Eefeesusa 1:7 - Anutuna Ufa

⁷ Anutufa narí asauku mundirana kuqiranannai maasa mandainainakinaana idukuqiseenoo maasa mandoosana akiaqara minniqisainaqa marianaura. Maasa minara irisee Anutuna firaa afaariranara akooqoo uqanna marifaqa qafamasee irisee naqimasee maraanauree minara rufiaida furufaridaqa.

Eefeesusa 1:7 Referans Kwoze

1 Peetooroo 2:24

Asauku mundirafa narí kai maasa mandainaina aaqarana narí apatasaa mara quqaseenoo doo aunirira saqarisaa kuqirana maree finau. Maasa kuqirausara foora sia mandoosana maraaqeera kuqinau, amiqira oosana kuqiara foora iqa marida maraaqeera kuqinau. Mina afaaqa ateekaqoonannai maasa daundura uninoo maridanoo.

Roomma 3:24

Aiqama maqannaa fasiqa anaasee aaqoonara Anutuna innaaruna asumu mariranasaaqari nianai mariafanoo minara Anutufa narí afaariranakiqari kaqi nimira ainaina narí asauku mundirana Yisunannai misa mareeqeenoo narí afusaa andeeqaranaki quqanniseenoo nári mandainainakinaana idukunnisanau.

Kooroosee 1:14

Mi faiqinannai uqanna maasa mandainaina numoo minniqiseenoo minakinaana mara idukuqiseenoo.

Heeburu 9:22

Miqidanoo Mooseena sandufamau aandau fidikannai kai aiqama ainaina anukee marinau. Faiqí mandainaina faqa fidika teeqiranannai mi manda ainainna anukee marinau.

Mataioo 26:28

Maa uainnafa qini fidika kikiqusira uainna nammari maridanoo. Qini fidikannai uqanna Anutufa moomoosa numoo aununnisaanifeera maa qini fidika raannoo. Maana qini fidika fannoo Anutuna nariara faqa faiqí aanaaseera faqa noori runiranaki marunara fukasaa moodaanaki kira ufa mapukueeqeenoo doo rafaaqafusai fidikafa maridanoo.

Uqafiqoo Ufafa 5:9

Misa fuka idi maaqi qimasee raqau. Oo Yisufa sia moo fannoo amanaikiannoo anee aneenna andeeqaranannai kai aneenna akoona asaukukinaana papiqa marasee idukinnaranoo. Misa ani arusoofana aneenna kuqiranannai faiqí feefaurummeeqeenana Anutuna asaukuki quqanau.

1 Yoohanee 2:12

Qini faiqi namu, qinee inniara akara ridaqa. Inni mandoosanara Anutufa narí asauku mundiranara iriseenoo doo inni mandoosana akiqaara mininnisoonara qinee inni akara rumannimaqaidaqa.

Firipi 4:19

Sia meerai kai inni afeedamma nimaqaannoo maaqoo faqa innee sarauqi maria ainainna inni nimana kai nimiannoo, narí innaarunai mari qumiasana moomoo marina narí asauku mundirana Yisunaki marina innee sarauqi maria narana ainainna inni nimana kai nimiannoo.

Eefeesusa 2:7

Sia Anutufa fifau miqinau, narí firaa afaarirana faqa, maasa asauku mundirana Yisunaki keeqarana qafamaseenoo narí firaa aidirana amuqusirana faqa naaru kambiqainausa uqannifiqarara miqinau.

1 Koorinti 1:30

Anutufa inni mareeqeenoo asauku mundirana Yisunasaa atooqaseenoo asauku mundirana qumareenoo maasa iriranee qimaseenoo maasa mareeqeenoo narí andeeqaranaki qiseenoo narí aiku asauku uqannaikamma qimaqeenoo maasa manda ainainakinaana idukuqisoofaqa marunnanara maasa tamummaqara fasiqa ufamau kai fuannanara minara maaqi qimasee mifa akararinau. Faiqí moo fannoo nana ainainaree moo ainaina amooqianauree qimasee sia narí amooqirana uqeeraani karaambaiqara kai amooqiani.

Idi Ufa 130:7

Yaaweena sia taikaaninna amuqusirafa marinara faqa mifa maasa mandainainakinaana dadaaqirara aidi marinara faqa irisee, Isaraee maqannaasa Yaaweena saqarikiaqa.

Eefeesusa 3:16

Mi Anutunara inniara innaaru qidaqa, asauku mundirana innee saqarikiranannai mifa anireenoo inni naunduraki maaqakiara foora ani keeqaanifeera. Mifa narí maraqunannai narí areenarana firaanakiqari inni naunduraki afeeka niminaqa mapukusee mariaqa. Qinee inniara maaqi qidaqa innaaru qidaqa, innee inneeqa atukara foora faqa faakanara foora faqa nariara nariara nimuqusiranaki mapukusaaqa, innee Eefeesusa maqannaasa faqa Anutuna aiku asauku moo maqannaa mariasa saimbaqa afeeka marinaqa minannai asauku mundirana inniara amuqusinoo aidirana firaana iriaqeera innaaru qidaqa. Mifa inniara amuqusinoo aidirana mina kisaaqasaa aidirana faqa mina qusa kamu faqa mina meerai sandaaqaira faqa mina meemai farumara foora marirana faqa mina firaatiara iriaqeera qinee innaaru qidaqa.

2 Koorinti 8:9

Innee asauku mundirana Yisuna maasa karaambaiqa amuqusira dadaaqiranara amiqimandee irimariafanoo mifa innaarunai ainainafaqaafa uriqararafa marinoo inniara irisee maa maqanasaa qumu ainaina siaifara maqi mafinoo marinau. Yisufa narí ainaina siaifara maqi iranannai innaarunai ainaina faqaasa mariaqeera miqi marinau.

Roomma 2:4

Inniara Anutufa aneenna mandainainakiqari mifinnai ubeekeefandinnanara reendeenamasee rakisidanoo maridanoo. Innee minara Anutufa reendeenira oosana marainara innee minara furufarira oosana fee fee qimaseeqee kaqi mi mandoosannaki marida fee. Anutufa inniara reendeenira oosana fannoo sia furufarira oosanafau maridanoofau. Inneeqa mandainaina minnisee quandaki narinnai ubeekaaqee qimari oosanafa maridanoo innee sia fee minara iridaqee.

1 Yoohanee 2:2

Anutuna asauku mundirafa mifa kai aandau tatufirafara foora maridanoo. Minannai maqasaa fasiqa anaasee mandainaina akiaqara taikanniseenoo doo maasa Anutufinnai mafi qisaidanoo. Sia maasaindi kai aiqama anaamurundi minannai kai taikannisaaninafa maridanoo.

Titusa 2:14

Mifa maasa kuqirana nariara maraseenoo maasa sia maraaqeera maasa kuqiranaki mifa keeqanau. Sia fifaufau kuqinau. Maasa qeeqa mandainainakinaana mareeqeenoo maqee kamuqoo narí kaaqa qara andeeqara fasiqa anaasee kammannimaqaaneera kuqinau. Maasa minaindikuqanna iaqeera, maqee maria kamuqoo amiqira ainaina kai maasa aruqarara rimariasaikamma fuaqeera kuqinau.

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

1 Yoohanee 4:10

Andeeqara amuqusirana anoona maaqimminoo maridanoo. Sia maasa Anutunara uriqarara ainaina fee qimasee rimariqiafana. Anutufa naaree maasara amuqusufanoo narí amaaku aqiqeenoo minannai maasa mandainaina akiaqara dariraree quna mina mara aquanifeera aqiqoofanoo quminau.

Idi Ufa 86:5

Oo Yaawee, anee maasa amiqimma qisaseenana maasa numoo minni qisee mariananoo. Aniara innaaru qimariasara ani misara amuqusirafa firaafa maridanoo.

1 Peetooroo 3:18

Asauku mundirafa narí uqanna inniara kuqinau. Moodaa suanisaa moodaa kari kai aiqamausa mandoosanara kuqinau. Inni nisauku qumareeqeenoo Anutufinnai quqaaneera amiqirafa maasa manda fasiqa anaaseera kuqunnimaqanau.

Eefeesusa 3:8

Qinee Anutuna aiku asauku maqasaa fasiqaki oorudupirausa marunanoo Anutufa sia minara irinoo kaqi mi naakaparana qiminoo diqiqamaqimaqeenoo asauku mundirana, innaarunai nimira amiqi amiqira ainaina moomoo ainaina sia amana asaana rirana amana mi ufanara aanaamuru qimannimiranaki qini quqaqisaifaqa maridaqa.

Yoohanee 20:23

Innee faiqí mandainaina numoo mininnisaifanoo Anutufa faqa mininnisaannoo. Sia mininnisaifanoo Anutufa faqa sia mininnisaannoo.

Mareekoo 14:24

Maafa qini fidika kikiqusira nammarifa moomoosa adia nimaqeefandinafa maridanoo, qini fidika maafa Anutuna faqa faiqí anaasee faqa moodaanakikira ufa mapukunnimaqaaninafa maa fidikafa maridanoo.

Titusa 3:6

Anutuna naaquqara andeeqara maraquna fannoo Yisunannai maasa asumu maraaninnanasaaqari maasa unnannai anidanoo firaaqoo maasa daakuqimaqaidanoo.

Kooroosee 2:13

Anutufa narí ufa Isaraee maqannaasa Mooseena sandufa qimanniminau. Innee nianai maridaqa sia Anutuna ufa irimariafanoo innee faiqí faiqi mariafanoo manda iriramau fimariafanoo. Innee inneeqa irirana Yisunasaa mundusoofanoo Anutufa minara inniara narí amaakusaimbaqa kuqiqau maqi qidanoo kaifaa inniara narí amaakusaimbaqa kuqiranakiqari findi fiqa minasaa mundufiqa marifaranoo fee qimaseenoo maasa maqasaa mandainaina taikaqiseenoo sia naruanauree qinau.

Kooroosee 2:2

Minara inni nimuqusa sia iani paasoosammasee mariaqeera innee moodaanaki kammafi nariara nariara ridaqa innee Anutuna ufa amiqimasee iriseeqa innee nifaaqa quqasee Anutunaki mapukuaqeera inniara kadaapi ridaqa. Innee amiqimasee Anutuna afeeka kukeeqara ufa uqeerasee iriaqeera. Mi kukeeqara afeeka ufafa asauku mundirafa narí uqanna maridanoo.

Eefeesusa 2:4

Anutufa mina qafamaseenoo maasara amuqusirana faqa nifauarafa faqa firaatia marifanoo asauku mundirana saimbaqa maasa faqa kuqiranakinaana uqeera qiseenoo sia moo ainaina, Anutuna afaarirafa kai innaaruna asumu mariranaki quqanniseenoo.

Roomma 9:23

Kafaa mina dinni amiqira qafeera foora kasooqaqee maasa mina kaaqa areenarana mareefandinausa akaqausa auquqisanau, mina amuqusa maasa ubeekanoo marisa maasasaa kai mina idaaqira moomoo areenarafa kooroo ianifeera maasasaa nammariara foora narí areenarana adiannimaqanau.

Ruka 1:77

Anutufa maasara amuqusi marifa nifauee marifa maridanoo maasa innaarunai marira asumu mararafa doo suani qamannimaqeenoora foora inoo maridanoo innaarunaindari maasa kuqiranakiqara foora asukunaki mariasasaa qaannoo maasa asooara aatata niku raannanara qaannoo. Qini faiqi minara anee karaambaiqa faiqí anaasee qimannimia, nariqa mandainaina ikairi karaambaiqinnai maree aniraifanoo mininnisaannoo, minannai Anutufa innaarunai asumu marirana nimiannoo, Seekariafa doo mi tamummaqara ufana taikanau.

Rafudoo Akarafa 34:7

Qinee qeeqa qima afeekaikira ufa kasooaqee nukudara foora kambiqainausara qima qaafanna ufana kaqi kai iridqa, numoo faqa manda oosana akiiqara faqa minninisaanaura. Qinee numoo auqainna fasiqa aanaaseesa faiqi namu faqa mina anaiqi mara faqa mina asaifaqausa faqa afaqnausa faqa sia sia naruanaura, naruanaura.

Uqafiqoo Ufafa 14:4

Mi fasiqausa sia anaasee qummuari marusa amiqira maanaaqara foora andeeqarausa kai maridaqa. Misa sipsipa aanaaqi kuquna Yisuna faqa aiqamai fimarusa misa maqasaa fasiqa nandafiana neera fooridaqa misa Anutunaindi faqa Yisunaindi faqa maridaqa miqidaqa.

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

Idi Ufa 130:4

Maasara aneenna afusaa naaquqamasee mariaqeera maasa manda oosana akiiqara minninnisee marianafa mariananoo.

Mataioo 6:12

Akaqausa maasa manda ainaina qimimariana maasa minnisaanana miqikai inana anee faqa maasa manda ainaina akiaqara maraqu qisa.

Roomma 3:25

Anutufa Yisunannai faiqí anaasee mandainaina akiaqara mininnisaaninafa kambiqaanifee qimasee Yisuna aqiqamasee nimufaqa aunirira saqarisaa ariqau. Mi fasiqa anaaseesa nariqa Anutuna andeeqaranaki sia amanaikiqa Yisuna saqarikidaqa. Minaki keeqaranannai Anutufa misa mandainaina taikannisaidanoo. Anutufa narí andeeqara oosana kooroo ianifeera qimaseenoo narí asauku mundirana aunirira saqarisaa quqaseenoo minannai faiqí anaasee mandainaina akiaqara narí maranau. Ooqai maru aukuana Anutufa faiqí anaasee sia mandainainara narimarinau kisaaqasaa kasooinoo marida nifauee marinau.

Eefeesusa 1:8

Anutufa narí irirana firaana faqa qafeemariana faqa maraseenoo minannai ooqai marararee qimaqoona maraseenoo narí kukeeqara irirana asauku mundiranannai aiqama qimaqoo ainaina anoonaikianifeera qimasee mina maa kamuqoo kooroomasee narí faiqi namu araamuqmmaakai kiranara maasa qimaqiminau.

Eefeesusa 1:14

Anutuna maraquna nimirafa Anutufa innaarunai qimianinna ainainnara qima afeekaikamma utaaqamaqoofa maridanoo, mifa Anutufa kuqaa mandainaina akiaqara rumbaranakinaana idukirana qimiannoo fee qimarifa maridanoo, maasa minara irisee Anutuna kuqaa areenaranara dufi dufi qidaqa.

Eefeesusa 1:18

Anutufa inni naaramasee narí areenaranara afeesiaqee qimarianara innee iriaqee qimasee inniara innaaru qimasaanaqa inni nifu nitikura quandasainaqa areenarana nimianinnanara afeesiaqeera innaaru qidaqa. Naaquqara amiqi amiqirafa idaaqirafa moomoo uqanna narí maqasaa fasiqa anaasee innaarunai nimirara qima afeekaikidanoo nimiannoo minauqara faqa inniara iriaqeera innaaru qidaqa.