Eefeesusa 1:12 - Anutuna Ufa

¹² Maasa asauku mundirana irirana naaree indaaru irisee minara afeesimariasa maasa Anutuna kaaqa areenaranara dufi dufi qidaqa.

Eefeesusa 1:12 Referans Kwoze

Eefeesusa 1:6

Anutufa narí kaaqa qara areenara afaarirana narí amuqusira amaaku kaqi nimimari ainainnara foora kaqi niminau. Minara maasa qimuqusa ookiqari idaaqira ainaina uqannee qiaqeera kaqi niminau.

2 Teesaroonika 2:13

Innee Teesaroonika maqusanaasa sia miqimariasa karaambaiqa inniara aidimarisa maasa doo inniara maqee maqee Anutufinnai dufi dufi qidaqammu. Anutufa narí maraquna afeekannai faqa innee anoona ufasaa mandaaqaranannai faqa inni Teesaroonika maqusanaasa innaarunai asumu marirana faqa Anutuna narí faiqí anaasee kammafi mariaqeera faqa oosana arooqooqari rusandeesamumasee inni maraanauree qimaqoofa maqee mareenoo.

Eefeesusa 3:21

Yisuna ufara suqimariasa nariqa asauku mundiranasaa atooaranannai Anutuna amooqirafa maqee kamuqoo faqa naaru naaru faqa mariani.

Yameesa 1:18

Anutufa narí iriranannai kai narí anoona ufannai kai maasa narí fukasaa aanaaqi aanaaqikiranaki quqaqiseenoo maasa narí ufini aandau aiqama ainaina uriqararausai kamafi mariaqeera auquqisanau.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Eefeesusa 2:7

Sia Anutufa fifau miqinau, narí firaa afaarirana faqa, maasa asauku mundirana Yisunaki keeqarana qafamaseenoo narí firaa aidirana amuqusirana faqa naaru kambiqainausa uqannifiqarara miqinau.

Yoohanee 14:1

Yisufa miqi qimaseenoo aiqama qimanniminoo qinau. Innee sia nimukee marinaqa maparaaiaqa. Innee Anutuna saqariki mariafanoo doo qini faqa saqarikiaqa.

1 Peetooroo 1:21

Anutufa mina kuqiranakinaana uqeereeqeenoo areenaranaki quqanau. Innee minannai Yisunannai Anutunasaa mundiqa mariafanoo kafaa minannai kai inneeqa irirana minasaa rusirana faqa naaru innaarunai kambiqaaninna ainainara nidirana faqa minasaa ootupanoo maridanoo.