Eefeesusa 2:17 - Anutuna Ufa

¹⁷ Miqi marunara asauku mundirafa narí amiqira asooara fasaasa ufa maree qumureenoo innee Anutunasaaqari nianai maria anaamurusa faqa Yuda maqannaa Anutuna aaqa mariasa faqa qimanniminau.

Eefeesusa 2:17 Referans Kwoze

Roomma 5:1

Maasa qeeqa irirana Anutunasaa rusiseeqa marianara doo maqee sia Anutuna aranaqaranaki aanoo iranaki maridaqa Anutufa narí andeeqaranaki quqaqisoofaqa minara doo maqee mina asooaranaki amiqiranaki maridaqa. Anutuna asauku mundirana maasa karaambaiqa Yisufa minannai kai mi asooaranaki maridaqa.

Idi Ufa 148:14

Mifa Yaaweefa narí maqannaasa afeekaikamma nisaifaqa mina faiqi anaasee mina amooqiaqeera. Isaraee maqannaasa mina afaaqasaa aqoondiuqa maridaqa mina amooqidaqa. Yaaweena amooqia.

2 Koorinti 5:20

Doo maqee maasa asauku mundirana aanaiqikirausara foora maridaqa maasasaaqari Anutufa aiqamausara nameera qidanoo. Maasa asauku mundirana ufa inni Koorinti maqusanaasa fuki faaki qidaqa innee Anutunara eedoo qifanoo mifa inni namuqaakiranakiqari quandakinoo inni aqoondikamma nimaqaani.

Ruka 2:14

Innaarunai sandaaqaindaraa Anutuna amooqirana amia, maqasaaqaraasakiqari Anutufa aidimarisaki naundura asooarafa misaki mariani.

Mataioo 10:13

Mi maqanakinaasa amiqi amiqifana ani ufa sainanoo misa faqa mariani. Sia amiqi amiqifana aneenna afaaqooqa qira ufa oonurandee maree ania.

Idi Ufa 85:10

Miqimmafinanoo Anutufa maasara aidirafa faqa maqasaa qaraa fasiiqa mapukusee marira oosana faqa moodaanaki kifaranoo. Yaaweena andeeqara oosana faqa maqasaaqaraasa asooarafa faqa narí difaa difaa narí difaa difaa ifaranoo.

Idi Ufa 75:1

Oo Anutu, maasa aniara dufi dufi qidaqa ani auqu uqeeraidaqa. Maasa anee uriqararafa mariannanara kooroommasee qimannimisee kaifaa anee naaquqara uriqarara ainaina auqoonnanara faqa aiqamausa qimannimidaqa.

Roomma 10:14

Naqimasee faiqí anaasee karaambaiqara sia irirana minasaa rusimarinausa aareefaree sia amana aareefaranoo. Sia karaambaiqara irimariasa naqimandee fee irirana minasaa rusifaree. Moo fannoo oonu qimanniminaqa irifaranoo sia oonuree qimannimifaqa sia irifaranoo.

Ruka 15:8

Moo anaasee fannoo qisaukuqara taikasee siruaa munnimma firaana maqee inanoo moodaafa maaqaki furufaramafinanoo mi anaaseefa naqi fee iannoo, mi anaaseefa qooma qumbisee damuna maraseenoo maaqaki aiqamai damunidanoo aiqama atinai amiqimasee randanoo ni ni inanoo paqurimaseenoo maraannoo.