Eefeesusa 3:5 - Anutuna Ufa

⁵ Ooqai narí kukeeqara irirana Anutufa sia kooroo inau, doo maqee narí maraqunannai amiqira niqiqoo fasiqausa faqa tamummaqara fasiqauqasaa faqa qimanniminoo.

Eefeesusa 3:5 Referans Kwoze

Yudeesa 1:17

Oo qini qiqoondiuqa karaambaiqa Yisufa asauku mundirana mina faiqi namu ufa qimannimiqoona sia aunuaqa.

Eefeesusa 2:20

Doo maqee sia Yuda maqannaa kai, innee faqa maaqara foora usakafifanoo asauku mundirafa Yisufa narí uqanna faakana miqirafa marinanoo Yisufa niqiqoo fasiqausa faqa Anutuna tamummaqara fasiqauqa faqa maaqa atunara foora marifanoo innee faqa maaqa asaanara foora misasaa faqa Yisunasaa faqa atukaramambiqa mariafanoo.

Eefeesusa 3:9

Anutuna ooqai kukeeqara irirafa maqee kooroommasee faiqí anaasee amiqimmandee iriaqeera faqa qini minaki faqa quqaqisaifaqa maridaqa. Anutufa aiqama ainaina auquqoofanoo marufa miqooqari moomoo aukuana narí kukeeqara irirana Yisunara kisaaqasaa rafaaqafuqoofanoo marinau.

Ruka 10:24

Qinee inni qimannimidaqa ooqai tamummaqara fasiqauqa faqa karaambaiqauqa faqa innee maqee qafeemaria ainainausa faiqí sia amanaikimaria ainainausa faqa qafaaqaa imarufaqa sia qafaqau, misa innee maqee qini ufa irimaria ufausa iriaqaa imarufaqa sia iriqau.

Yoohanee 14:26

Inni fuka dadaaqirafa naaquqara maraquna qini qikoofa kasooqaqee nimianinnafa mifa aiqama ainainara qimannimiannoo. Qinee faqa aiqama ufa qimannimiafannana mifa minara inni naaqoo auqainaqa oonumafi irifaranoo.

Mataioo 13:17

Qinee anoona ufa inni qimannimidaqa. Tamummaqara fasiqauqa faqa reendeenirafa andeeqara fasiqauqa faqa misa ooqai maridaqa innee maqee maqee qafeemarianara kaaqa nimuqusufaqa minara qafaaqaa kaimmasee sia qafaqau. Misa innee maqee qini ufa irimariana kaaqa nimuqusifaqa iriraree qimasee iriaqaa kai qimariqau. Sia iriqau.

Roomma 16:25

Doo maasa Anutuna areenarana amia, Ooqai oosana aroonakiqari kukeeqara anoona ufa Isaraee maqannaasa faqa aanaamuru maqannaasa faqa Anutufa asumu mariranaki quqaaninna ufana kukeeqanoo mariufa maqee Yisunaki koorooinoo maridanoo. Mi kooroo ira ufafa inni Yisuna saqariki mariana minaki inni amana mapuku nimaqaannoo. Amiqira fasaasa ufa asauku mundirana Yisunara qinee qimannimiqa nunnana, inni Yisuna saqarikirana mi ufanasaa mundinoo maridanoo. Amana Anutufa inni Yisunaki saqarikirana mapukusee quqannisaanoo.

Yoohanee 16:13

Miqimarianara kuqaa anoona ufa qira maraquna fannoo qumureenoo inni mareeqeenoo anoona ufa mariranaki mara quqaannoo. Sia mi maraqunafa narí kai ufa qimannimiannoo qini dookinaana kai irinoo inni qimannimiannoo. Mifa kasooqaqee kambiqaaninna ainainara tamummaqasee iriseenoo inni qimannimiannoo.

Mataioo 23:34

Yisufa kafaa Farisai amaana ufa qimarusa qimanniminau. Qinee tamummaqara fasiqauqa faqa Anutuna ufa irimariasa faqa Anutuna ufa uqannifiqeemariasa faqa qinee marunannai mariasa innee iannai niqiqaanaura. Innee misa nindafamaseeqa akaqausa aunirira saqarisaa narifaranoo. Akaqausa innee inni amaana maqaki raitasaa qainna ateekasaida rumbeeqoo samunannai nitaufakaaqa nariisaifanoo fidika radiqinoo qumuannoo. Akaqausa maqusa maqusa nifaqasaifaqa sandeefaranoo misa fidika faqa inni nikeeku nikaaku narusa misa fidika faqa inniki marianifeera, ooqai indaaru Abeerana fidika fifau kaqinni adianau. Miqooqari anidanoo moomoosa fidika fifausaqa adianoo ani ifanoo Seekariaafa Barakiana amaaku Yeerusaree amaana maqaki Anutuna naaquqara oosirana dinni marufanoo dinni qainda marufanoo, mi qambaanna fifau arusoofanoo kuqinau. Mi kamusaqa fidika moomoo fifau adianoo maridanoo.

Ruka 11:49

Anutufa minara iriseenoo narí iriranannai maa ufana qinau, qini tamummaqara fasiqauqa faqa qini ufa mara nimimariasa faqa Isaraee maqannaasa mariannai niqiqaifaqa misa akaqausa kuqa narusee akaqausa aupurarana nimifaranoo.

1 Koorinti 2:10

Qinee Pauroosa minara maaqi qidaqa. Maasa inni saimbaqa Roomma maqannaasa namufaqa Anutufa narí maraqunannai narí ooqai kukeeqara irirana qiminau. Anutuna maraquna fannoo aiqama ainainara randasee aiquqummasee qafaidanoo. Sia akooqoo ainaina kai qafaidanoo Anutufa naaru kambiqaaninna kukeeqara ainaina farumara foora unaurinoo marina mina faqa aiquqummasee irimarifa marunara Anutufa narí ooqai kukeeqaqoo irirana inni saimbaqa qiminau.

Mataioo 20:7

Misa iriseeqa qiqau. Faiqí moo fannoo sia qifaqa maasa mareeqa kaqi maridaqa. Miqi qimamufanoo mifa misa faqa narí ainainai nifiqee finau.