Eefeesusa 3:21 - Anutuna Ufa

²¹ Yisuna ufara suqimariasa nariqa asauku mundiranasaa atooaranannai Anutuna amooqirafa maqee kamuqoo faqa naaru naaru faqa mariani.

Eefeesusa 3:21 Referans Kwoze

Yudeesa 1:25

Moodaa Anutufa maasa asumu maree marifa. Maasa karaambaiqa Yisufa ani asauku mundirafa minannai maasa amooqirana qimamidaqa afaaqa areenarana faqa uriqararana faqa afeeka faqa aiqamausa aniara naaquqarana faqa anindi maridanoo fee qidaqa amooqidaqa. Ooqai indaaru anindi marinau maqee anindi maridanoo naaru naaru anindi mariani. Kuqaa.

Roomma 11:36

Naqimasee moo fannoo Anutuna moo ainaina amiannoo fee narí kai aiqama ainaina auqufa minaindi kai maridanoo. Aiqama ainaina minasaa qaraafa kai afeekaikinoo maridanoo. Aiqama areenarafa naaru naaru Anutunaindi kai mariannoo. Kuqaa.

2 Peetooroo 3:18

Maasa Karaambaiqa maasa asumu maree marifa asauku mundirafa Yisufa mina amiqira marirana irirana minaki kai fidaqa maqee maqee innooqaaqa. Maqee faqa naaru naaru faqa mina amooqira ufa mariani. Kuqaa.

1 Peetooroo 5:11

Aiqama afeeka rakisinnimaqarafa naaru naaru minaindi mariannoo. Kuqaa.

Idi Ufa 72:19

Mina areenara auqu naaru naaru amooqiaqa. Maa maqa maaqanakina aiqamai mina qareenarafa qumbiqanoo mariani. Kuqaa uqanna.

Firipi 4:20

Maasa Anutufa maasa qikoofa mina amooqirafa naaru naaru mariani. Kuqaa.

Roomma 16:27

Moodaa mari Anutufa naríara aiqama ainainara irimarifa, mina asauku mundirana Yisunannai naaru naaru areenarafa minaindi mariani. Kuqaa.

1 Peetooroo 2:5

Inneeqa eedoo qimasee Anutuna asaukuki inneeqa nifaaqa quqasaifanoo faakana namufaqa rakiqasee usakasainanoo faiqí naunduraki anoona amaana maqa kambiqaani. Kambiqainaqa innee minaki Anutuna aanaiqi kirausaikamambi marifaranoo. Maridaqa Anutuna aidirana tatufirana suqa amidara foora amiqira irirana marirana amooqirana amifaranoo. Asauku mundirana Yisunannai miqifaranoo.

Heeburu 13:21

Anutufa asooarana faqaafa innee mina iriranamau fifandinna oosana akoofasaikirana inni niminaqa fuaqeera. Anutufa asauku mundiranannai maasa faqa mareeqeenoo narí aidira oosanaki narí iriranamau firanaki quqannisaani. Aiqama amooqirafa faqa kaaqa areenarafa faqa asauku mundiranaindi naaru naaru mariannoo. Kuqaa.

Karatia 1:5

Anutuna areenarana faqa amooqirufa faqa naaru naaru amimariani, doo miqiani.

2 Timooti 4:18

Karaambaiqa fannoo oosana oosana mandainainakinaana qini mareeqeenoo narí innaaruna ququsaki amiqimasee quqaqisaannoo. Mina areenarafa naaru naaru mariani, kuqaa.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

Ruka 2:14

Innaarunai sandaaqaindaraa Anutuna amooqirana amia, maqasaaqaraasakiqari Anutufa aidimarisaki naundura asooarafa misaki mariani.

Idi Ufa 115:1

Oo Yaawee sia maasa duqusaa qareenarafa mariani. Ani auqusaa kai qareenarafa marani. Ani sia taikaanina amuqusirafa faqa ani mapukusee marira oosana faqa marinara qareenarafa ani auqusaa mariani.

Eefeesusa 2:7

Sia Anutufa fifau miqinau, narí firaa afaarirana faqa, maasa asauku mundirana Yisunaki keeqarana qafamaseenoo narí firaa aidirana amuqusirana faqa naaru kambiqainausa uqannifiqarara miqinau.

Mataioo 6:13

Sia anee maasa rarisameeqeenana afeeka nimaniraqoo quqaqisaa. Manda fasiqa asaukuki marunnana anee Anutufa uqeereeqee kaqinni amiqiraqoo quqaqisaa.

Eefeesusa 4:1

Qinee Pauroosa karaambaiqa Yisuna ainaini marunnana akiaqara Roomma maqannaa karabusaki maridaqa. Qinee karabusaki maridaqa inniara afeekaikamandee qimannimidaqa. Anutufa inni naaramasoofaqa innee asauku mundirana saqariki maru kamuqooqari inneeqa nirana mariranara andeeqasee marianifee qimasee inni naarama minaki quqeenoo. Inneeqa marirafa mina amanakai marianifeera qinee qeeqa qimuqusa ookiqari afeekaikamandee qimannimidaqa.