Eefeesusa 2:22 - Anutuna Ufa

²² Innee aanaamuru asauku mundirana saqariki mariasa faqa aiqamausa Yisunaki mariasa faqa Anutufa inni qumareeqeenoo maaqara foora usakaseenoo narí maraqunannai mi maqanaki inniki mari maqafa maridanoo.

Eefeesusa 2:22 Referans Kwoze

1 Koorinti 3:16

Innee maana iridee sia fee iridee innee Yisuna ufara suqimariasa Anutuna amaana maqara foora mariafanoo, Anutuna maraquna fannoo narí maaqara foora inniki maridanoo.

1 Yoohanee 4:16

Anutufa maasara amuqusirana maasa qeeqa minara iridaqa kuqaa fee qimasee minasaa mundidaqa. Anutufa nimuqusirana anoona marinara yafa yafee nariara nariara andeeqara amuqusiranaki marifa mifa Anutunaki faqa marifa maridanoo, kaifaa Anutufa minaki maridanoo.

1 Yoohanee 4:13

Maasa maaqi qimaseeqa Anutunara kuqaa maasaki marifaqa maasa minaki maridee qianauranoo. Mifa narí maraquna maasa qimunara maasa minaramma irianaura.

1 Yoohanee 3:24

Yau yausee Anutuna naakapara ufamau fimarinausa misa Anutunaki marifanoo kafaa Anutufa misaki maridanoo. Anutufa narí maraquna nimiqoona minara Anutufa maasa daunduraki maridanoo fee qidaqa.

2 Koorinti 6:16

Naqimmasee Anutuna amaana maqaki mariasa faqa tumunnai auqira afaanna faqaasa faqa moodaanaki kifaree, sia amana. Maasa kaqi marira Anutuna amaana maqara foora maridaqa. Anutufa minara maa anoonufana tamummaqara fasiqa qimamufanoo akara rinau. Qinee qeeqa maaqa misaki usakasee marianaura. Qinee misa Anutusa marianaqa misa qini qiku qisauku marifaranoo.

1 Koorinti 6:19

Innee sia fee maanara iridee, innee doo irimariafaqa qimannimidaqa inni nifaaqa Anutuna naaquqara andeeqara maraquna amaana maqa miqirafa maridanoo. Anutufa narí maraquna innikina quqasoofanoo marinara innee inneeqa nifaaqa Anutuna amooqira mariranaki quqasaifanoo mariani. Inni nifaaqa sia innindi maridanoo.