Eefeesusa 1:21 - Anutuna Ufa

²¹ Miqoo innaarunai asauku mundirafa aiqama ainainasaa uriqaramafi rakisidanoo, aiqama innaarunai uriqararausa faqa faiqí firaasa faqa afeekafaqaasa faqa karaambaiqauqa faqa misauqa faqa urinaaqaramafi rakisidanoo. Mifa aiqama afeeka nuqu faqaasa maa maqa maaqanaki mariasa faqa innaarunai mariasa faqa urinaaqaramafi rakisidanoo.

Eefeesusa 1:21 Referans Kwoze

Kooroosee 2:10

Innee minasaa maridaqa sia Yisuna marirana kai maree mariafanoo Anutuna marirafa minaki marina mina faqa maree mariafanoo. Afaannauqa rakisirausa uriqararausa mariafanoo faiqí moo fannoo misara anoonee qinaqa sia misara iridaqa rufiaaqa Yisufa kai misoo maasoo uriqararafa maridanoo misa faqa maasa faqa uriqaranoo maridanoo rakisinnimaqaidanoo.

1 Peetooroo 3:22

Yisufa kuqiranakiqari findifinoo innaarunai oorufinoo Anutuna aaqa mina asauku uqannai ooqu marifufanoo Anutufa aiqama innaarunai narí qangiroouqa faqa Sadannana afaanauqa faqa misa oosana oosana afeekauqa faqa mareeqeenoo Yisuna aramandunnai quqaqoofanoo maridanoo.

Heeburu 1:4

Anutufa qangiroo firaa nuqu ramaseenoo, narí amaaku auqu firaa auqu misa uriqarara auqu ranau. Mina amana kai narí amaaku qangiroo firaaqoo urinnaaqararafa maridanoo.

Kooroosee 2:15

Anutuna asauku mundirafa kuqufinoo mi kuqiranannai afaannauqa rakisirausa uriqararausa misa aiqama misa afeeka qumooqukamaseenoo aiqamausa nifusaa nisaurirana nimiseenoo ufoonaridanoo narí amooqimaseenoo maridanoo.

Eefeesusa 3:10

Maqee aukuana kooroo ianifeera qimasee Yisuna ufara suqimariasa misannai Anutufa narí irirana quandaqaandidanoo uqannifiqaifaqa qafaidaqa mina amiqi amiqiranara innaarunai ameemaanai mariasa misa uriqararausa faqa rakisirausa faqa maqee uqannifiqaanifeera Yisuna kooroo idanoo.

Eefeesusa 6:12

Maasa Yisuna ufa irimariasa sia faiqí faqa rakidaqa maasa meerai Anutuna innaaruna ameemaanai maria manda afaanausa faqa rakidaqa, maa asukunaki maria kamuqoo mirindari rakimariasa faqa misa uriqararausa faqa misa faiqí firaasa faqa meeraindari maasa daruafaqa maasa misa faqa rakidaqa.

Heeburu 4:14

Maasa aanaiqiki maria fasiqausa uriqararafa Anutufa narí mariqoo uqanna keeqafi maridanoo. Mi fasiqafa Yisufa Anutuna amaaku marinara maasa Anutuna amaana ufa qumaraunnana amiqimasee qumaraaqee qidaqa.

Mataioo 12:32

Anutuna maraquna aqira ufa mina akiaqara Anutufa sia mininnisaannoo. Maa kamusaqa marira aukuana faqa naaru kamusaqa marira aukuana faqa sia uqanna amana Anutufa mina akiaqara mininnisaannoo. Qinee faiqí nimaakuara diqira ufara minara Anutufa amana mininnisaannoo.

Heeburu 2:5

Maasa naaru fuka anianinna maqa maaqanara qidaqa. Anutufa sia qangiroora innee minasaa rakisiaqee qinau. Faiqí faiqi maaqoo qaraasa kai minara rakisiaqee qinau.