Eefeesusa 2:16 - Anutuna Ufa

¹⁶ Asauku mundirafa narí aunirira saqarisaa kuqunannai Yuda maqannaa faqa aanaamuru faqa nariara nariara fidiaqaa imaruna aru taikanau, narí aunirira saqarisaa kuqunannai Yuda maqannaa faqa aanaamuru faqa rakimaruna taikaseenoo Yisufa mareeqeenoo mafi moodaanaki quqaseenoo mareeqeenoo Anutuna aanooqirana taikaseenoo narí akoona Anutunaki asooaranaki quqanau.

Eefeesusa 2:16 Referans Kwoze

Roomma 5:10

Maasa Anutuna namuqaa marufanoo mifa narí amaaku maasa mandainaina arirana maroonara iriseenoo mina kuqiranannai aqoondi kamma quqaqisaifaqa maridaqa. Asauku mundirafa kuqunannai Anutuna aqoondi kamambi maridaqa kafaa Yisuna kaqi mariranannai mifa taikara aukuana Anutuna aranaqaranakinaana kuqaa uqanna maasa mina aqoondiuqa mareeqee asumu mariranaki quqaqisaannoo.

Kooroosee 2:14

Anutuna aaquqira ufa papiqaki marifaqa maasa mina irisee rukiasaida kaqi fimariafananoo Anutufa maasa darira ufa sia maasasaa qinau. Asauku mundirafa aunirira saqarisaa kuqirari marufanoo Anutufa maasa darira ufa oosana oosana qimaseenoo mara mareenoo Yisuna afaaqai munuseenoo aunirira saqarisaa pirimmannai aru atukaranau. Miqunara Anutufa maasara ufa siaisee qidanoo Mooseena sandufa nimaarusirafa fannoo sia amana inni naruannoo fee qidanoo.

Eefeesusa 2:15

Mooseena sandufakina oosanoosana ainainara nimaarusirana mifa faandaamurara foora Yuda maqannaasa faqa aanaamuru faqa aiqamaqara rakeemaqoofaqa mariqau. Asauku mundirafa doo mina ruka taikasoofaqa mi atiqanda oonu maree ani maree asauku mundirana faqa moodaanaki kiqa asooaranaki maridaqa.

Roomma 8:3

Mooseena sandufa nimaarusira ufa sia amana maasa uqeereeqeenoo maasa faiqí faiqi maasa marirafa kudoosaapaunanoo minara sia maasa uqeeraqiseenoo. Mooseena sandufa kadiqo̱ofanoo miqoo Anutufa moo oosanannai anoonaikinau. Mifa narí amaaku aqiqoonannai maasa faiqí faiqi naundurakinaa mandainaina arinau. Yisufa faiqí faiqi naundurakinaa manda ainaina maraquanifeera narí faiqí faiqi fooqaanaikamasee aqiqoofanoo quminau.

Roomma 8:7

Faiqí faiqi manda nidirafa nitikuraki rakisimarisa Anutuna namuqaakammiqa maridaqa, sia Anutuna sandufamau fidaqa, fidaqau sia amanaikiaqini.

Roomma 6:6

Maasa maa ainainna iridaqa, maasa manda marira nirana ameemaanai maridaqa. Doo maasa minakiqari idukuanifeera Anutufa maasa mareeqeenoo asauku mundirana faqa aunirira saqarisaa kuqannarinau. Maasa sia kaifaa ooqeenaa marirana maraqa nuaqeerau miqinau.

1 Koorinti 10:17

Moodaa feemu kai marina maasa moomoosa ruqi ruqimasee neemarianara moodaara foora maridaqa.

Eefeesusa 3:6

Mina kukeeqara ufa maaqimminoo maridanoo. Yuda maqannaasa Anutuna amiqi amiqiranaki maridaqa, Yisuna amiqira fasaasa ufa fannoo inni aanaamuru faqa oonu mareeqeenoo Yuda maqannaa amiqi amiqiranaki quqannisaidanoo. Innee aanaamuru mariasa maqee Yuda maqannaasa saimbaqa moodaa nifaaqara foora maridaqa asauku mundirana Yisunakiqari Yuda maqannaasa qima afeekaikammaqoofa innee aanaamuru misa saimbaqa minaki marida maree mariafanoo.

Eefeesusa 4:4

Maasa Yisuna ufa irimariasa moodaa nifaaqara foora maridaqa, Anutuna maraquna faqa moodaa maridanoo Anutufa moodaa ainainara afeesiranaki inni rarisama quqeenoo.

Kooroosee 3:15

Innee asauku mundiranaki mariasa moodaara foora marianara nariara nariara farafara qirana minnisee asauku mundirana asooarafa inni naundurai rakisimarinaqa moodaanaki kiqa mariaqa. Innee miqiaqee qimaseenoo Anutufa inni rusandeesamumasee mareeqee asauku mundiranaki quqanau. Doo Anutunara faqa maqee maqee dufi dufi qiaqa.