqee minisainanoo Anutuna saika qini dadaaqiani.

Eefeesusa 4:29

Sia putaa ainaina afunda ainainara ufa qiaqa, faiqí anaasee pooduqamannimaqaida dadaaqimaria ufana kai qimasaifaqa misa iriseeqa amiqirana adiafaairana mareefaranoo.

Eefeesusa 4:4

Maasa Yisuna ufa irimariasa moodaa nifaaqara foora maridaqa, Anutuna maraquna faqa moodaa maridanoo Anutufa moodaa ainainara afeesiranaki inni rarisama quqeenoo.

2 Koorinti 13:9

Maasa qeeqa kudoosaapaida inneeqa afeekaikifaqa maasa mina qafammasee asasianaura. Innee amiqimandee andeeqarausaikamambi mariaqeera innaaru qidaqa.

1 Koorinti 12:7

Anutufa Yisuna ufa irimariasaki aiqama fasiqa anaasee naadu naadu narí maraquna koorooianifee afeekana nimufaqa quandaki minannai narí dadaaqi narí dadaaqiaqeera nimidanoo.

Roomma 12:5

Maasa miqirausa maridaqa asauku mundiranasaa ootupaqa marunausa moomoosa naadu naadu nipata atiara foora mariasa moodaa qipatara foora mafiqa Yisunaindi maridaqa narisaa narisaa atooaqa maridaqa narisaa narisaa mundiqa mariaqeera.

2 Koorinti 13:11

Qini qikaqaafasaa doo maqee akara taikaanaura. Innee kaaqa andeeqaranara afeekaikamasee marararee qimariasa mariafanoo, qini ufa qunnana amiqimasee iriaqa, sia nariara nariara rairaiqiaqa, moodaanaki maridaqa asooaranaki mariaqa. Faiqí aanaaseera nimuqusirana nimimari Anutufa faqa naundura asooarana nimimari Anutufa faqa inni faqa mariani.