Eefeesusa 4:11 - Anutuna Ufa

¹¹ Mifa kaqi nimira dadaaqira afeeka faiqí anaasee niminau, mi dadaaqira afeekafa ainainirana akoofasaikiaqee qimasee akaqausee niqiqoo fasiqausa akoofasaikirana niminau, akaqausa faiqí anaasee qimannimirana akoofasaikirana niminau, akaqausa aamina maqannaasa qimannirana akoofasaikirana faqa paatoo saika akoofasaikirana faqa ufasaa rakisirana akoofasaikirana faqa niminau.

Eefeesusa 4:11 Referans Kwoze

Eefeesusa 2:20

Doo maqee sia Yuda maqannaa kai, innee faqa maaqara foora usakafifanoo asauku mundirafa Yisufa narí uqanna faakana miqirafa marinanoo Yisufa niqiqoo fasiqausa faqa Anutuna tamummaqara fasiqauqa faqa maaqa atunara foora marifanoo innee faqa maaqa asaanara foora misasaa faqa Yisunasaa faqa atukaramambiqa mariafanoo.

2 Timooti 4:5

Timooti misa miqimarifana anee aneenna kasoomambi ubiqafinana misa ani ariranee aupuraranee amimarifana kaqi kai fua. Amiqira fasaasa ufa naamuaqira saika maqee maqee marana fua, anee aneenna aiqama saikaki maridana Anutuna ainainira faiqi maridaqee qimasaidana marana fua.

Mataioo 28:20

Aiqama ufa qimannimiafannana misa faqa mi ufana aiqamausa uqanna qimannimifaqa iriseeqa mi ufana qumaraaqeera, mi ufanamau kai fuaqa. Innee maqusa maqusa fifaqa qinee faqa qumee inni faqa fuanaura. Innee miqi marifaqa qinee qumee kai inni faqa nuanaura. Sia inni mininnisaanaura kasoo innaaruna faqa maqa faqa taikara aukuana inniqa saimbaqa moodaanaki kianaura.

Eefeesusa 4:8

Ooqeenaa tamummaqara fasiqa asauku mundirafa dadaaqira afeeka qimianinnanara maaqi qimasee akara rinau. Mifa rakira karaambaiqara foora maridanoo namuqaa maqusaki ititasee misa narusee faiqí moomoo karabusa rumbasee misa ainaina faqa indaa mamaree nifiqamaree meerai narí maqusai oorureenoo narí maqannaasa qimannimifaqa mina amooqiafanoo ainaina raina niminau.

Eefeesusa 3:5

Ooqai narí kukeeqara irirana Anutufa sia kooroo inau, doo maqee narí maraqunannai amiqira niqiqoo fasiqausa faqa tamummaqara fasiqauqasaa faqa qimanniminoo.

Roomma 12:7

Anee dadaaqimarianafa akoofasa maridana doo misa dadaaqia. Anee ufa akoofasa maridana doo mina ati qimannimia.

Heeburu 5:12

Innee faqa maqee faiqí uqannifiqaaqaana. Innee Anutuna akarakinaa ufa oosana ainaina faqa sia amiqimasee iri mariafanoo. Innee moosa qimannimiaqaaqoo sia amanaiki mariafaqa moosa inni qimannimidaqa. Innee ooqai narana uqanna naaqaana mariafanoo innee naamma naidara maqi kaimmimariafanoo sia innooqarausara foora mariafanoo.

Uqafiqoo Ufafa 18:20

Mi qangiroofa miqi qimaseenoo quandakufanoo Anutuna aiku asauku Babiroonia maqusara qimanniminau. Innee innaarunai mariasa faqa Anutuna aiku asauku faqa Yisufa niqiqoo fasiqausa faqa Anutuna tamummaqara fasiqauqa faqa innee aiqama asasiaqa. Mi maqusafa inni nári ifa mina akiaqara Anutufa maqee mi maqusana arifanoo kuridinoo asasiaqa.

Uqafiqoo Ufafa 21:14

Mi ooni faandaamurana oosanaki qisauku qara taikasee qikunni ooqu qaara marasee firaa ooniuqa marinau. Mi oonisasaa sipsipa aanaaqi Yisuna aiku asauku qisaukuqara taikasee qikunni ooqu qaara marasee marusa nuqu mi oonisasaa akara rinoo marinau.

Yudeesa 1:17

Oo qini qiqoondiuqa karaambaiqa Yisufa asauku mundirana mina faiqi namu ufa qimannimiqoona sia aunuaqa.

1 Koorinti 12:4

Oosana oosana innaarunaindaraa ainaina faiqí anaasee dadaaqianifeera nimirafa marifanoo moodaa maraquna fannoo kai aiqama mi aiqama ainainna maqasaa fasiqa anaasee nimidanoo.